設為首頁FacebookYouTubeIG

Post76.hk

搜索
查看: 1045|回覆: 0

[業界動向] Crytek遇"財政危機"~(7.31 Deep Silver收購Homefront品牌繼續開發)

[複製鏈接]

623

主題

6473

回帖

17

精華

黃金玩家

Rank: 9Rank: 9Rank: 9

積分
80074

76 榮譽貢獻勲章76 榮譽VIP勲章76 精選榮譽會員勲章76-FC 藍寶石勲章

發表於 2014-7-4 21:20 | 顯示全部樓層 |閱讀模式

如果想睇到更多76師兄嘅分享,快啲登入成為會員啦!

您需要 登入 收看或下載更多內容。還未成為會員?成為會員

x
本帖最後由 @肥狗仔@ 於 2014-7-31 10:54 編輯

7.31

Deep Silver的母公司Koch Media宣佈已收購了Crytek手上的《Homefront》遊戲品牌,並會將《Homefront: The Revolution》的開發工作由Crytek UK轉移到Deep Silver Dambuster工作室。

同時,Crytek指佢地已經拎到一筆"救濟金"可以令公司脫離險境,並宣佈將《Hunt: Horrors of the Gilded Age》的開發將由奧斯汀工作室轉移到法蘭克福工作室。部份員工會留守奧斯汀作CryEngine上的支援,而其他員工則會到法蘭克福工作室繼續開發Hunt。

早個星期Crytek發聲明指公司得到流動資金作周轉之用,不過當期時該公司並無交待資金來源。至於Crytek UK的命運,公司暫時只係表示工作室還有員工已經全數轉到Koch,並冇指會關閉這間位處諾丁漢的工作室。不過根據消息人士指,Crytek UK的命運將在未來幾個星期陸續浮現。


*********************************************

7.21

ct.PNG

繼《Homefront: The Revolution》的遊戲總監著草後,Crytek另一開國功臣 — Tiago Sousa亦宣佈跳槽到id software。根據Sousa在Twitter的聲言,這位前Crytek首席研究和圖像開發工程師將會協助id software開發次世代遊戲引擎id tech 6,這款引擎已經確定會應用在該公司的下一款殺手級作品《DOOM》身上。

Sousa是Crytek的重要開發成員,過去十年其負責了CryEngine引擎的開發及研究,並製作出美輪美奐的3D遊戲好像《Far Cry》,《Crysis》以至最新的《Ryse: Son of Rome》還有其他唔知仲有冇機會面世的項目。如今Sousa過檔id software總算係蔡翁失馬.焉知非福,此因id software同樣都係技術一哥。對於日後《DOOM》的畫面水平絕對值得期待,至於一向玩技術的Crytek,失去圖像工程師有如失去荊州...good luck。

*********************************************

7.15 update

homefront-the-revolution-announce-3-100303766-orig.png

正所謂禍不單行,繼之前有近百名講唔出名的員工離開Crytek UK之後,近日Kotaku再爆料指《Homefront: The Revolution》的監督Hasit Zala亦終於抵受唔住冇糧出嘅折磨向公司遞出辭職信。《Homefront: The Revolution》的發行之路愈來愈難行。

除左作為《Homefront: The Revolution》的監督,Hasit Zala仲係Crytek早幾年主打的F2P遊戲《Warface》的遊戲總監,但可惜兩者命運同樣悲慘,前者群龍無首,究竟出唔出到都成問題。離開嘅大頭仲有另外兩位包括開發總長Ben Harris還有Crytek UK主管Karl Hilton。隨住公司的重要人物一個一個地離開,下層的一班員工都開始走得就走,不過Kotaku表示現階段仍然好難估計有幾多人執包袱,因為貌似仲有一班製作人留守等待公司的最新消息。

其中一個消息人士指出,Crytek UK已經進入"無王管"的處境,情況每下愈況。而另一名線人則指"公司裡的員工已經冇出糧好耐喇!"

而更大獲係,哩股辭職熱現在已經蔓延到Crytek在德國的總公司上。兩名岩岩辭聽嘅員工亦同樣投訴仲未收到人工。儘管Kotaku已經send過無數咁多查詢,Crytek依舊保持沉默。不過從近一個月的消息去睇,哩間曾經叱吒風雲的技術大哥已經顯得外強中乾。

*********************************************

Crysis1.jpg

之前都有略略提過吓話曾經打造出"顯卡危機"的Crytek最近出現財政危機,部份外國傳媒更聲言該公司正面臨破產邊緣。即使後來Crytek出面澄清以正視聽,但紙始終包唔住火,一系列的拖糧﹑項目取消及員工流失等負面消息使到哩間獨立工作室再次亮起紅燈。早前率先報導Crytek財政出現問題的Kotaku近日有如厲鬼一般,繼續大爆聲稱係來自Crytek員工的最新內幕。

根據知情人士消息,《Homefront: The Revolution》的開發團隊Crytek UK哩家已經無人開工喇。而喺過去嘅一個星期就有唔少人放低咗辭職信然後執包服走人,因為Crytek UK仍然未有支付佢地全部嘅薪金。消息指,雖然暫時未清楚仲有幾多人打算走幾多人留低,不過可以肯定持續咗幾個月嘅拖糧已經令公司流失大約100名員工。

同樣面對住逆境,Crytek顯然唔能夠好似ATV咁如撕淡定,因為消息人士表示《Homefront: The Revolution》的發行商Deep Silver正與Crytek UK進行協商,討論該遊戲嘅前景。有Crytek UK的員工表示希望Deep Silver可以直接買下公司,保證遊戲能順利開發。

就喺《Crysis》第一集推出之前Crytek早已密鑼緊鼓為其商用遊戲引擎CryEngine推出市面而鋪路,但即使經過咗"三集"嘅努力,Crytek仍未能將CryEngine與主要對手UnrealEngine拉近距離,此舉對該公司構成沉重的財政壓力。哩家唯一希望就睇吓微軟會唔會出手打救,後者近月就傳聞正為XBO下一輪攻勢而招兵買馬,收購對像不下於擁有"芒亨"及"Biohazard"的日本大廠CAPCOM。
您需要登錄後才可以回帖 登錄 | 成為會員

本版積分規則  允許回帖郵件提醒樓主

重要聲明:本討論區是以即時上載留言的方式運作,Post76玩樂討論區對所有留言的真實性、完整性及立場等,不負任何法律責任。而一切留言之言論只代表留言者個人意 見,並非本網站之立場,讀者及用戶不應信賴內容,並應自行判斷內容之真實性。於有關情形下,讀者及用戶應尋求專業意見(如涉及醫療、法律或投資等問題)。 由於本討論區受到「即時上載留言」運作方式所規限,故不能完全監察所有留言,若讀者及用戶發現有留言出現問題,請聯絡我們。Post76玩樂討論區有權刪除任何留言及拒絕任何人士上載留言 (刪除前或不會作事先警告及通知 ), 同時亦有不刪除留言的權利,如有任何爭議,管理員擁有最終的詮釋權 。用戶切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一切法律權利。權利。
快速回復 返回頂部 返回列表