來自韓國的巧克力～～CALYX M～～

jasone_ti

最近手提播放器的競爭可以話極度激烈，國內有iBasso、Hifi-ET、QLS等等，而國外就有新冒起的Astell&Kern，老牌大廠Sony最近亦推出了週年作，縱然如此CALYX作為手提機戰場的新參戰者還是在今年推出了M，首先要有超越其他手提機既覺悟，咁究竟佢有冇雄霸一方既實力呢XDD 咁就要多謝方浪音響借比小弟試下啦

講下點解有得借玩先，事緣小弟去參加左其中一個CALYX M既試玩活動，本來活動前我已經分別自己上過代理亦都去過唔同既耳機舖試玩，本身對M都算有好感，但果次試玩活動就比我見到鼎鼎大名既Kent Poon啦！！！ 咁吹吹下水發覺kent好似好唔心咁，一問之下原來網上好似有d關於CALYX M既誤會，但其實完全係誤會黎既，咁最後誤打誤撞就變左小弟有得借屋企玩啦


迷團之一：用唔到大卡? 其實係未支持exFAT，FAT32係得架～

實機相信大家都揸過啦,做工基本上沒有要投訴的地方，都算聚手但未去到重既地步。 只要靚聲或者都可以細部，要埋大芒就冇幾多位偷啦～


磁石volume係最中一個大賣點呢,仲係可脫

其實部機幾易用，對比頂級既智能電話、平板會顯得在丁點兒慢，但基本上都係流暢既。不過當你入SD卡入CALYX M就要比小小時間佢index張卡啦，而index期間係可以聽其他歌的。另外CALYX M個swaping有點奇妙，大部分電話係由芒既兩掃向內，但CALYX M係由芒既中間掃去兩邊，好似好抽象不過去到實機應該就會明白呢



咁最重要就係聲音啦。Calyx 係屬於比較暖以及微暗，都算聽得舒服既類型。小弟測試既時候主要以AKG k3003和ath的im50測試。聽Kalafina的大碟《Seventh Heaven》，整體感覺不錯。即使CALYX M 的性格比較慢一點，聽一般的流行曲也不會出現拖泥帶水的感覺，唯獨是聽Sprinter 一曲時會顯得不夠爽快，不能營造出奔跑還有緊張的感覺。另外有聽了Jason Mraz的大碟《Love is a four letter word》，很棒。Jason Mraz的音樂主要是男聲還有結他，就是這樣。隨曲風的變化有時加入不同樂器會變得豐富，有時只剩下一支結他，另外他的音樂不會太過刺激，縱然有快板的音樂也是很輕鬆的。而小弟認為這類型的音樂是很適合CALYX M的。除了因為帶暖的聲音外，CALYX M的聲音頗為鬆容，不會太強調線條感。結他撥弦的聲音頗圓滑，耐聽。另外CALYX M的背景亦夠乾淨，聽I Won't Give Up一曲或其他靜態的歌曲便能感受到乾淨的好處。 要小弟說的話，喜愛jazz或者輕音樂而不追求刺激的話應該也會喜歡CALYX M的。



好唔好聽絕對好主靚，但好唔好聲呢，就可以客觀嗽。依句係Kent Poon係活動講而小弟都同意既。Kent亦都非常有自信咁話佢測試過好多市場上既耳機，以掃頻出黎既結果黎睇CALYX M絕大部份時間直推出黎既結果係好過加左AMP既(volume最大為bypass)。除左HD800依類怪物級之外，係唔需要再加耳擴架啦。不過小弟既然唔係專業人士，亦都冇掃頻既知識同儀器啦，不過小弟都相信kent唔係吹水既，所以我都信CALYX M係數據上好聲架。但係淨係好聲係唔夠既，都要我主觀地認為好聲先對我有意義。 而當中有一兩點我係要挑剔既:

首先，CALYX M的中低頻比較弱，如果主力人聲的話會因為中低頻薄了一點的關係會覺得少了一點感情，男女聲也有差不多的感覺。另外CALYX M的音場淺了一點。K3003本身算是一隻主導性強的耳機，尤其音場方面更甚，3003很多時候會做出它特有的音場，但於CALYX M之下3003的音場感覺還是比其他時候淺了少許。另外有一樣CALYX M的特性是它會把高頻的細節推出來，令到一部對高頻敏感的耳機不太夾CALYX M。當小弟以CK100試聽時，會令整體出來的聲音變得生硬。所以配搭時要花點心思才行。

就結論來說，其實我是非常喜歡CALYX M的，要數的話絕對是新生代手提機中頭三。CALYX的聲音總給我一種遊閑的感覺，隨時想舒舒服服地聽歌，佢都應該係我既首選

PS
Fw0.95會出現因為太小電所以叉唔到電,用家記得升0.96呀
另外代理fb有詳細user guide,有問題可以上去睇下

OT
我去借Demo機時，代理的職員一慣的友善，而當我知道他們為CALYX 充好電才借給我，我想我已愛上了他們

小瑟

哈哈，睇Jason既Report,我真係幻想到你個樣講野時既風格。

聽完你講，有D興趣玩下，不過想知，部機咩價位？？？

jasone_ti

小瑟 發表於 2014-8-13 13:20
哈哈，睇Jason既Report,我真係幻想到你個樣講野時既風格。

聽完你講，有D興趣玩下，不過想知，部 ...

都唔平，8k有得找咁

粗人敵卡

師兄報告

goodabc2010

師兄既用後感

hphp

"...喜愛jazz或者輕音樂而不追求刺激的話應該也會喜歡CALYX M的。"
"...要數的話絕對是新生代手提機中頭三。CALYX的聲音總給我一種遊閑的感覺，隨時想舒舒服服地聽歌，佢都應該係我既首選..."
同我試完的感覺好近似，性價比高過 47 品牌。
反而我用 TF 10+Oyaide 聽，人聲的密度咀形等都好出，一定好過 47 近期出那兩部。
推力好足，不用加擴都可以還原耳機應有的聲音。
但播 Rock 及電子音樂就不是它的強項，它聲音速度來去比較慢。

小瑟

今日有機會囉過上手玩左個Interface一陣，個mon冇得講，真係好靚，有依家手機既解像度咁正，觸控其實都ok快喎，同依家D手機比唔差好多，專輯擺位設計都幾好，可以打横放到三張封面，今日最衰要傾野，如果唔係插入耳聽返陣先。
(Post76 Android 手機版送出)

小瑟

jasone_ti 發表於 2014-8-13 13:24
都唔平，8k有得找咁

8K幾如果唔洗加Amp都夠做，我情願一部過呢。
(Post76 Android 手機版送出)

WE300B

都係既，如不用再加amp的話，以質及便利性黎講，個價錢係有相當競爭性既！
(Post76 Android 手機版送出)

tong1511

好早已經試左,當時有衝動帶佢走,不過再同IPC+720DAC  AB TEST 後,熱情減左,除左細部左之外,俾唔到自己籍口買佢.