The Last of Us™ Remastered︰絕地及網戰要點 (白金)

marcolau

（一）︰絕地模式


終於完成「絕地」難度，最開心係一次過可以開埋其他難度嘅獎杯，如果要開白金的話，流程同 PS3 係唔同，因為The Last of Us Remastered 可以直接選擇「絕地」難度而不需先完成下級難度才解開上級難度，所以流程係「絕地」-> 「絕地+」之後搜集就可以選 「簡單+」或「普通+」。
其他流程可參考PS3版︰ The Last of us 全單機獎杯流程

朋友問我建議咩難度，我叫佢如果冇玩過PS3版就先玩NORMAL，否則就直接入「絕地」，無謂玩翻同一樣野，但玩「絕地」要有心理準備。
幸好之前有玩「生還者」，對「絕地」有一定槪念，所以算打得快。

起初以為「絕地」只是資源少了咁簡單，心諗主打潛行就可以了，但當去到中後段就出事了，如水庫戰時，明明就是一埸槍戰，但彈藥嚴重不足，根本就要迫人打埋身/潛行。

所以在「絕地」下，可潛行當然好，反之就是打埋身，所謂打埋身是活用玻璃樽或磚頭直接投向敵人令對方硬直再加以重擊，或直接打擊敵人，所以近身武器必不可少，如果冇近身武器在手，至少都執舊磚頭作埋身重擊。

整個遊戲內容太長，我只選出幾個比較難打嘅地方作解說。

1, 匹茲堡
[YoutubeHD]prLBGY3emDY[/YoutubeHD]
這場主要是潛行，但問題是第二波敵人出現比較奇怪，如果有彈簧刀會比較好辦，但可惜我冇，因此哩有打埋身。


2, 湖畔渡假村
[YoutubeHD]LAS87W7ZpTU[/YoutubeHD]
這場即使在「生還者」難度都相當難打，而且在「絕地」更加冇彈藥補給，所以一開始就用弓箭，留翻支槍的四粒子彈到後段才用，而整埸打法都是靠在男人後面由佢打，而你主要係執雞。因為弓箭可以執翻，所以最好等敵人入左屋先放箭。

3, 公車站
[YoutubeHD]3J4905cDvUM[/YoutubeHD]
這是最後一埸對怪人的戰鬥，所以可以放心地用你的爆破武器，但最好有兩個燃燒彈，因為隻肥野一個燃燒彈唔會死(「生還者」好似一個就死)。

4, 火螢實驗室
[YoutubeHD]akh3I30stxk[/YoutubeHD]
最後一場，基本上可以不殺一人就可以過版，但我都係忍唔住手.....。

---

（二）︰絕地+(03/08/2014)


完成「絕地+」了，當晚成晚開住直播，班友係咁睇我點死....XDD

唔知係唔係錯覺，玩「絕地+」資源比「絕地」多，仲以為自己選錯 MODE ，後來先發現「絕地+」敵人比較難打，如匹茲堡本身只有兩波敵人，但「絕地+」就有三波，幸好，今次有彈簧刀。

除妹妹版之外，「絕地+」都係承繼之前嘅能力及武器升級，所以始終比「絕地」易打。

---

（三）︰Left Behind 絕地模式


Left Behind 100%
好采當日出 PS3 版 Left Behind 冇即時買，如今可以在 1080p 下完成。


雖然在獎杯中冇要求要完成「絕地」模式，但橫惦玩開冇理由唔用「絕地」玩埋佢.....
但玩落就後悔喇，在正章中妹妹版已經難打，如今仲要得佢一個，所以玩「絕地」真係好攞黎衰。

實際上只有兩個地方最難打，
一「差一點點」的發電機搵汽油時。
搵汽油時因為會有四隻怪出現，而你手上根本冇武器，所以唯有搵磚頭打埋身。放心，裡面岩岩好有四舊磚頭。

二係最後一版「我敵人的敵人」。
[YoutubeHD]DlreDB-eSKw[/YoutubeHD]
注意一點，因為係人類敵人，所以唔可以開電筒。
一開始用弓箭靜雞雞殺幾件，再打埋身至完成第一波。
第二波盡量殺左有獵槍兩條友，因為冇獵槍會好大鑊，最後剩翻兩人就會出怪(應該係三隻)，由得佢地互片一輪，最後一定係椰菜花嬴，如果唔好采有一隻普通怪就先殺左佢先，因為佢實搵到你。
因為獵槍只能一發，所以最好引兩隻椰菜花上上層再由下面用電梯拉直線打，一來佢唔可以周圍走，二來有足夠時間上彈。

---

（三）︰網上對戰

上次 PS3 The Last of Us 開唔到白金就係因為個對戰太煩，得我一個人要打百幾場，又成日死機，真係頂唔順，所以我放棄了。
今次唔同喇，因為有大把朋友玩陪我玩，所以順理成章開埋白金。


對戰獎盃係要扮演「火螢」及「獵人」與生還者涯過所謂的 12 週(一場對戰大概等於一日)，其實十分容易，問題只係時間。
而對戰本身係4打4型式，所以好講求合作性，當然唔少得基本技巧。

其實對戰都要好似故事咁邊行邊整炸彈之類，所以一般為左慳時間我都建議執到第三個補給箱先開始整野。
有朋友話為何開咁多槍都打佢唔死或點解佢一槍打死我，因為每支槍特性唔同，一般槍要六發先可以擊倒對手，而三發槍特性係要個準星縮到最細先有威力等等。
由於彈藥有限，所以當一支槍子彈快用完時要記得換槍，及不時補血，如果唔係用炸彈之類，一般殺兩隻就好走去補給。
而對戰途中係可以用零件買強化，如護甲或特殊武器，所以用零件買強化係必須的，但基於零件可轉換為補給品供生還者用，12 週內因為要保住生還者，所以我都好少買強化。


基於初玩對戰冇咩勁技能，所以「自訂裝備」真冇咩意義，因此用佢 SET 好嘅裝備會比較好，而用咩裝備比較好就取決於你本人，我本身玩潛行，但後期個人技術好左，就選用猛攻，因為猛攻有支一槍一件嘅特殊武器。

獎盃重點︰

在 12 週內分別會有數次小型攻擊及五次令你人口全滅嘅大型攻擊，人口全滅即係涯過 12 週開唔到獎盃囉.....


