細聽模擬時代的味道 ~ 黑膠系統與靜電耳機的組合

windwolf447

小弟才剛2字頭，以前從來也沒有聽過黑膠的聲音是如何的。直到一次在HMV搵CD時，發覺有好多唱盤同黑膠碟買，當中仲有好新嘅我鐘意的ALBUM，突然先意識到近幾年好似又復興番呢種模擬時代嘅產物。於是係好奇心驅使下我就插對IE800上一部TEAC新出的唱盤上試聽，唔洗好耐我就比呢種帶著微微「炒豆聲」的音樂深深吸引住了。

之後GOOGLE了一下了解到機唱有唔同的驅動方式，有不同的唱頭，唱臂點調校，咩係超距，黑膠的清潔保養等等知識……然後明白到其實這些復興潮下新出產的塑膠的輕飄飄又什麼都換不了的入門唱盤最多是讓新手圖個方便而已，相比之下買個7-80年代的重身金屬轉盤可以更換及調校各部件的2手唱機會是個更好的入門選擇，幾百元就有交易，而且音質要好得多。

結果我就分別買了一台已經連資料也查不到的DENON全自動帶盤和一台SANSUI的摩打直驅盤SR-333(我發覺這台要比DENON那部好聲不少LOL)分別放在家中和宿舍，一段日子之後我就替SANSUI那台換了個DENON DL-103R MC唱頭(對比跟機的AUDIO TECHNICA MM頭提升真的很大，但會不會有點浪費了?)。用耳機來聽就少不了一台PHONO PRE-AMP，目前我是用入門級的PRO-JECT PHONO BOX玩住先。

在宿舍我是用靜電耳機AIR-BOW SC-21(相關文章)聽歌的，用來聽黑膠時細節完全表露無遺，但由於靈敏度太高，初初聽(尤其是2手舊碟)的時候「炒豆聲」簡直嘈到有點難以忍受，心想還是搬回家用HD650聽算了。之後懂得了清潔唱片，弄得乾乾淨淨情況就好很多了，基本上沒多少噪音，可以靜下來欣賞音樂了，好聽到唔想除。

同一首歌我聽完黑膠版之後就番唔到轉頭用CAS (Computer As Source)系統播了，果種細膩綿密，自然暖潤又帶有韻味的聲音係我目前的CAS系統唔比到我的，畢竟黑膠系統係真正的全模擬的聲音，同數碼野係2回事。係細節表現方面CAS可能會清晰一D，但黑膠表現出嘅層次感同音樂感實在太吸引我(我依家仲要只係用緊好平嘅唱盤同唱放)。當然我不可能因此放棄CAS，CAS依然係主力，佢嘅方便無可取締。黑膠係另一種樂趣，係慢慢調校器材同清潔唱片的過程中，感覺心情也平靜下來了，而當耳機播出令我滿意嘅聲音時，會有一份成功感。

以上。

loadinglove

黑膠+靜電系統算唔算係最接近原本的聲音?

windwolf447

對比CAS的話應該是吧?

windwolf447

不過都要睇係咩錄音，近年的碟好多是數碼重製，呢個情況下就應該是CAS較接近原音了

loadinglove

windwolf447 發表於 2014-9-3 02:34
對比CAS的話應該是吧?

宿舍玩靜電有唔少限制
靜電系統太易受環境影響了
電源係問題 濕度係問題 噪音又係問題
我現在都只係玩返 srs-002 簡單d

windwolf447

loadinglove 發表於 2014-9-3 02:41
宿舍玩靜電有唔少限制
靜電系統太易受環境影響了
電源係問題 濕度係問題 噪音又係問題

濕度方面不知道是不是因為SC-21用特殊處理過的震膜，我不太感覺到有什麼分別，電方面就真係冇計，不過我已經好滿意了。

噪音的話……反而其實係我用開放式耳機嘈住個室友XDDDDDDDDDDDDDDD

windwolf447

loadinglove 發表於 2014-9-3 02:41
宿舍玩靜電有唔少限制
靜電系統太易受環境影響了
電源係問題 濕度係問題 噪音又係問題

002其實我一直好想試下，不過又冇DEMO，好可惜/_\

ozrayyau

如果我想享受音樂，我就聽黑膠，數碼係止咳用，方便而已。
夠班黑膠加頭板碟，我唔知為乜要聽數碼。

windwolf447

ozrayyau 發表於 2014-9-3 10:35
如果我想享受音樂，我就聽黑膠，數碼係止咳用，方便而已。
夠班黑膠加頭板碟，我唔知為乜要聽數碼。 ...

好同意:)

johnmo

看來不錯