20140920 廣州遊記 (HiFi 耳機與數字音頻展)

Andykong

CosmicHolyGhost 發表於 2014-9-24 17:12
ibasso dx100 successor!!!! cant wait!!

我聽「老人家」話下年中時覺得條頸己經開始伸長添，我同佢講記得加返幾個制，纯 touch screen 好痛苦，佢笑笑口話明白嘅，會加返架，跟住大家一齊笑!

nightscrawler

部nagra 睇落好吸引喎

Andykong

繼續 update，終於寫晒隨身部份，好在集資行動大致順利，呢幾日忙於答 PM/whatsapp, 賣了部 DAC 後只能用 DX100 + T5P 頂住先，所有野交收完後應可以寫快 D 了！

********************************

學林

學林推出入門級 DAP， iHiFi 770 非常靚仔，和以前 iHiFi DAP 完全兩回事，超機身兼完全順滑，攞上手真係唔覺佢 DAP！咪住，呢部係 DAP，點解會咁滑手？ D 制呢？

770 標價 999 人仔，同 Fiio X1 正面對戰。暫時我睇好 Fiio 一線，兩部都聽過一陣，雖然兩仔都細力水，試過 Kuro 和 EX1000 都好勉強， X1 平衡度略高但 770 都好順耳，聲音方面算是各擅勝場，我自已覺得 X1 可取之處是操控，770 的操控是純輕觸式，連Volume/play/Stop/Pre/Next 這些基本功能也是觸按式，而且操控位超精細，基本上必須望住 screen 來用，大家留意 770 正面相的右下角那兩粒 + 和 - icon！唉，擺明蝦我呢 D 老花人仕啦！ Touch screen 已經不是 DAP 的首選，但你做到 ZX1 咁，大大個 screen 所有操控鍵都大大粒兼用高對比來 highlight, 清楚易用都 OK 啦，770 用低解像 2.4” screen 加微型隱敝式操按鍵，絕對是 user interface design 的雞肋代表！

770 可能想向女用家招手，所以 screen off 時會變了鏡面，是否實用見人見智，但就很容易留指摸汗印，要型要靚的話記得帶多條抹布出街，小弟粗人一個，唔多敢上手了。

LP5

L8 月時已為 LP5 出過一篇專文介紹過，今次便從簡了。最大「驚」喜是公佈了價錢：金版 ¥6999，銀版 ¥4999，記憶中金版的優勢是雙運放，高階時鐘和多一倍的內存，值唔值多 ¥2000 就見人見智了。現場試聽，LP5 金版果然推力驚人，Alpha Dog 推唔起正常的，但推 HD650 真係聽得下，轉 Low Gain 推 Kuro 和 EX1000 更是沒有難度了！

除了特厚金磚外形和十字軍設計概念外，LP5 的屏幕是另一討論焦點，將長方形的 screen 加 masking 改成圓形，令原本已不算大的 2.4吋 screen 再大減 40% 顯示面積。現場所見，LP5 的屏幕視角是一大隱憂，因為視角非常狹窄，而且最佳視角唔係正視而係打側 45度斜望，正面望個 screen 時對比嚴重不足，很難睇到個模擬 VU 錶的指針 movement，個電量錶就更難看了，但打側睇的話其實是清楚的。 LP 的 staff 見我攞住部機試不同角度來「莊」佢，然後打側角度影相，都承認這確是一個有待解決的問題！

山靈

老牌子山靈都出DAP了，國內 DAP市場果然已開始戰國時代，短期內有心買 DAP的用家最好睇定 D啦！這部 M3播放器賣 ¥2000，現場問過基本規格是 300mW@32ohm 的CS4398，可以立刻發貨了。試聽時推 IEM 很不錯，推力中上，但不是大型國磚個類，直推大耳無望了。聲音平衡度不錯，活潑生動，唔怪得大陸論壇都話呢個係良心定價。

