《愛混在一起》 (Blended).… J J 快評 (無內容)

lkljason · 發表於 2014-9-2 12:57

本帖最後由 jayjay 於 2014-9-2 13:26 編輯

Adam同 Drew呢個組合已經係佢地第三次既合作，頭兩套《愛情黎料》同《每天愛妳第一次》我個人就非常鐘意，所以知道有新作再次合作個人都幾期待，可能架輕就熟既關系，所以合拍度無可挑剔，而因為係講兩個單身既人點樣走埋一齊，所以會牽涉埋大家既仔女，而搞笑部份就落係非洲之旅當中。

比起前作《每天愛妳第一次》，今次感動位略嫌小d，不過笑位尚算ok，單親父母同子女相處既問題都有講下，不過大初份圍繞笑料方面，其實我覺得可以著墨多D，可能會更好。

總結：
喜歡愛情小品既朋友可以一看。
喜歡Adam同Drew呢個組合既朋友可以一看。
想輕輕鬆鬆個幾鐘都可以一看。

不過出文時套戲應該已落畫，有興趣既朋友可以等出碟時睇下丫

題外話，其實唔想比較，但近期睇完小三再睇呢套，Drew Barrymore 係就係年紀都有翻咁上下，但橫睇掂睇點都好過 Cameron，可能以前索瑪莉既 Cameron 同而家對比實在太大啦！