終於玩完Batman: Arkham Asylum

marcolau · 發表於 2009-9-6 13:45

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 marcolau 於 2009-9-9 10:18 編輯

Batman: Arkham Asylum終於開晒所有成就。
個Challange mode真係打到我嘔白泡。
咁就可以安心砌模型喇。

遊戲介紹︰

[youtube]uPnTSvX86Dw[/youtube]

我一向都係美國英雄FANS，所以都會留意相關嘅遊戲動向。
只可惜大部份英雄games玩法都偏向GTA類，成個城市左飛右飛，但實際內容過於簡單求其。
所以當初知道BATMAN會出遊戲，心理上都唔會抱太大期望。
之後從預告片所見，畫面已經令人驚喜，而且用上unreal engine開發，似乎已經係信心保證，因為續上次同是unreal嘅狼人已經令在下玩到天昏地暗。

遊戲本身可說是相當多元化，玩家不但可以選擇同敵人打拳腳交，亦可選用潛入進行，十足原著風格。
而要爆Hard Mode潛入技巧就變得相當重要，另外Hard Mode敵人攻擊亦冇提示，所以相當刺激。

畫面方面，質感非常實在，雖然本作係以原著為骨幹，但近年電影版黑夜之神嘅深沉氣氛亦被溶入遊戲當中，所以感覺亦相當近代。
配樂上，亦相當似黑夜之神，我朋友亦以為係直用黑夜之神，但聽真其實只係似而已。

解謎似乎亦係近年動作遊戲必要的，朋友話︰「呢隻叫動作解謎遊戲」，
都痴痴地嘅，多左解謎就叫叫動作解謎遊戲，咁GTA應該叫咩呢??
早其XBOX遊戲好多game都係為左開成就而做成就，無聊地搵幾十至幾百個牌，
而近年搵牌依然存在，但已經相當成熟，如本作中，搵牌可以升呢亦可以Unlock Challange mode，而當中亦有謎語人嘅謎題，在地圖上亦有顯示，總好過全無頭緒，因此除我之外，至少有幾位live友解謎語解上引。

當爆完story之後唔好以為冇野玩，因為仲有Challange mode~~~
Challange mode分動作及潛入兩部份。
潛入，大家只要按back鍵就會知佢當做咩。
而動作部份主要係打combo，只要一場裡面由頭打到尾唔甩hit同多D使用A+X或Y+B就可以好高分，平均一場打20~30 hit都閒閒地，所以唔駛心急開40 hit成就，因為要羸Challange mode就一定要打得到。
說實在，本作做得相當出色，似乎冇咩挑剔地方，但亦唔等於冇。
在操作上，按鈕排位並唔係太理想，不過都唔係主要按鈕，所以對進行遊戲時冇咩影響，需要時間去適應，因此在之前操作我比7分。不過已經爆左兩次機嘅我，操作問題早已解決了。