USB 手指 vs UPnP server

leemanho

我既理論係，由機係 USB 手指度讀歌，點都容易過由 UPnP server 度讀歌，至少唔會有 packet loss 既問題，咁 d 聲應該好 d 丫。尋晚診兩場波中間有一個鐘空擋，就實驗下。

Setting 1:
USB 手指 -> Uniti 2

Setting 2:
NAS -> 普通 LAN 線 -> 無線 router -> 普通 LAN 線 -> Uniti 2

播既係同一個 FLAC file，小弟反覆聽過好多次，結果係 ...... 冇分別

係我既理論有問題定係咁啱係我屋企個 system 同環境就係冇分別呢？

nicknick

最近76的 topic好流行講「冇分別」,

其實聽唔出分別咪即係冇所謂囉, 好事嚟省點錢, 無需太過介懷一定要有分別,
hifi整個系統講求配搭, 一件器材在A君處有好好效果唔等於在B君處就一定也有好效果, B君處冇效果亦唔可以話件嘢冇料到因為A君處明明係有好效果。加上金耳朵需要練回來的, 未必一開始就聽到所有分別。

你比我的情況好, 我試用USB手指插Macbook pro播歌, 同一個file啲聲會差咗添, 所以我不喜歡用usb手指來聽歌。

jackt

理論上，兩個settings應該得出同一個結果，聲明在先："我指理論上"。

實驗上當然睇你個設定如何

Setting 1) 有些設備可能會用USB出DAC (如電腦、手提)，它的USB可能連接同一個hub上，如果用上USB手指，它的速度會下降、lantency會增加，所以很多時候會不如直接用HD去播。假如用在player上，而不會share同一個USB hub，效果應該會比較好。

Setting 2) 假設用TCP行network沒有任何packet loss，結果只是將個檔案經由ethernet口轉至DAC本身，理論上會等同用USB手指轉檔案到DAC一樣，但當中有很多其他因素，例如noise之類。如果器材設計理想，它會將data重新整理，放入buffer內，以達到低jitter低lantency的標準，所以結果應該是一樣的。

以上例子是建基於理想的假設環境上，而事實會有很多不同的因素干擾播放質素，最多出現情況就是noise和grounding。如果器材或線材的抗干擾能力低，或器材本身設計問題，可導致大量噪音產生，結果便出現劣化音質的情況，這種情況其實用任何器材和設定也會出現，只不過是影響多少的問題。

其實經network也好，直接播USB檔也好，最重要是按自己的要求和使用習慣，別人的做法，也只是一個參考而已。

leemanho

謝謝各師兄既講解，睇黎我可以慳番唔使 upgrade d LAN 線

obee

nicknick 發表於 2014-6-19 11:23
最近76的 topic好流行講「冇分別」,

其實聽唔出分別咪即係冇所謂囉, 好事嚟省點錢, 無需太過介懷一定要有 ...

同意人人唔同, 在A家中好大分別, 回到自己家可能無分別.

好笑的係, 玩HIFI的好多時係俾錢去買件野回來考考自己聽唔聽到有分別. 我都試唔少.

nicknick

kenneth_obee 發表於 2014-6-19 12:33
同意人人唔同, 在A家中好大分別, 回到自己家可能無分別.

好笑的係, 玩HIFI的好多時係俾錢去買件野回來考 ...

一定會啦我都有發生過, 呢啲就係交學費, 交完學費攞到經驗學到嘢都值得嘅!