yahoo個户口比人盜用咗!

ckman0302

今日真係黑仔係公司無啦啦食咗隻死貓!都不突至點知一轉頭上網就發覺yahoo個户口比人盜用咗,仲要將我Ｄ拍賣品全部停哂,換哂做一Ｄ叫''VANS'' 鞋,事件發生之後我巳經將密碼改咗,仲打電話比yahoo了解,yahoo就凈係叫fax返D個人資料及事件有關內容比佢....陣間收工仲要走去警署備案....下面Ｄ相就係盜用我身份登野果條賤友! ..大家認住佢小心Ｄ..

lolopopo

咁都得,

darren14

http://hk.apple.nextmedia.com/te ... amp;art_id=13163192

本報於 8月中短短四天，相繼接獲三名 Yahoo！拍賣賣家投訴，懷疑被盜用賬戶，擺放大量不明來歷，甚至冒牌貨品出售，並被雅虎徵收刊登貨品費，其中兩人收費各高達約四千元。香港電腦保安事故協調中心呼籲市民，應設定複雜密碼組合，不時更改及小心保管。

讀者張小姐一向透過 Yahoo！拍賣網出售時裝，今年 7月下旬，其 hotmail電子郵箱接獲 Yahoo！拍賣電郵，向她徵收 20元首頁曝光一天費用。隨後她再收到電郵，徵收 4,073元刊登費。


舉報後遲遲未解決
已半個月沒有使用拍賣網的她，即查看賬戶，發現被人更改店名，並刊登了 100多件不明來歷貨品，疑被人盜用賬戶出售冒牌貨，即向雅虎、警方及海關舉報，惟遲遲未獲解決。
其間疑因盜用者違規刊登聯絡方法，害張小姐被雅虎扣 5分，「規定扣足 45分就永久停止賬戶！我明明舉報咗，雅虎唔單止幫唔到，又以私隱理由唔畀證明我報警，只可以備案，仲收我錢同扣分！如果對方利用我個賬戶賣冒牌貨，又證實咗，我分分鐘惹上官非，真係好無辜！」
余先生同樣在逾一星期沒有使用 Yahoo！拍賣網後，發現被人盜用賬戶擺放 143件貨品，遭雅虎徵 3,966元刊登費。呂小姐則於 6月底發現賬戶被盜用出售古錢，致被徵收 28元刊登費用，並因盜用者手法問題，買家對她的賬戶作出「騙子」劣評，向雅虎投訴但被拒刪除該紀錄。
雅虎香港回覆，經調查後，已為張小姐重開賬戶及撤銷刊登費與被記分數。現正調查呂小姐及余先生的個案，已聯絡兩人核實其用戶身份。
本報聯絡呂小姐及余先生，得悉兩人已應雅虎香港提供其認證身份手機號碼的賬單，以證明身份，如獲證實，有關刊登費及劣評紀錄可撤銷。警方則正跟進有關個案。


百宗網上拍賣罪案
警方於今年上半年共接獲 102宗與網上拍賣有關的科技罪案，呼籲市民遇此情況，應盡快到就近警署或向商業罪案調查科科技罪案組舉報。科技罪案組電話： 6277 1702；電郵： cpu-tcd@police.gov.hk。
檔案編號： 0816007、 0818038、 0819072


專家意見：密碼宜八個位或以上
香港電腦保安事故協調中心經理古煒德表示，密碼被盜用的原因很多，包括當事人不慎外洩，在不同網站使用同一組登入名稱及密碼，組合過於簡單致容易被破解，及登入假網站致被人套取密碼等。「喺互聯網好易搵到專門破密碼嘅程式，如果組合太簡單，好容易會被撞中。就算網站設定密碼連續入錯三次就凍結賬戶，都保障唔到。戶口被凍結，不法之徒亦可以透過回答簡單嘅認證身份問題，攞到新密碼，盜用賬戶。除非同時有大量賬戶出現唔尋常情況，或者有黑客入侵，否則網站唔會負責任。」
古煒德提醒，要保障密碼免被盜用，除小心保管及最少三個月改密碼一次外，應將密碼設定為八個位或以上，並摻雜字母、數字及特殊符號（如網站允許），避免用可在字典中找到的單字，及容易被猜出的資料如生日、名字等，增加破解難度。有關網上保安事宜，可瀏覽中心網頁：