設計和做工也得到家，大廠果然有自已的功架和風範。實物有點大，左手人會有 D 唔慣因為部機除了右上角真係無任何制在機面，左右和頂底。好處是個模一塊過好滑好靚。個 control 轉盤可以襟上下左右 4 個位來模仿常見的 4-direction buttons，按中間可以當 click select, 另外可以擰當 volume, 好鬼簡潔，但咁多 control 放係個 5 毫子咁細既位，對操控靈敏是有小小要求， 我用右手都仲好快上手，但用左手試就差 D，用慣左手既朋友入貨前要小心試真了。

回家後驚聞 M3 臨門失腳，本來已承諾 9月22號開始發貨的，臨時決定換屏幕和運放晶片，連網上的規格也由 300mW 改成 250mW，前者是提高亮度方便戶外使用，後者是令調音暖一點，要十月初才能發貨，預定了的客人是在 25號收到廠方個別的電話溝通，然後廠方再派員到論壇解釋。姑忽交論修改後的 M3 會如何，廠方這種務實的 Customer care 確是值得一讚的。有部份用家說會因此退款，但其實國內有明文的 7 日試用回款保証，既然廠方大方處理，我覺得也不用急於打退堂鼓吧！

山靈同場 static display 一部小型 Network Player DR2.1，非常骨緻，細細部己經可以行 DLAN + Airplay, 機背仲有 TF card slot, 用 8 字電源線，賣 700人仔，有 Coaxial out 和 內置 ESS 解碼。呢個價錢又將網播的門檻向下推了，我當場建議山靈下一版唔好用 8 字頭了，改跟外置 switching 牛用 DC 入，既減小內部干擾，又讓發燒友工有升級電源的空間，另外用得 AC 就唔係 portable, 點都應該用 SD 而不是 TF 的，寧願兩個 slot 都有，但得 TF 無 SD 就真係唔係 desktop device 囉！

粗人敵卡

相當吸引

Andykong

近日確實是太過份了，完全無心情聽歌，寫野分更是不用了，分開十幾次先寫完第二段的廣州報告，而且反應十分冷漠，所以也不打算寫第三段了，有興趣的請提問，我儘量解答！


*************************************

Yulong

先利申一下，小弟是鈺龍 D200入門解碼耳擴一體機的用家，6 個月來開心使用中，從未出問題。賣了 D200 即將升級 DAC 都是揀鈺龍，所以你大可當我係粉絲，講野會偏心。鈺龍是國內小工作坊品牌，揸fit人小龍本是通訊專業出身，因興趣而開始 DIY，因有需求而全時間投入，創業 5 年已在國內和 HeadFi 闖出名堂，雖不至人人拍手，但總算是備受認同。

若問近年鈺龍代表作，非 DA8 DAC/耳放一體機莫屬了 (¥6680 或 US$1200)。ES9018 蕊片但耳擴卻偏 laid back，保留了 9018 的 detail 和密度但和常見 ES9018 的冷聲底非常不同。現場有提供一套 DA8 + A28 耳擴套裝，和一部 DA8 直 TH900，我覺得直推 TH900 的參考價值更高。展場的 HD800 可說是完全泛濫，每個檔口都一定有一兩隻睇門口，但小龍知道自已產品的賣點，獨排眾議起用 TH900 作 DA8 的天仙配，實在是非常明智。我自已用過Yulong 的 D200 直推 D7000，除了未能將低音收到唔 Boom (其實試左好多部都唔得) 外，整體好夾聲，推得開又能控制高頻不會標，TH900 的低音比 D7000 小，但解析和密度都比 D7000 好，正好發揮 ES9018 的優勢，所以呢個簡單的一件頭套裝確是值得考慮。小龍表示現正籌備 2015  年推出新版的 DA8，將會提升時鐘組件，USB 介面也會換成最新的方案，調音會偏更寬鬆自然，整體的通透度也會提升！

另外一套吸引我坐下試聽的是 Yulong 的限量版旗艦解碼 D8 (¥12,800 or US$2200) 和 A8 (¥16,800 or US$2800)。D8 可在預訂時可加裝高精度時鐘 (¥2,000 or US$350)，但只有限量 30 只，賣完再出 D8 也不能再加這份時鐘了。這是我第二次聽這套解碼/耳擴，而 D8 解碼更是曾在 Yulong 的工作坊用他的 Pass + Dynaudio C2 組合和 dCS Elgar 拼個死去活來，可惜那次小龍的 Cardas Clear for HD800 耳機線不在，而我的 Alpha Dog 又新到手未煲開，所以只能用 T1 耳機試聽，今次我特別安排在第一天的完場時間才到 Yulong 的展示室，待人群走才靜靜地用 HD800 和 Alpha Dog 祥細試聽了 D8/A8，更深感受 D8 帶出ES9018 優點但不會太硬，有監聽的精準但不會偏冷，確實是深得我心了。

