見到水蛇春咁長既反應, 叮噹佬你呢個post真係堅, 吸引各人水區人物出現~~!! {:9_426:}
咁作為閱讀權限set得最高既水區長命帖樓主, 六號枱當初既出現只係因為有土豪們好鍾意whatsapp group裡面係咁講廢話, 結果我頂佢哋唔順就開個post任佢哋講, 到咗宜家, 當初六號枱開枱既人有走既走, 有新人入既入, 基本上都係無咩西選, 不過有時會講私人嘢, 所以set高權限費時任何人(即全新人)都睇到啫, 基本上真係會上post76既普通會員都入得去吹, 肥定你入嚟我都有同你打招呼架, 不過六號枱人其實係各水區長命帖裡面回帖最少既, 班大佬通常都係講完早晨就byebye.....
我自己覺得不嬲都無話分唔分邊個圈子, 各水區我都會入去叫早晨, 以前就算新人開早晨帖我都照入, cd區bluray區硬版有人出post我得閒見到唔理新人舊人啱吹就入去講~~!! post76本身就只係一個大家庭, 好似每年版聚, 雖然都會分枱, 但我都係全場飛, 而好多區既人小弟都見過真人吹過水甚至食過飯~~!! {:9_421:}
但係咁又代表咩, 係咪我六爺就係特別啲, 係咪我就要排外~~?? 我諗呢個唔係一個身份既問題, 而係自己點做人既問題, 小弟從來無話唔答新人嘢, 仲不知幾咁鍾意答新人嘢添, 因為等新人覺得容易入嚟吹嘛. 當然會有一啲post我係唔識答或者唔認同既, 咁咪唔回囉, 無問題架. 我自己覺得人哋鍾意做咩有佢哋既自由, 有人鍾意活喺自己既網絡世界裡面, 有人鍾意推到自己有咁高得咁高, 我真心覺無問題喎, 因為唔好話啲分, 就算比人話我講嘢係錯, 我荷包又唔會少咗錢, 我啲肉又唔會少咗, 我老婆同陸豆又唔會跟人走佬既~~!! {:9_436:}
平時已經夠辛苦, 上post76因為係玩樂網梗係以開心為主, 平時心啦各位, 制度出咗嚟係版管既決定, 入得嚟玩就預咗接受版管既決定, 反之真係接受唔到, 一係令自己接受, 一係令自己離開啫....post76係咁, 香港係咁, 全世界都係咁, 將自己推開少少去睇, 做人都開心啲~~!! {:9_408:} |
[複製鏈接]
發表於 2014-8-26 17:48
我听返泥既
發表於 2014-8-26 18:42
