《Final Fantasy XV》係日本家用機市場的救世主? SE: "Oh Yeah~"

@肥狗仔@

[YoutubeHD]_a4Y_0Oydcg[/YoutubeHD]

日本家用遊戲機市場正在萎縮，上星期日本方面就有報導過XONE在當地首發時的慘況，場面冷清的店頭比比皆是。不過其實就算係當地老字號的PS4及表現稍好的WiiU在過去一段時間都只係保持於每周四位數字的銷售增長，人氣遠不及3DS及PSV等掌機。早前kotaku就訪問咗《Final Fantasy XV》的聯合總監田畑端，其表示基於上述原因，所以FFXV的出現先顯得更為重要。

田畑端表示，日本手遊/掌機市場長盛不衰，與當地文化不無關係: "日本係個好特殊嘅地方，啲人由朝坐車坐到晚，長時間身處交通工具入面就正好係手提遊戲機出場嘅時候喇。就算返到屋企，佢地都只會屈喺自己間房度打機而唔係出客廳玩。"

要知道Square-Enix早已被人冠上手遊大廠的稱號，原因好明顯與該公司近年不斷將旗下遊戲移植到手機上有關，考慮到哩點田畑端所指出的問題顯得份外尷尬，而作為一個從少就與電視遊戲一同成長的製作人，田畑端亦慨嘆即使自己身在曹營心在漢，但對現時日本市場對於家用遊戲機的支持並唔感到樂觀，那怕FFXV係款不折不扣的電視遊戲:

"就家用機會否再被市場接納而言，我唔能夠話自己完全唔擔心，但我相信這會取決於FFXV的表現。"其之後又解釋道: "我真心好希望更多玩家可以享受身處客廳，面向大電視玩遊戲嘅感覺。若果連FFXV都賣唔好，或者日本的家用機市場都冇咩希望架喇。"

喺剛過去嘅SCEJA發佈會上面，儘管SONY公佈了不少PS4獨佔遊戲，但跟據當地傳媒對玩家進行的調查，發現玩家對發佈會的評價好壞參半。查實對比返PS3時代的獨佔日系陣容，PS4如今所擺出的只係一堆二三線的遊戲，即使有P5，龍如等人氣系列作加盟。但好似當年的《白騎士物語》或者《二之國》等一線原創IP已經消聲匿跡，更唔好話同X360首兩三年的的日系大作相題並論。

Source

lawzelda

我覺得最熱鬧系红白机到Ｐｓ２，不論由返學到返工，總聽到有人談論遊戲，現在氣氛冇以前甘熱鬧，的確小咗人玩家用机

@肥狗仔@

lawzelda 發表於 2014-9-9 18:06
我覺得最熱鬧系红白机到Ｐｓ２，不論由返學到返工，總聽到有人談論遊戲，現在氣氛冇以前甘熱鬧，的確小咗人 ...

市場演變得好快，以往互聯網唔係好發達，開發商又會突登出cheating key，好讓game鋪老闆可以同客仔吹水，玩家之間又有話題。哩家遊戲未出攻略先行，過關秘技隱藏元素只要做吓宅男唔洗出街都可以山寨出一個game master。當然仲未計mobile game個問題...

boysbehei

如果重製FF7就好

沙煞比

boysbehei 發表於 2014-9-10 11:16
如果重製FF7就好

我都係FF7愛好者

呢兩日有POST 話遲少少FF7會首先係日本登陸IPHONE 同ANDROID