今日的東方日報...黃凱芹張智霖拗手瓜

diyouli

黃凱芹張智霖拗手瓜

80年代「情歌王子」黃凱芹（Chris）三度重返香港樂壇，將於8月初推出製作費過百萬的HiFi發燒碟，全程起用「名牌」音樂製作人及錄音室，Chris再跟香港唱片公司合作，全因老闆承諾「支票任開」，超得寵之餘，「Neway Star一哥」張智霖（Chilam）終遇上強敵。

今年52歲的Chris相隔兩年，將於8月的HiFi展前推出發燒天碟《Kings Cross天王時期》，據知令Chris首肯在港再出碟，全因Neway Star大老闆薛濟傑親自力邀，更提出「製作費無極限」的條件，令他備受尊重。

巴閉「人頭咪」
日前Chris在長途電話中受訪時說：「其實我未見過薛生本人，但佢請o左位唱片高層o黎同我傾，我覺得錢都係其次，最令我心動係無論我有任何製作上o既要求，公司都會答應，所以今次呢張發燒碟，要百萬起跳。」他已非首次錄HiFi碟，但今次感覺全不一樣，當中最難忘是：「監製o係香港專登『班』o左支Dummy Head Recording畀我錄音，呢支人頭咪好巴閉，會錄到更靚聲效果，但監製o黎加拿大時，支咪過唔到關，好在臨時o係加拿大搵到一支，我係首位用呢個咪錄音o既華人歌手。」至於他所租用的Armoury Studios亦大有來頭，是Drake、Seal、Bon Jovi、Norah Jones等著名音樂人的御用錄音室。


回港行程緊密
說到音樂班底，均是曾獲格林美獎的頂級音樂家，得公司全力銀彈支持的Chris，難怪錄得好開心：「呢十首翻唱『四大天王』o既歌，一定會有意想不到o既效果。」

月尾Chris將返港宣傳，然後去廣州開演唱會，他說：「其實我好樂意配合香港o既宣傳，如果反應好，會再推出第二輯，同計劃明年開演唱會。」Neway Star高層朱先生被問到Chris的加盟，是否跟Chilam爭「一哥」之位？朱先生說：「唔會，佢o地兩個各有唔同風格同fans層，Chris成張碟10首歌拍晒MV要過百萬埋單，但Chilam一首歌MV都50萬，好難比較。」

文：音樂組

http://orientaldaily.on.cc/cnt/entertainment/20140725/00282_051.html

bbq2005

期待!

小瑟

上次同NEWAY傾開野, 都知CHRSI非常忙, 睇下有冇機會可以同佢做刑訪問呢~~~

ipodclass

porkballs

兩個比較, 我應該中意 chi lam 多D

countryboyhk

唔該, 請唔好再犯上一次發燒碟既低級包裝錯誤, 我經已換左一次, 而家隻碟都仲係花花地... 但我會支持 CHRIS

Johnson8hk

雖然我不是黃凱芹的歌迷，但見佢今次製作咁認真,支持佢！

diyouli

countryboyhk 發表於 2014-7-25 12:25
唔該, 請唔好再犯上一次發燒碟既低級包裝錯誤, 我經已換左一次, 而家隻碟都仲係花花地... 但我會支持 CHRIS ...

估計唔會卦!

今次係星娛樂製作和發行,話晒星娛樂係做開唱片的公司, 唔似上次o個間咩168製作公司咁,似做慣演唱會製作,似係未出過碟而無啦啦走去出碟,都唔知係咪拎阿CHRISo黎做試金石的!!

diyouli

小瑟 發表於 2014-7-25 11:22
上次同NEWAY傾開野, 都知CHRSI非常忙, 睇下有冇機會可以同佢做刑訪問呢~~~

...

希望你可以同NEWAY傾開野,又夾啱搵到佢做訪問!! 真心希望佢至少可以同到POST76呢個最活躍最多人睇的影音論壇做專訪!!

更希望如果佢仲有時間,可以搞到一個試聽會之類,現場一齊和一些影音發燒友一齊試聽(似憶蓮學而o個啲咁)!!

另外,佢8月16日在廣州要做個演唱會,所以都唔知除左要綵排外,仲有冇時間停留香港去埋HIFI展呢?

rodywong

黃凱芹和張智霖都唔係我杯茶，話之佢地打餐死，他們的碟完全冇興趣