http://www.hkcert.org。

社會服務
報料熱線： 2929 0000
社會服務熱線： 2990 8288
蘋果日報慈善基金： 2990 8688
傳真： 3711 2468
網上捐款：

http://charity.appledaily.com.hk/donate
各類表格：
http://charity.appledaily.com.hk/forms
電郵： sservice@appledaily.com

匿名投訴恕不處理。一經投訴，本報保留刊登權利。

darren14

上面個CASE 係我個FREIND既真人真事, 佢重叫左我POST 下面段野俾網D討論區等多D人知,唔好中招

darren14

警察、海關、yxhoo都令我徹底失望!!!
細細個用yxhoo service到大,由普通電郵至拍賣服務,唔經唔覺用左有10年以上,7月初一天突然發覺拍賣帳號被人盜用,黑客改了我密碼,將自己o既波鞋放左去我拍賣acc度賣,兩日之內post左百幾件貨品,仲刊登額外收費o既首頁曝光服務,兩日後就收到yxhoo通知要我找數四千幾蚊!!
之後幾日，我分別去警局及yxhoo, 警方話由於未落實我acc係咪真係被人盜用,要我得到yxhoo回覆寫明我acc係真係被人盜用先可以開case交俾CID查,我同yxhoo解釋情況要佢協助,yxhoo就一直唔肯正面回答我acc係咪被人盜用,只係話警方如果聯絡佢地,佢地會盡量提供資料

真係不知所謂!!!!警察都講明冇yxhoo証明信唔會做野,而yahoo唔肯証明o既話,仲點會有警察問佢地拎資料?Yxhoo仲講因為我acc係同 .com申請,.com係美國yxhoo,如果想重開我acc要我自己寫信去美國yxhoo度要求=____= 請問香港yxhoo客服係咪請你返黎坐架??
警察其實係最有能力可以拎資料查案,又要我自己同yxhoo拎証明,單單兇殺案都係只得條屍架啦!!條屍識得彈起身話你知佢被人殺左要你地去查案咩?點解呢d你地又識得自動波呀?
仲有海關,7月初同佢地講個黑客懷疑賣假波鞋,查到而家,8月尾都黎緊喇!!一個回覆都冇!!!!!浪費左一輪時間想將黑客繩之於法,但三個parties都闊佬懶理!!!而家我地冇納稅咩?冇俾刊登費你地賺咩?收錢o個時okok,做野o個時就乜都唔say!!!!

強烈要求差佬、Yxhoo海關要積極協助!!無謂令更多人受害!!!!至少要有noise俾多人知道有呢件事,等人知道呢三大機構係點做野o既!!!!超憤怒!!!!

qq1122yq

盜用有咩著數？廣告費？要捉佢都好易喎！  

aegysd

嘩！

chhanthony

真係好危險下喎

darren14

盜用有咩著數？廣告費？要捉佢都好易喎！  
qq1122yq 發表於 2009-9-15 17:33

捉唔到架, 個賣VANS 個 HACKER佢人身在大陸, 我個FRIEND 佢中左招差佬唔俾佢錄口供添呀, 叫佢搵YAHOO 攞左個CONFIRMATION 佢俾人HACK左先可以落案, 佢都傻架如果YAHOO 內部有問題咪即係等於.....你被黑社會打完之後去報警, 但個差人叫你去搵黑社會攞左CONFIRMATION 黎先好落案... 差人做野真係唔得.....

最後要搵生果報出面, 先可以錄口供

唔洗$可以有得玩YAHOO 拍賣, 重要唔貴唔落, 係全部用晒增加曝光率果隻, 拍賣方式係用快遞由大陸寄黎, 我個FRIEND 開頭想扮BUYER 落答, 引個SELLER 出黎打X佢, 點知都唔得

阿定

一早知Yahoo低能！