師兄們大家分享下你地選擇音響前,試聽的經驗, 趣事?

karsonkwan

有趣經驗我大把，就講一個最近發生既。話說我去一間S字頭既名牌線材既代理。問老細一條pc既價錢。咁佢答我2萬左右。跟住叫佢開機比我試下。佢話雖然駁左落機但係冇得試。因為我地對呢個品牌有信心，你可以上forum睇下其他師兄點講。咁我就話：我上forum就係有師兄話呢個牌子呢個model係入門級。要再上一個model ＄50000果條先有料到。跟住老細話有時forum d野你唔可以信晒。佢問比咩野機用，我答佢係paganini DAC 同master clock（佢好似唔知係咩）咁佢話而家d cdp dac冇返咁上下真係唔聽得。我話我個解碼係paganini 喇喎。。都成十幾萬。。。佢話十幾萬係最基本入門，而家d cdp要40萬先有返咁上下。。。。。我真係O左唔係講笑 音響佬個個都好誇，佢都算係冇得輸果隻。。。

我話人地賣線如果有駁機一定可以開機試，如果冇駁機有d都會開條新線出黎試。佢話咁係因為人地d野唔得。對條線冇信心。。。（冇信心先唔比人聽下話）
跟住有個客入黎想試部佢display 出黎放係最前面平常駁住左既cd機，最後我問他呢部cd機幾錢。。。。大家估下幾錢？

mclaren

小弟最近想換對座地喇叭，但預算不多。之前上網搵左一輪資料，睇牌子既評論。最後同老婆行過銅鑼灣原X，入去試左兩對就俾錢買左（當然係預算之內）但最好笑買入既呢個牌子係冇搵個資料既，耳仔收貨就算了。

karsonkwan

nicknick 發表於 2014-8-1 14:45
fifi兄, 俾個秘訣你, 唔好走到舖頭直接話「我要試xxxx」, 而係行去sales哥哥度話我想買套hifi但唔知邊隻好, ...

咁樣佢一定好落意同你傾。。。但係一定係咁水你。。。當你唔識野
到時你話想試呢部佢就話你部冇駁，你聽我講，試呢部。。。

c.yes

alonIV 發表於 2014-8-1 17:14
唔怪得d人話音響sales好鬼串啦,比錢買野仲要奉承佢地至有合理既服務

同意師兄講法，我試過去旺角想要試對4312，個哥哥仔話要搬去試音室喎咁大對，當時我o咗，唔搬去又點試呢，火都嚟埋我問佢對喇叭賣唔賣，佢話賣我话唔试點買，你係咪做生意架？插咗佢一倫就走咗，我試過去大陸買兩部膽機人地D招呼不知幾好，要試乜都得，要試34有34，要試845有845，鬼死咁大部即時搬過來永冇炸型，唉！！！！香港真係就快玩完

alonIV

karsonkwan 發表於 2014-8-1 18:15
咁樣佢一定好落意同你傾。。。但係一定係咁水你。。。當你唔識野
到時你話想試呢部佢就話你部冇駁，你聽 ...

佢話無駁就一野插過去啦,唔通仲同佢談心牙,"你係唔識駁,定係唔想做生意,你唔識駁就搵其他同事幫手,唔想做生意我就問下你老細想唔想做,如果你係老細咁就真係恭喜晒,有個好心人免費幫你賣廣告,聽日開始各大forum都見識到貴寶號既優質服務,我都祝你生意興隆"
唔好貼錢買難受,去買野係應該有禮貌,但唔駛好似去乞咁,搞到班契弟以為自己係邊個,買部機十幾皮,買條線幾皮都話無得試,我拿!!! 我去華輝買幾蚊野d sales都有問必答,買兩個幾十蚊既插頭都可以試下,呢d就係零售既基本服務,各位去買野果時記得鱷起個頭做人,唔駛下下低聲下氣,仲慘過見到老細

karsonkwan

alonIV 發表於 2014-8-2 08:59
佢話無駁就一野插過去啦,唔通仲同佢談心牙,"你係唔識駁,定係唔想做生意,你唔識駁就搵其他同事幫手,唔想做 ...

嘿嘿。。。華輝D sales 。。。。一DD啦，有D 會扮忙睇你唔到。。。

fifi

karsonkwan 發表於 2014-8-1 17:57
有趣經驗我大把，就講一個最近發生既。話說我去一間S字頭既名牌線材既代理。問老細一條pc既價錢。咁佢答我2 ...

師兄，你呢個經歷，我比十個趣，原來你套影響咁貴都只係入門，你呢間野都幾招積，佢部cdp幾錢呀？至少都應該貴過你屋企果部先可以串人啦！佢又肯開比人試嗎？我唔明佢地唔願試，白鴿眼，點做到生意！

fifi

查實邊度多機可以試同買? 我是超新手, 請指教

邪同學Derek

最頂唔順嗰d問價死都唔講，話開單實比靚價嗰d鋪！攪到我大人火都嚟！！！

fifi

邪同學Derek 發表於 2014-8-2 11:36
最頂唔順嗰d問價死都唔講，話開單實比靚價嗰d鋪！攪到我大人火都嚟！！！ ...

連價都唔報, 我會走, 唔好同佢買, 佢地睇死我地唔係買野混吉, 有錢都唔好比佢賺, 受氣!!!