所謂攻擊其實係任務，要在三日內完成，但基於每完成一個任務，任務要求就會升級，如第一次選擇擊倒敵人，最低要求第一級為 3 個，下次就會係 6 個，如此類推。
我建議小型攻擊可以不理，揾 D 自己最難搞嘅任務，如爆頭之類，做到就做，因為點都死唔晒成村人。
反之人口風險 100% 就揾D最簡單嘅黎做，如擊倒敵人、處決或特定武器擊倒，因為實做到，你唔會三場加埋都殺唔到三個人掛........


如圖中任務最低要求處決 4 個人(初級為處決 2 個)，做到的話，人口只會減六成，咁已經過到骨，如做到第三級 12 人，人口只會減兩成。

[YoutubeHD]lozltJ4SnKk[/YoutubeHD]
上面講過打對戰要講合作性，一般都係一齊行，打圍攻，但哩場嘅隊友我係唔識嘅，而入到去我隊已經死左兩件，基於同對方冇溝通又唔知佢地咩料，所以唯有做獨行俠。
而打對戰重點係盡量唔好急住處決敵人，因為咁好易畀其他敵人執雞，而隊友DOWN左亦要留意周圍有冇敵人先好救。

marcolau

「絕地+」直播中，睇我點死
http://www.twitch.tv/xdxtv

@肥狗仔@

good~小弟第一個100分就咁俾咗你

marcolau

@肥狗仔@ 發表於 2014-8-1 23:56
good~小弟第一個100分就咁俾咗你

咁大禮呀

marcolau

（二）︰絕地+



完成「絕地+」了，當晚成晚開住直播，班友係咁睇我點死....XDD

唔知係唔係錯覺，玩「絕地+」資源比「絕地」多，仲以為自己選錯 MODE ，後來先發現「絕地+」敵人比較難打，如匹茲堡本身只有兩波敵人，但「絕地+」就有三波，幸好，今次有彈簧刀。

除妹妹版之外，「絕地+」都偽承繼之前嘅能力及武器升級，所以始終比「絕地」易打。

暫時係咁多，下之講黑妹DLC先。

@肥狗仔@

marcolau兄嘅爆機速度已經可以用時速黎量度。
(Post76 Android 手機版送出)

marcolau

@肥狗仔@ 發表於 2014-8-3 16:09
marcolau兄嘅爆機速度已經可以用時速黎量度。
(Post76 Android 手機版送出)

哩隻game玩到熟晒啫。

@肥狗仔@

marcolau 發表於 2014-8-3 19:18
哩隻game玩到熟晒啫。

有無數過自己爆左幾多次，計埋PS3。我就冇咁嘅能耐，自己最喜歡的純單機Vanquish都拎唔到白金/全成就。黑妹DLC之前都爆過?

marcolau

@肥狗仔@ 發表於 2014-8-3 20:20
有無數過自己爆左幾多次，計埋PS3。我就冇咁嘅能耐，自己最喜歡的純單機Vanquish都拎唔到白金/全成就。黑 ...

PS3爆三次，哩版已經二次。

以前一隻game會爆三次，一次低難度靠自己同睇故事，一次最高難度細味系統，第三次搜集開成就。
而加冇乜時間，通常爆兩次。不過唔係隻隻game都全成就，因為有尐game唔值得花時間。

黑妹未玩過。

marcolau

（三）︰Left Behind 絕地模式


Left Behind 100%
好采當日出 PS3 版 Left Behind 冇即時買，如今可以在 1080p 下完成。


雖然在獎杯中冇要求要完成「絕地」模式，但橫惦玩開冇理由唔用「絕地」玩埋佢.....
但玩落就後悔喇，在正章中妹妹版已經難打，如今仲要得佢一個，所以玩「絕地」真係好攞黎衰。

實際上只有兩個地方最難打，
一「差一點點」的發電機搵汽油時。
搵汽油時因為會有四隻怪出現，而你手上根本冇武器，所以唯有搵磚頭打埋身。放心，裡面岩岩好有四舊磚頭。

二係最後一版「我敵人的敵人」。
[YoutubeHD]DlreDB-eSKw[/YoutubeHD]
注意一點，因為係人類敵人，所以唔可以開電筒。
一開始用弓箭靜雞雞殺幾件，再打埋身至完成第一波。
第二波盡量殺左有獵槍兩條友，因為執唔到獵槍會好大鑊，最後剩翻兩人就會出怪(應該係三隻)，由得佢地互片一輪，最後一定係椰菜花嬴，如果唔好采有一隻普通怪就先殺左佢先，因為佢實搵到你。
因為獵槍只能一發，所以最好引兩隻椰菜花上上層再由下面用電梯拉直線打，一來佢唔可以周圍走，二來有足夠時間上彈。


最後剩翻網戰，有排搞......。