突發！「旺電」將變波鞋鋪

tommy1976 · 發表於 2014-9-4 20:35

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

突發！「旺電」將變波鞋鋪

相片來源：維基百科

提到買電腦，高登、旺電、298，過去可以算是香港人買電腦必到之地，可是今日人人都只識買手機、平板的年代，「腦場」？屋企部腦無事都唔會去一次喎！就係咁，高登賣「LEGO」、298變迷你倉，旺電呢？咁近波鞋街，緊係賣波鞋啦！

所講的賣波鞋，並非有波鞋店進駐咁簡單，據腦場中人相傳，「旺電」的大業主，將會以400萬月租將整個商場轉租予波鞋街大戶「允記」。旺電經歷了廿多年，終於不保。

有業戶表示，在電腦節後，幾個以銷售電腦產品和配件的商場，生意都相當的差，除電腦節已消化部分購買力外，新的數碼產品如 iPhone 6，最快會在9月尾才陸續上市，到時場中的買賣才會熱鬧起來。所以旺電不保，認為是大勢所趨。而且波鞋街現正重建，波鞋店在現有商場開旗艦店，插好旗，總好過等新盤落成才在新商場捱貴租，計落可能更划算，旺電物業的大業主也可個個月收足租，所以他個人對旺電不保並不感到奇怪。

當然，旺電過去也曾經讓不少電腦迷留下腳毛和回憶，好似過去旺電有幾間代理直接開設的零售店，知名的有Iwill主板代理 Info、Magic-Pro和華碩代理漢科等，也有賣筆記簿電腦出名的Wise和Able等等。而今日商場中的「海鮮坊」，出名網上報價夠公開兼夠平，到現在仍然相當好生意。