唔知買座地定書架喇叭好

sugimoto

C兄們,

由於近期身痕想update套AV system,我依家用既Klipsch RB 51II同RC52 II,心目中想upgrade去Focal Aria CC-900同埋Aria 906或者926,所以想請教下大家,
我屋企個廳大約20呎 x 10呎,係長方型咁啦,左右分開飯/客廳,咁套AV野就擺係客廳,大約10X10呎,我只係用5.1system,請問需唔需要用到座地喇叭呢?定係書枱喇叭已經足夠?

同埋,由Klipsch轉去Focal,分別大唔大呢?值唔值得呢?

用Anthem 710夠唔夠推Focal呢又?

唔該晒~~

ykluk

1. Klipsch轉去Focal,  分別肯定好大, 尤其是聽歌方面;
2. Anthem 710推Focal書架睇戲還可以, 座地.........唔好諗......
3. 10X10呎聆聽空間, 書架夠晒有餘, 座地真係彈聲你都有排執......

sugimoto

ykluk 發表於 2014-7-28 11:46
1. Klipsch轉去Focal,  分別肯定好大, 尤其是聽歌方面;
2. Anthem 710推Focal書架睇戲還可以, 座地........ ...

唔該c兄,套Focal基本上係純睇戲用.

如果只係能推到書架......咁可以慳返d
但係其實使唔使加後級架?
如果唔用腳架,只係放係地櫃上面會唔會好大影响呢?

samuel8892000

sugimoto 發表於 2014-7-28 11:55
唔該c兄,套Focal基本上係純睇戲用.

如果只係能推到書架......咁可以慳返d

Klipsch睇戲己唔錯.唔聽歌用Focal有點浪費.用腳架當然比唔用好.

sugimoto

samuel8892000 發表於 2014-7-28 12:03
Klipsch睇戲己唔錯.唔聽歌用Focal有點浪費.用腳架當然比唔用好.

呵~~咁定横是用返KLIPSCH,不過轉座地RF52 II同中置RC 62II好呢?

samuel8892000

sugimoto 發表於 2014-7-28 12:09
呵~~咁定横是用返KLIPSCH,不過轉座地RF52 II同中置RC 62II好呢?

10呎x10呎唔駛用座地.加後級仲實際.

ykluk

sugimoto 發表於 2014-7-28 11:55
唔該c兄,套Focal基本上係純睇戲用.

如果只係能推到書架......咁可以慳返d

如果純睇戲, 點解CHING你會揀focal??? 唔係話Focal唔好, 不過法國喇叭出名柔同音樂感強, 用Focal嚟睇戲真係有少少浪費.... 如果純睇戲, 小弟個人建議dali ikon mk6, 你可以去試吓, 睇戲最重要既唔係前置而係中置, 落重本喺中置同十仔已經掂晒~~!! {:9_423:}

至於用唔用後級, CHING你可以用落聽返多啲煲好覺得真係唔夠先決定, 個人覺得710已經好好力, 10X10呎應付足夠有餘~~!! {:9_426:}

好多CHING可能睇少咗音響櫃既影响, 需知道所謂好唔好聲(以同一set喇叭器材計), 最主要有3件事係最為重要; 1. 空間, 包括聆聽空間大小, 周圍物料吸音彈聲控制等等; 2. 電, 呢個唔使講, 其實換線地盒等等都係同電有關, 目的都係為咗100%還原度(當然無可能去到100%啦); 3. 震動, 所謂釘腳墊材等等, 尤其是影音櫃最為影響揩震, 一隻普通櫃可以將無敵器材變垃圾(小弟親耳聽過), 用書架+腳架既目的都係為咗減少相互震動, 所以無得慳~~!!

stjo

我客廳大細同樓主差不多，係由座地轉番書架+腳架，雖然對書架係比對座地高一個系列，但聽起來真係舒服好多。起碼D聲唔會撞到九彩，前後左右方向清楚。

sugimoto

真係好多謝咁多位c兄們既意見,真係好詳細,大家真係熱心

我又請問下klipsch既座地 RF52-II呢對睇戲好唔好架?
或者有咩speaker係睇戲好既呢?

唔該晒

ykluk

sugimoto 發表於 2014-7-28 15:21
真係好多謝咁多位c兄們既意見,真係好詳細,大家真係熱心

我又請問下klipsch既座地 RF52-II呢對睇戲好唔好架 ...

雖然無用過, 不過大部分用klipsch既師兄都係以睇戲為主, 咁應該佢好多線既喇叭都係睇戲用.

其實所謂"睇戲用", 以小弟既理解可以當成聲音比較明快, 分析力較好, 速度同力度較強, 最好就易推啲~~!! 例如dali ikon mk6/mk5, MK甚至寶仙娜, 或者ELAC都可以適合. 當然每款牌子既喇叭唔同grade取向又唔同, 有啲啱睇戲有啲啱聽歌...(如果小弟話ELAC係睇戲喇叭, 我諗我有排比人插....)

話又返原點, 其實有邊隻喇叭"啱睇戲", 莫不如係"啱你自己"先係王道, CHING你去聽多啲試多啲揀啱自己既, 都有CHING鍾意用klipsch嚟聽歌, 小弟用ATC睇戲梗加有人會話我痴筋....

耳聽為實, 不妨多試~~!!