Sunfire hrs 10

cwc090872

本人在5月8號在旺角購入HRS 10超低音連埋擴音機一齊買的,我個朋友都買了同一樣東西.回家即試,覺得比以前用開嗰隻勁D (以前隻是傑士)用咗有10年左右約千元多D 試多個零星期又好似差不多 我就問我老友如何?佢答我話好掂,好震撼等等,但我又唔多覺喎,心諗會唔會D線差, 最後同個朋友一齊去買黑麻石......回到家試又好似差不多。再問吓朋友如何？佢話正好多！點解我唔覺呢？最後我差不多幾日就打一次上pioneer問D師傅是不是Setting 有問題呢.反覆試完又試都係差不多,最後同個朋友講不如換缐!上76D師兄推介AQ sub 3 又買咗,返到家即試~~ 好似好咗D 大聲咗 聽到D 拍~拍~拍~拍聲 再問問朋友如何 佢話好有力,收同放都好好 但點解我一D都唔覺呢！之後再打去問pioneer 在一次試過咪....... 之後嘅感覺好怪 淨係感到有~拍~拍~拍聲 ,唔夾個畫面囉! 之後問個朋友點 set 佢話低音Set負5-負7db 都好響 但我+5 都係~拍~拍~拍~拍 我再扭大低音個大細聲 扭盡都係差不多 最後 前兩晚我決定去朋友屋企試 ...... 上到去先試batman 2再試復仇者聯盟!我證實咗原來我只低音一買回家就是壞的! 我重來都冇聽過原來真係一下一下嗚～嗚聲! 我只一D都冇，連大細聲都冇反應!跟本就係買回家就壞,真係好唔開心 之後打去旺角問 佢話D盒重有冇,當然冇啦 我留兩星期就唔要. 之後打去代理 又叫我拎去銅鑼灣18樓 上到去又話唔關佢事，佢地係showroom 放低等代理樂燊來收,叫佢試下又話有權唔試,放低就得,最尾求其試完問佢係咪壞,佢唔答我,淨叫我放低就得,即係點呀大佬? 之後再問佢.......佢話其實佢地借個地方做交收的,有權唔幫我試,重來都冇答我有冇壞!我再追問先話要比c 虎囉! 我問佢整幾耐又話個零兩個月! 態度好差問佢貴性又唔講! 最後都要放低啦。幾十磅㗎!!!!!! 點知今朝一早就打來話整好。吓~~~~~一晚就ok?? 我問壤乜又唔講, 淨係叫我去銅鑼灣攞就 ok。大佬呀壞乜都想知吓啦。  乜都唔講 ! 服務差到不得了,我全程都好聲好氣,真係不知所謂. 我再打去樂燊又冇人聽電話。但係有D奇怪樂燊電話係21391388 我之前打去銅鑼灣又好似係le 個電話 同埋兩把男人聲好似 最後我想請教師兄門,我可以有權知壞D乜嗎？好想投訴佢!!

yuppi

Ching,

未confirm 部機正常係吾應該弄掉包裝，冇包裝就算買咗一小時都冇辦法立刻一換一，因為廠未必肯回收。

至於代理有冇權吾回答壞咗咩，呢樣要等其他 ching 回答。

wadee

其實佢答你乜，都未必係真，目前最緊要是整番隻十仔先，之後先同佢算帳!!
師兄沒有即場試?

xianglan

wadee 發表於 2014-7-11 15:20
其實佢答你乜，都未必係真，目前最緊要是整番隻十仔先，之後先同佢算帳!!
師兄沒有即場試? ...

right!

chhanthony

無咗包裝一定唔可以一換一，加上一般一換一都係只包頭七，
家下整好就算，好多影音sales/維修師父係好串，算啦，
不愉快就下次唔好買呢個代理啲嘢。

ww1338

最緊要是維修又好,或者以一換一都好,現在件野無事就算,實在無人知幾星期發生甚麼的。

stjo

樓主又會一直唔知隻拾仔係壞嘢咁得意？！

akira11092

阿師兄~ 叫你個 friend 去你度較機咪得囉

Netmans

先解決十仔整返好先
備存過程，文件，照片記錄
之後用電郵反影問題等 Sunfire 總公司知呢件事
如果總公司係緊張銷售服務
自然佢叫香港跟進
反之就無嘢可再做

* 約十年前我放部攝錄機在新力修理
之後叫我攞（好短時間）
以為效率奇高
頂！
A 整完出現新的 B 問題
後尾電郵比日本知
日本無覆我
而香港嘅某部門經理親自致電比我
好客氣話親自跟進事件
而維修後保一個月再長多一個月保養
攞完機再致電給我再跟進事件
師兄不妨一試

(Post76 Android 手機版送出)

bigair

依家攞返屋企，試左好返未？