有源喇叭要用釘腳及喇叭架嗎？

jackal200280

各位師兄，我用緊Monkey Banana turbo 4，想請教一下需要用釘腳及喇叭架嗎？對音質提升幫助大唔大？
(Post76 Android 手機版送出)

william02

釘腳我用緊，提升都幾大

除非你對喇叭本身有釘腳，否則都係要加，因為都會振動

喇叭架就唔知了
(Post76 Android 手機版送出)

ykluk

小弟用ADAM A3X一直都有用釘腳同黑麻石調聲, 呢啲都係睇你需要啦~~!! {:9_423:}

至於喇叭腳就要睇你點用, 喺廳用要set返單元對皇帝位咪可能要囉~~!!

Parco

ykluk 發表於 2014-6-5 16:18
小弟用ADAM A3X一直都有用釘腳同黑麻石調聲, 呢啲都係睇你需要啦~~!!

至於喇叭腳就要睇你點用,  ...

視乎你想你的 bass detail 有幾清楚，用越硬的釘，bass 越清晰

rgv70ps

小弟用緊genelec 1031a 放係地櫃,有無ching 有釘腳推介?淘寶http://item.taobao.com/item.htm?spm=a1z10.1.w4004-3465163016.18.nk78WB&id=991212294o唔ok?

PhantomGTR

在絕大部份情況下，喇叭釘同喇叭架係必要，除非無位放架，但釘真係唔加唔得。

yuen

用釘腳及喇叭架,

Parco

rgv70ps 發表於 2014-6-5 19:37
小弟用緊genelec 1031a 放係地櫃,有無ching 有釘腳推介?淘寶http://item.taobao.com/item.htm?spm=a1z10.1. ...

用木腳同金屬腳都可以有明顯分別，十分視乎師兄你自己對聲底的偏好口味係邊方面


用木釘的話，bass 聲偏暖，溫潤柔和，味道濃厚，質感淋一點慢一點，bass detail 稍為比金屬釘少一點濛一點，但總會有某D人唔鍾意咁清晰
用金屬釘的話，bass 聲偏冷，清澈通透，少味道，高分晰力，質感爽快一點硬一點，bass detail 比起唔用釘同埋用木釘都要多，尤其係 mon 箱就更加最好用不鏽鋼釘


總之，釘的密度同堅硬度越高，bass detail 就會越多越偏冷聲
但唔好用軟膠類去墊箱或墊釘，否則 bass 會明顯削弱


不過真正天然的黑壇樹上原木，會唔會真係只係得 45 元咁平？我就好有懷疑，畢竟而家唔知點解乜鬼野平木釘粒粒都話自己係黑檀木...... 你信唔信？

darkfrank

Parco 發表於 2014-6-6 00:28
用木腳同金屬腳都可以有明顯分別，十分視乎師兄你自己對聲底的偏好口味係邊方面

軟類如高密度海棉 Auralex Mopad就係專門designed for monitor
重有Iso Acoustic 架都有mix軟墊+鐵通

不可一概而論

Parco

darkfrank 發表於 2014-6-6 00:37
軟類如高密度海棉 Auralex Mopad就係專門designed for monitor
重有Iso Acoustic 架都有mix軟墊+鐵通

其實硬身的膠問題唔大，軟膠類問題就大一點
因為膠本身都無木同金屬咁硬，打大 bass 時有機會會有好輕微的移動，前後擺動或搖晃，咁樣就會同 woofer diaphragm 所打出來的相位有些許抵消，令 bass 減弱

我承認係某D情況之下，係會有人用到膠類來調聲
例如 mon 箱類 damping 力水會好高，打出來的 bass 會好勁好衡，但係有人可能會嫌佢 bass 大厲害，或者係個空間裡面大 boomy，想控制一下佢既 bass，同埋又可以固定到個箱的位置，同時又有釘的諧震隔離作用
不過唔多人用，唔係大路野

而你所講既果一個 Iso acoustic 佢都唔係靠膠來做支撐，而係靠鋼通，膠只係用左接合避震

但係我自己就唔鍾意咁做了，如果係想要D釘同個箱唔會移位的話，我就寧願用一層非常薄的雙面膠紙去黐住D釘同個箱，同埋檯面 (要拆既時候，用支 CRC 就可以洗走D膠紙漬)，咁就可以保留最多的 bass，一係就正正經經用個腳架，甚至如果真係錄音室的 far/mid mon 的話，多數一定係直接 mount 上牆最穩陣，near field 反而無咁講究，有時 near field 甚至唔用腳 (因為只係負責做 mixing)，通常用 iso acoustic 呢類做法的多數都係比較 budget dependent 既細 studio 仔就會用上，我係尖沙咀 tomlee 樓上賣電子樂器果層，同埋逸東曾福裡面，就見過類似 iso acoustic 的擺法，用來放琴同埋放果D 5-6吋的 mon，不過咁樣放，聲真係好麻麻。


我以前都曾經試過用過軟墊或膠類的工具來墊音箱，甚至 3M 膠腳我都玩過晒，但係D聲真係遠唔夠我而家用銅腳 + 雙面膠紙好，膠類產品或含膠類產品我自己唔係未用過，不過D聲真係好麻麻，我唔可以話佢衰，不過無乜肉到，親身體驗