一路睇, 一路想佢散場的《變形金剛4：殲滅世紀》

小瑟

岩岩去左九龍灣The Metroplex星影匯一院睇完3D全景聲版本, 今次出黎, 我睇到一半已經要望錶, 劇情是旦又求其, 係咁重廣告植入, LENOVO, AE, 紅牛, 中國唔知咩牌子牛奶, 維多利亞的秘密, 唉.....要賣廣告唔係問題, 但好D位好明顯係整每個位2-3秒比廣告商, 影響哂成套戲既投入感, 最慘既係香港果PART, 大陸香港二邊走, 情況就同丹爺果套"特殊身份"一樣, 由廣州一野就去左英皇道, 再一野飛去後山就去左古代山谷內, 打打下又返返去廣州, 之前一路期待香港果PART, 但一去到香港直頭係亂來又失控, 總之係又打, 唔係又打, 而最樣衰既, 就係今次老變由汽車變機械人會量子化左, CG到成件事都假哂, 我依家明白點解老友話睇左一陣會訓交, 依家完全明白!!!!

全片轉哂人又係另一唔好睇既地方, 雖然我都知原班已經再睇會好悶, 不過男主角Mark Wahlberg都仲叫好小小, 而亞女主角Nicola Peltz又花瓶又冇戲, 仲要冇咩位比佢 SHOW身材, 浪費, 佢男友 Jack Reynor就.....我睇完成套戲都對佢個樣冇咩印象...........反而好早死左果個T.J. Miller(Lucas Flannery), 我係NOW睇完佢"矽谷群英"之後, 一睇就認得佢, 勁搶鏡. Stanley Tucci (CEO果個)做戲唔洗懷疑, 睇 PARDA的惡魔可知一二)係有D笑位不過又唔夠好笑, 李冰冰都算可以啦, 英文真係有努力, 不過始終國產味勁濃, 尤其最尾跑出黎果一野.....

小瑟睇完呢套戲之後, 不期然會知道, 原來係老外心目中, 香港同中國係同一個地方, 明明二個區可以當哂同一個地方咁做, 又國家會全力支持香港, 又要搵黃敏德扮警察局長搵中央幫手, 唉...........香港的特式已經.... 呢套係一套有中資投入既電影, 出黎效果果然係唔同D, 不過鬧完之後, 又有冇野可以讚下呢????? 今次我真係諗唔到, 但鬧鬧鬧都好, 呢套都係入左場睇, 不過我相信去到第五集, 我唔會再入場架勒, 到時都係等出碟或睇TBB播就夠了!!!!

總結: 如果唔係FANS又或是唔急睇既, 等出碟式NOW, TVB播先睇都OK!!!!

edlsang

話明叫 " 老變 " , 其實由第二集開始已無新意了 !

bigair

我諗要當佢只係地球上一個地方，唔好當佢係香港或大陸會好d，但無耐香港人最熟地形，一睇就覺得怪

粗人敵卡

edlsang 發表於 2014-7-1 21:18
話明叫 " 老變 " , 其實由第二集開始已無新意了 !

第三集拍得同第二集一樣

唔得掂

動作場面開始打得唔好睇

gag位又唔好笑

第四集決定唔去睇

unclechui

場景問題, 好多戲都有, "車手" "PTU" 都有.......
越熟越死

Hon

我同大王既睇法一樣, 又係邊睇邊想快D完....

ctmk

睇嚟碟都可以慳番

chufelix

越熟悉，越覺得假。這是肯定的。因為拍戲有限制。不過今次我地看得出。鰂魚涌和深水步其實幾連戲，不過其他廠景＋深林又真係有D過分。
最差的確實係變形女唔索，和變形量子化。超無feel。

jayjay

小瑟師兄
你認呢套戲值幾多分？

海盜

未試過睇戲望左3次錶