《極速激戰》 Need for Speed 觀後感【無劇透!!】

jayjay · 發表於 2014-7-27 19:03

本帖最後由 jayjay 於 2014-12-25 16:54 編輯

前日睇左《極速激戰》(Need For Speed) ,依家同大家分享下

呢套戲唔係喺戲院，係前日自己買碟睇嘅。
《極速激戰》畢竟係取材於電子遊戲，可能故事因此變得薄弱，明顯《狂野時速》(Fast & Furious)系列比佢超班得多。

《極速激戰》冒險用觀眾緣比較弱嘅演員孭飛:Aaron Paul做男主角、英國女演員Imogen Poots做女主角、曾經喺《美國隊長：復仇者先鋒》(Captain America: The First Avenger) 、《Marvel One-Shot: Agent Carter》飾演鐵甲奇俠個老豆Howard Stark嘅Dominic Cooper做大反派，其實效果都唔算差。

Aaron Paul果然叻仔，成套戲一開頭就嚟料，表現非常自然，完全睇唔到佢嘅演技有唔成熟嘅地方，如果佢繼續keep住咁落去，日後一定大把前途！！
Dominic Cooper可能演出經驗比較多，佢今次嘅表現確實係意料之內。
飾演Benny嘅Scott Mescudi表現都唔錯、勝在有幽默感;佢有幾場係咁講爛gag,令我聯想到喺《狂野時速》系列飾演Roman Pearce嘅Tyrese Gibson。Rami Malek好勇敢，佢喺套戲度露股，非常鎮定、仲笑笑口咁、抵讚！！
Dakota Johnson好靚女，可惜冇機會做女主角。

其實如果攞《極速激戰》同《狂野時速》系列相比，《極速激戰》輸人九條街，點解呢？《極速激戰》有料嘅演員唔算少，有五個，可惜，大場面不足，演員同演員之間默契不足。
《狂野時速》一集勁過一集，巨型夾萬撼成堆警車、用跑車撼坦克車、用跑車拉珍寶客機、精彩打鬥，不但有以上大場面，演員同演員之間默契十足。
一分錢，一分貨,《狂野時速》每一集嘅票房(除左第三集，不過如果計通脹率，一定高過佢)都高過《極速激戰》，其中第4，5，6集更加係遠超！！
《極速激戰》真係唔算好差，有一定嘅娛樂性，如果唔係都唔會喺全球收左2億3百萬美元啦！！

評分：70/100

(Post76 Android 手機版送出)