小龍今次還帶來了一台 Digital Transport工程機作現場幾部解碼的訊源，這台數字轉盤非常小巧精美，做工比 DA8 更優勝，儲存接駁上提供了一組 eSATA, 一組 USB2.0 和 一組 USB1.1, 另有 RJ45 網絡接頭可連線 LAN 和 NAS，基本功能都有了，但小龍說還有一些網絡對應的問題尚未解決，所以未決定是否量產，真可惜了！ 另一方面，小龍正密鑼緊鼓開發另一新產品 U200，。這是以前U100 的更新產品，將會加人 WiFi 功能，就看小龍能否打破無線無好聲的定律了。

小不點

小不點的展示檯主要是 3 部耳擴和一部電處。兩部膽擴 MK8se 和 MK6+ 我已相當熟悉，所以焦點便落在晶體耳擴 LD_X1 和 再生電 LDP_500了。 LD_X1機內有 4 組完全相同的功放線路以Dual Mono Differential 運作。這是第二次聽LD-X1，8 月時在深圳聽過剛砌起起不夠 24 小時的第一部工程機，只能用中規中格來形容，相隔一個月再聽這部 pre-production 版，是用相同的 CD 機和耳機 (Alpha Dog) 配搭，但今次是從容有序，聽感明顯改善了，和楊老師傾了兩句，他也謙虛地說現在差不多了。售價是 ¥6800，首批預訂優專價是 ¥5800，我聽過覺得物有所值，有興趣不妨留意。

LDP_500 不是常見的隔濾式電處，它是再生電，即是將交流電變直流電，調校好正絃波後再轉回交流電，中間還有一些細節的清理和修改。這方法可有效地將電源飛沙走石。和隔濾式電處比較，再生電便類似蒸濾水，而隔濾電便似過濾水。當然過濾水都可以好乾淨，你用陶瓷膜可以做到純水級，但因為入門的門檻較低，所以良莠不齊。以往再生電造價偏高，產品選擇小，但今次 LDP_500 以 ¥3600 開售，現場所見，一部 LDP_500 供電比CD 機 和兩部大力士級耳擴 (LD-X1 和  MK8se)，也只用 30% 的電量，500W 電源足夠提供全套 HeadFi 系統用電兼有足夠 headroom。效果方面，有「最佳損友」在用過覺得好正後借給我試了一個星期，我聽到的是背景非常黑和靜，detail 多了，立體感也提升了，最重要是動態沒有壓縮，所以當我升級完 DAC 後，再生電將是下一個目標了！

Questyle

Questyle (曠世) CMA800R x 2 是現場試過最好聲的石機，但兩隻耳機 Dual Mono 式運作，使用兩個獨立 Volume 還要不是級進式的，要維持左右聲道完全平衡會有點難度。CAS192 順耳襟聽，不是高解式設計，所以不會讓你感到資訊爆柵的 detail，但樂感十足，可惜縱有 CAS 之名，現場卻只駁了一部 Mac 機，可挑選的歌不多，兼謝絕 USB 手指和 SD card 試自已歌，所以匆忙間未能抹清底蘊！

Q192 小型一體機，之前拜讀斯路兄報告已十分心儀，聲底算是縮水 CAS92+CMA800R，可惜驅動力略嫌不足，我用 Alpha dog 時一開聲已經扭盡 Volume 但仍意尤未盡火，但這部 Q192 反而是駁了 network player / NAS，所以有很多歌可供選擇。

