<盂蘭神功>短評（無劇透）

scott0208 · 發表於 2014-7-7 00:47

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 scott0208 於 2014-7-7 01:58 編輯

今晚睇完，首先小弟唔鍾意睇恐怖片，因為覺得而家恐怖片唔恐怖，所以興趣不大，至於呢套點解優先場會仆去睇，就係因為張家輝呢個名字，仲要首次自導自演，點都要捧吓場！（由於避免劇透，小弟只會簡單講講，希望各位師兄見諒）
首先故事方面都係恐怖片一貫個類劇本，不過不失！如果在結局上寫多些少會更好，至於關於盂蘭節既傳統雖然有提及但唔算多，不過整體劇本勝在節奏算快冇多餘無謂野而令到套戲有悶場！
演員方面，家輝今次可能要兼顧埋導演個位，所以演出只算合格，但其他演員亦都一樣，演出只算合格，除咗林威我覺得好啲之外！
至於恐怖場面，呢套算唔錯，有幾個位都俾佢嚇一嚇，雖然有啲場面仍然倚靠音效黎製造氣氛，但睇得出導演响驚嚇場面有落個心思！
至於本片另一賣點（我覺得）就係張家輝首次執導，至於出黎既成積我覺得合格有餘，雖然未至於超班但睇得出佢處理文戲同驚嚇場面手法不俗，尤其驚嚇場面有啲鏡頭佢做得幾好，亦成功帶出驚嚇感！
總括：套戲我會俾7.5/10，作為影帝首次執導作品，整體水準合格有餘，值得入場支持，希望佢下一套作品會更進一步（以上純粹個人意見，師兄們如不喜勿插）謝謝收看
(Post76 Android 手機版送出)