《Forza Horizon 2》(王者回歸 保時捷 登陸FH2 & Forza 6)

@肥狗仔@

聽其他Ching講FZ5係個伏，所以今次朝住牛牛入手《Forza Horizon 2》，希望有驚喜。

ocean-1

我覺得好好玩!

@肥狗仔@

玩咗兩粒鐘倒，已經將線上模式解鎖。隻game真心唔錯，無視賽道約束其實係次要，本作最正的地方在於佢唔會叫你一落場就起勢比油贏人，反而會希望你炫耀一下自己部靚車，做甩尾﹑燒軚等動作去獲取經驗，享受下係開放式地圖揸超跑同朋友遊車河的樂趣，自由接各種任務。而作為Forza的衍生作品，拉花﹑改車﹑影相mode都唔少得，論遊戲性感覺唔會比Forza正統作品差。

不過搵佢同一般正規賽車比又有點兒那個，一黎本作係開放式地圖，二黎線上模式的玩法非常古靈精怪，我玩咗兩鋪連線，包括同其他玩家遊車河，到達目的地後以為係以跑圈決勝負，但點知原來係"國王遊戲"，一般玩家要撞向戴有王冠的玩家，以奪得王位，另一場係病毒遊戲，帶有病毒的玩家要將病毒轉移到健康玩家身上。玩法稱得上小學雞，但可能本人少玩賽車game，所以真係大開眼界，而且的確幾有趣。有關玩法及過中的歡樂氣氛都引證出《Forza Horizon 2》與其他好似GT﹑Forza Motorsport甚至係NFS更加casual。同樣係玩開放式地圖，之前《The Crew》的BETA感覺真係被太多事物所約束，加上劇情及設定問題實在好難叫人投入。而本作冇咩劇情及密密麻麻的挑戰，雖然缺少什麼路燈及途人，但感覺上先係稱得上真係的開發式賽車遊戲，而唔係純粹GTA的閹割版本。

畫面方面因為之前都玩過吓Forza5，因此見識過其畫面有幾"靚"，黎到《Forza Horizon 2》，與其前輩還有《The Crew》一樣，我唔能夠稱之為次世代畫面，但某啲日景光照還是做得比上一代機出色好多。特別今次遊戲只係30fps，在第一身視點下速度感卻拍得住雲迪素的飛車片。另外本作開場片段堅係正，不但起到點精的作用，亦帶出賽車的狂野，絕對值得一睇再睇。

以下為本人影的幾張相，其實有兩個吐嘈位，第一係車手個樣同Desmond有七成相似，第二係除咗Battlefield之外真係未見過地面同空中載具可以如此親近:

原明

正…幾有興趣添

RiceR9

奪得王位，病毒遊戲...之前有玩過....
仲有個  足球比賽.....撞到架車 散晒

其實佢都係跟 TOP GEAR 咁玩

原明

要on line先玩得？

@肥狗仔@

RiceR9 發表於 2014-10-10 10:34
奪得王位，病毒遊戲...之前有玩過....
仲有個  足球比賽.....撞到架車 散晒

ic, 之前玩盡是頭D, GT風。碰碰車第一次見。
(Post76 Android 手機版送出)

@肥狗仔@

原明 發表於 2014-10-10 10:37
要on line先玩得？

有單機的。不過多人對戰會多啲野玩。

laiho

我有玩過試玩版，覺得好難控制，郁少少就打白鴿轉，我想玩既賽車game係類似RR系列嗰種， 唔要太真實，甩尾入灣扒頭嗰種刺激，唔知呢隻有冇呢種感覺?
(Post76 Android 手機版送出)

@肥狗仔@

laiho 發表於 2014-10-10 12:14
我有玩過試玩版，覺得好難控制，郁少少就打白鴿轉，我想玩既賽車game係類似RR系列嗰種， 唔要太真實，甩尾 ...

RR感覺太rail car，不過各有所好吧。本作的甩尾可以賺取經驗值，平時喺大地圖上可以自由表演。但比賽起上黎仍然唔會有優勢。