聽完 Q192 後對呢部新款 CMA800i DAC+電流耳擴合併機非常期待的，奈何排了長龍，緣慳一面了！

Soundaware

大會有小小玩野 Feel，將兩間競爭對手擺正隔離，而且是玻璃房，方便大家你眼望我眼了！

Soundaware (享聲)  的主力產品是網播，可算是我的目標器材之一，但我對 Soundaware 的產品興趣不大，主要是想試 Violectric V281, 得既然到了 Soundaware 房，點都比下面介紹下部「主角」A200S 的。Soundaware 的旗艦網播是 D100 Pro Deluxe (2014 version), 主要賣點是同價內罕有可對應 DSD 和 SACD ISO，接口最齊兼有 Clock Syn。A200S 是建基於 D100 Pro Deluxe 下再加入內置解碼功能，以一體化設計用盡 clock syn. 優勢，牌面上是萬元人民幣內最完整的發燒訊源。

用自已帶的 SD卡，試了兩隻耳機， Alpha Dog 我當然是熟悉的， HD800 在聽過 GSX-2, HBA1, 小不點 MK8se 和無數大陸耳擴 (基本上擋擋都有)推動後，也算有點瞭解。雖然這兩隻耳機的驅動要求，強弱項，音樂表達等都頗不同，在半小時內也不敢說試得很仔細，但在我比較關心的平衡度，動態，通透度和解柝這幾個範疇內，兩個組合都是满意的，將來 Relay RC 出貨時真係要搵機會再祥細聽下。

QLS

QLS ( 乾龍盛) 對發燒認真，這點我不會懷疑，但 QLS 的經營之道卻是有點不好說了。今次是第二次在內地參觀 QLS 的展覽檯/房，但都是接近空手而回。上次是 8 月份深圳的耳機友聚會，當開始可以試聽時，一開始便往 QLS 的桌子跑，等了 15 分鐘终於可以坐下試聽，但竟發現展示的器材都擦了清纯版固件，只能播 Wav 檔，帶去的 SD 卡都是 FlAC， 全部不能播！我是查過 QLS 的產品規格才預備了 SD 卡的，但 QLS 卻只提供閹割了大部份功能的清纯版固件試聽，當時只能用機內提供的歌曲，很不容易才找到一首較熟悉的，所以對 QA860 是龍是蛇，聽過了也不大瞭然！

今次再入 QLS 的展示房，挑了個不用排隊的位子坐下，是圖中的一套 QA860 配 Goldenwave Amber 推 LCD2，今次我有備而來，預先將常用的 40多首測試歌由 FLAC 轉成 WAV，於是順自已的習慣，第一首是 Namu Starkman的帝王大钢琴演奏 (Chopin - Scherzo No. 2 in B flat minor, Op. 31) 試平衡度，第二首是Leopold Stokowski –Hungarian Rhapsody No. 2 The Bartered Bride Overture 試聲場和樂器排位，第三首是金卡拉楊的貝 5，聽了 3 首後覺得 LCD2 根本沒有推開，於是細心看了設定，原來全平衡設計的 Amber 只用 RCA 接駁，所以我只聽到半部耳擴在推 LCD2，向當時的 QLS 職員查問了一下，回覆是 XLR 線用了在 另一套 QA860+SPL2730+HD800 (Single Ended) , 所以 Amber 只能用 RCA 了。我當下呆了一下，不是 full balance 設計和只有 6.3 單端耳機口的 SPL2730 用 XLR，而 Full Balance 和有 4pin 平衡頭的 Amber 反而用 RCA?

後來我和 QLS 負責人在網上交流過，原來他們設計了三套 QA360 系統，各配不用的耳擴和耳機，分別展示 QA860 在不同曲風下的特質, SPL2730 + HD800 是聽古典的，Amber + LCD2 是聽女聲的。姑勿論設定技術上這是否最好的安排，精神上我是非常欣賞的，因為 QLS 是以表演他們所理解，所能弄到的最好聲作依歸，但做生意確實不是好聲便贏的，難怪 Soundaware 房人流比 QLS 旺盛，因為講做生意，Soundaware 確實是勝人一籌的！

Shinrico

Shinrico (馨睿) 的 SHD10 媒體播放器，¥3680, ES9018 解碼，有 SD 糟和 USB 接口可連接外置 storage ，附耳擴。時間關係只視了隨機耳擴口，推 AKG K702 65th Anniversary 聽蔡琴，Volume 竟然推到最大 (100) 都唔夠聲，一體機計吸引力不大了，有機會才再試 DAC 部份吧！


