啟晴邨槍擊案

ctmk

有線真係羸晒!

cheapching

雖然我都比較喜歡睇有線新聞！

不過今次事件我好認同部份人提出既疑問，直播飛虎隊游繩而下係唔係適當做法（就好似菲律賓人質事件一樣），會唔會增加更多變數？危害兩個飛虎隊員安全呢？
究竟市民知情權要去到邊個位置？如果唔俾播，又會唔會俾人指摘呢？

Raphael

經過今次，以後類似情況，警方可能要先 cut 大廈電視天線然後先至做野
（題外話）見到兩位飛虎隊員隻腳都綁住一個大包袱，有乜突發事情的話，覺得佢地會好易㦸到，失平衡跌落街.......

csum123

呢個大隻佬,平頭裝,身材建碩. 自剎都唔投降. 而又聽唔見警方先勸降. 唔知咩料.....
......有D奇怪.

teddyng637

我都幾質疑有線直播，警方飛虎隊行動中，被直播晒出來，如果個犯人睇到直播會點~~

cheapching

只係 cut 大廈電視天線唔夠架，手機可用無線網絡、電腦網絡睇無線直播，如果全 cut ，真係與世隔絕（犯人、居民都係，警方就得返對講機），咁都好難搞！！

bigair

呢條友原來有前科，之前住元朗，曾經同人嘈咬後用斧頭斬斷人家手指，坐左一年監後先住呢到，依家竟然用槍添，真係好恐佈

dlcc

Raphael 發表於 2014-6-2 00:51
經過今次，以後類似情況，警方可能要先 cut 大廈電視天線然後先至做野
（題外話）見到兩位飛虎隊員隻腳都綁 ...

嗰兩位隻腳綁住一個大包袱嘅飛虎隊員係負責有利位置守住事發單位窗！
嗰個大包袱入面係震撼彈、閃光彈嗰類武器。

第一）佢地兩位係負責守住事發單位窗門，防止疑兇利用窗門離開單位及確保疑兇唔會向窗外目標作出任何行動。
第二）佢地兩位飛虎隊員就算事發單位入面打到九彩都只會緊守崗位唔會進入事發單位（除非單位ＣＬＥＡＲ咗或收到ＯＲＤＥＲ）。


ＢＴＷ，嗰兩位飛虎隊員配備晒安全繩先至游繩落去…又點會失平衡跌落街呢？？

dlcc

cheapching 發表於 2014-6-2 00:08
雖然我都比較喜歡睇有線新聞！

不過今次事件我好認同部份人提出既疑問，直播飛虎隊游繩而下係唔係適當做法 ...

嘩 …你提出疑問 ！？！？！
咁大逆不道嘅疑問………採訪自由新聞自由…唔係香港人最重要嘅核心價值之一咩


P。Ｓ。
危害兩個飛虎隊員安全？
…唔會啦
如果疑兇睇到直播…走去窗口做出可能危害到兩位游繩而下飛虎隊員時…部署係對面嘅飛虎隊Ｓｎｉｐｅｒ就會即時出手（分分鐘會係Ｓｈｏｏｔ　ｔｏ　ＫＩＬＬ）。
不過……如果真係出現咁嘅場面……肯定好多人會投訴電視台播出不安鏡頭！！