記住哩個日子 — 兩款疑似PS4獨佔大作或於12月5號公開

@肥狗仔@

SONY的次世代主機PlayStation 4只係花咗9個月時間就突破千萬大關，這對於未曾有咩獨佔大作推出的PS4黎講無疑係一大喜訊，因為當這堆所謂獨佔遊戲登場的時候，該主機銷量會否再以幾何級數上升成為次世代主機的霸主一值都係業界的焦點。事實上SONY在今年的遊戲陣容好大程度上都依賴著第三方大作，好似《Destiny》及《Watch Dog》等等3A大作就為PS4提供額外的獨佔內容，不過以SONY旗下龐大的第一方工作室而言，PS4的"第一年"明顯係唔尋常的一年，除咗首發的《Killzone Shadow Fall》及復活節檔期的《Infamous Second Son》之外，其在年末商戰前後所擺出的第一方大作就只有近期劣評如潮的《DriveClub》及連開發團隊都換埋的《Little Big Planet 3》。

相比起XONE明年的獨佔陣容，PS4明年的獨佔遊戲除咗三款已公佈作品之外(兩款在2月推出，一款在秋季推出)，仍然非常神秘，直到本月頭，經常爆料的Tidux表示在本年12月，至少有兩款PS4原創大作會公佈。其再三強調，這兩款遊戲是SCE第一方工作室的作品，且為原創IP，最重要係3A級大作。

而去到今日，GTTV主持人Geoff Keighley在Twitter上張貼咗一句耐人尋味的字句:

Geoff並冇指出所謂"Games"係咪同PS4有關，12月5號究竟係咩日子亦不得而知，但至少與Tidux所指出有PS4大作公佈嘅係同一月份。無獨有偶，Tidux今日在Twitter上連續tag咗PS4多次，然後大叫:

若果Tidux唔係譁眾取寵，咁佢所見到嘅遊戲應該...至少畫面上十分利害，因為Tidux指自己今日見到一款神秘的第三人稱作品，其光照效果叫人目不轉睛。

在9月時候，內地網站A9VG就率先公開了兩張Killzone開發團隊Guerrilla Games原創RPG新作的概念圖，圖中有巨型攝人的機械恐龍。假設Tidux的消息冇錯，而Geoff所暗示的又係PS4新作公佈的日期，這款代號為"Horizon"的PS4獨佔遊戲應該會在12月5日正式公佈，至於另一款大作係咩，到時玩家自有分曉。

原明

期待！

inagawa

原明 發表於 2014-10-17 07:56
期待！

mgs 5 獨佔中文版??
(Post76 Android 手機版送出)

@肥狗仔@

inagawa 發表於 2014-10-18 14:28
mgs 5 獨佔中文版??
(Post76 Android 手機版送出)

中文版有全球公佈的必要嗎~

@肥狗仔@

我成日覺得SONY本身一早plan好年尾可以出到1886哩類3A級大作，但見部機愈黎愈好賣，就索性留力到出年。哩家就睇吓下個月XONE翻唔翻到身，始終有COD同HALO，若果仲係戰敗真心唔洗再玩。

BTW，PS4有原創新作係好事，哩個年頭跨世代的續作期望愈大失望愈大。

momolee

@肥狗仔@ 發表於 2014-10-19 21:10
我成日覺得SONY本身一早plan好年尾可以出到1886哩類3A級大作，但見部機愈黎愈好賣，就索性留力到出年。哩家 ...

係呀!
玩新GAME好過
番抄GAME只係一味 呃錢又錢