美星

第一次接觸這個國內品牌，後來去睇 HiFi 展才知美星部膽霸 MC998-AB 都幾誇張下，真係人咁高，幾枝復刻西電 212 粗過手臂。

在耳機展這邊美星展示了幾部膽耳擴，當中以這部標價 ¥16,800 的 300B 膽耳擴最吸引，MC300-EAR 是單端膽機，有 4 pin 平衡頭但標明是 50ohm, 單端頭反而可調不同 ohm 數。我先用 Alpha Dog 試， 因為 Alpha Dog 的阻抗規格正好是 50ohm，所以算揍合了。先用美星自已的 CD 機聽了幾首，有個底可作 reference, 然後換上 X5 line out, 用 自備的 Zu Audio 3.5mm to RCA 線接 Aux in, 感覺是中高以上棉密可人，但下盤清瘦欠力，無論是低頻延伸和量感都不足。照計 8W@50 ohm 應不會如此表現的，換了另一隻 D7000 再試，配搭加持下終算有聲有色了！

後來去了會議中心的 HiFi 展，在美星的大房再見到這部 300B 耳擴，當時廠方提供的耳機是 ATH W5000，看來推日系底阻是調音時的取向！

Andykong

nightscrawler 發表於 2014-9-26 09:42
部nagra 睇落好吸引喎

可惜無駁到得個睇字，問過話可以稍後試下駁，但第二天再去連機收了！

iamsocheap

話說LP5 係香港已經有售，唔知有無得試呢，都未有時間去睇添。

其實我覺得反應冷淡係因為無咩人去左，而又有好多產品無聽過。
我對小不點個電源再生幾有興趣呢，雖然佢其他產品我都係未有機會試聽/接觸，但對於呢個品牌印象唔錯。

見你提到金波goldenwave, 而家佢隻amber 出第二代，唔知你又有無興趣呢？

Andykong

iamsocheap 發表於 2014-10-6 05:11
話說LP5 係香港已經有售，唔知有無得試呢，都未有時間去睇添。

其實我覺得反應冷淡係因為無咩人去左，而又 ...

第一次見LP5 時覺得佢好特別，雖然不是我杯茶但都出帖介紹比大家。現在開埋個 6999 標價，我真係聽過就算了，因為無論外形，厚度，user interface 都接受唔到！講聲 LP5 係 OK 既，佢無 Calyx M 那份自然幼細，推力和控制力追返唔小分，但如你用的IEM 對推力要求不高，咁就未必中你的紅心了！

我覺得冷淡是因為大家對內地器材普遍睇淡，DAP 外國產品選擇非常小所以大家會考慮國磚，DAC 和耳擴大家都有很多選擇所以小人問津，連帶討論的氣氛也低落。

金波套 Amber 2 當然有留意，我還特意加入了金波的 QQ 群收風，呆了個多了個月到出了貨和有網評才退出。金波的東西流通量實在太小，曾經諗過約朋友去深圳試聽 Amber 和 GA-09，但在淘寶上找過，深圳的熊仔店和雷音也只有入門級的 GD-01，唯一有賣 Amber 的是一間只有兩個心的小店，最大期望的 GA-09 更是影都唔見，去了兩次內地的耳機展也沒有擺 booth。  

有些朋友可能完全唔知金波 Amber 2 是什麼，出以兩個帖子應該可以給你一個概念。
http://erji.net/read.php?tid=1722589
http://erji.net/read.php?tid=1723029

小不點部電處是好野，我自已聽了一個星期，效果是明顯的，呢個價真係買兩條電源線都只能買人門級，但效果是電源線無可能做的！

nightscrawler

Andykong 發表於 2014-10-5 22:16
可惜無駁到得個睇字，問過話可以稍後試下駁，但第二天再去連機收了！

哩部南瓜應該好小見吧??

Andykong

nightscrawler 發表於 2014-10-6 12:46
哩部南瓜應該好小見吧??

Nagra 有分 Pro 和 Consumer 兩邊，HiFi 店甚小放 Pro 野出來，所以好多好野都未見過！