如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 Collection 於 2014-6-16 01:19 編輯
以下訪問內容,
並不代表"Post76玩樂網" 立場
Collection信箱 ~ 二手市場專訪 (下篇)
C 代表 Collection
K 代表 "古今"老闆Ken
續上篇..................
C: 講番blu-ray先, 咁外版blu-ray又會唔會似早期DVD咁值 ? 咁多人買 ?
K: blu-ray初初嗰時外版係ok, 但近呢幾年唔惦, 你玩開都知la........
C: 一笑..........
K: d 外版冇中字收咗好難走 !
C: 但可以外掛中字架 !
K: 你走出去信和出面睇下, 大部份行d人其實都係一個普普通通嘅家庭,
屋入面就係一部電視一部碟機, 佢哋只係想買隻碟返屋企睇下, 邊有
咁多時間同你攪掛乜掛物!
C: 但我見我身邊好多朋友都入外版再外掛睇!
K: 其實邊好多 ! 我眼見就係你哋嗰班, 來來去去都係你哋, 我做二手咁多年, 去貨最快
一定係有中字最受歡迎!
C: 你哋二手舖係咪唔鍾意我哋d儲家 ? 因為我哋成日無嘢放番出嚟 !
K: 唔會! 其實放同儲基本係兩班人, 反而你哋儲家放碟先麻煩, 因為d
儲家知價, 變咗下下計住, 我收得平佢哋又唔放, 收得貴我哋又白做!
C: 二手店舖有冇話比較喜歡收邊間發行同最憎邊間發行d 碟 ?
K: 其實冇........
C: 但係有兩間發行d碟一出後兩三個禮拜就可能減價, 咁嗰d你哋係咪好怕收 ?
K: 你講P記同華X ?
C: 係呢兩間la !
K: 都係, 所以呢兩間d碟最好一出果幾日就放, 一攞耐d我哋都唔知點收, 因可能
聽日就減價 ! 有時減咗我都未知, d大發行唯一好處就係個價穩定 !
C: 二手店舖對今日影碟市場, 係如何評價 ?
K: 其實影碟好簡單, 只係分新舊戲, 乜靚包裝都係假, 以前d二三線片都好多人買嚟睇!
因d大片來來去去都係咁上下, 太公式, 無乜特別, 相反d 二三線片有時又咸咸地,
又血腥, 劇情有時又過癮! 但而家都小咗人買嚟睇!
C: 你指二三線係指港片定西片 ?
K: 兩樣都有!
C: 點解少咗人買嚟睇 ?
K: 而家d 二三線片出得求其, 一出又買百幾算貴, d人不如DL睇或者都費事睇 !
同埋而家乜都講方便, 買隻碟番屋企先睇得, 點同你DL咗放係電話同平板咁方便,
去到邊都睇得!
其實影音變得太快, blu-ary都冇十年又4K, 一出4K又洗牌, 影碟唔同CD, CD格式
無影音變得咁多, 影碟一舊咗就唔值錢, CD就相反, 越舊越值錢(當然睇邊個歌星)
C: 唔(點頭認同~ 一笑)
K: 其實影碟同CD, 我覺得影碟會快死d, 終有一日......影碟同CD應該都唔再有實物,
最終只會直接網上比錢發行商, 發行商再比條line你, 一樣有高清同音效你DL, 更
本唔再需要包裝, 運輸同店舖 !
C: 就好似而家HMV都開始轉型咁, 唔再主力賣影音轉賣其它嘢!
K: 係囉, 變咗做精品店似d
C: 哈哈
C: 你做二手店咁耐, 又見個有乜奇人怪人?
K: 你咁問...我馬上諗起有d客, 係佢哋今日嚟放完碟比我, 聽日又嚟同我買番, 有d就
買番幾隻, 有d直頭放完乜就完全買番哂, 唔止一次! 佢哋係不斷咁做!
C: 你有冇問過佢哋點解 ?
K: 無la, 我打開門做生意, 佢哋咁做對我又無問題 !
C: 另外頭先訪問中途都見有d中國同胞入嚟買碟, 佢哋消費力係咪好勁 ?
K: 係信和二手嚟講都係香港人為主, 大陸人唔多, 佢哋真係玩影音都係一部份人,
國內肯定重係老翻為主 !
C: 好! 都煩咗你成個鐘, 我都唔好意思再阻住你做生意
K: 講呢d..........
C: 哈哈
Collection信箱 ~ 二手市場專訪 (下篇) 全文完
後記: 今次真係麻煩哂"古今"比我訪問, 老闆Ken重一邊做生意一邊接受訪問, 攪到佢
咁忙, 真係唔該哂, 以上訪問......話長唔長, 話短唔短, 我只希望這篇訪問, 有d新
鮮感比大家睇下討論下! 我collection誠意推介比大家 !
下篇預告 :
Collection信箱 ~ 給我愛的一封信
我情願唔認識你, 可惜我們相遇了 ......is coming soon |
[複製鏈接]
發表於 2014-6-16 01:11
發表於 2014-6-16 09:12
