拉電箱開題

hiulam

21# ronan

Ronan 兄, 昨晚睇咗好多友台舊post關於拉電, 涉及一些安全問題
1) 在入屋前 (未經水總前) T 一條線出來作AV用, 應該駁入一個什麼電箱呢?
2)  因為唔明 FUSE 箱, MCB 等等之分別?
3) FUSE 箱意思是否只能夠當電壓過高時會跳FUSE來保護器材而已, 而未能提供電器出現漏電保護?

danychan32

hiulam 師兄 , 小弟不才希望幫到你...........
FUSE 簡稱熔斷器 , 即當該熔斷器因故燒毀需要更換一條才可恢復供電.
MCB 簡稱自動跳菲 ,  即當該 MCB 因故跳離停止供電 , 需要手動復位就可恢復供電 , 不需更換任可物料.
香港電力法例規定所有可移動性器具 , 即插座用電器用具 , 一定需要經漏電保護掣保護才可供電 , 因需保護使用者人身在漏電時可在 30 微秒內截斷電源 .
如你在總掣箱總掣前加裝一組 MCB 箱供應音響系統使用 , 最好安裝一套 32A 30ma 雙極
漏電保護掣做總掣 , 其他可分 4 組 MCB 供電 , 每條 MCB 可用單極 20A 造分支 , 每組電線用 4.0mm 作獨立電源供電給器才使用 , 如果你有要要求 , 市面有影音專用冷凍漏電保護掣及單極 MCB 佔賣 .
現時單相 MCB 箱最少有4位箱連總掣位 , 總掣位多數連一套開關掣( 不會跳掣簡稱 AI 掣 ) ,
可更換為漏電保護掣使用.
FUSE 在直接對地線或相線與回路線撞電才回燒毀簡稱短路 , 不是電壓過高而是電流過大作出高温反應燒毀 , 而  MCB 跳掣原理同 FUSE 相近 , 跳離位內有一條温度感應銅片 , 當電流過載或直接對地線或相線與回路線撞電 , 在極短時間內電流大量增大 , 温度大增銅片會彎曲拉動內部彈簧令 MCB 跳掣........

hiulam

23# danychan32


終於清楚fuse, mcb, 漏電保護制之間的關係, 多謝指教!

我以安全為大前題先, 即係話入箱前 "t" 一條線去av電箱, 先經一個漏電保護制, 跟住就分4個mcb供電予av 蘇頭使用是嗎?

ronan

22# hiulam

Ronan 兄, 昨晚睇咗好多友台舊post關於拉電, 涉及一些安全問題
1) 在入屋前 (未經水總前) T 一條線出來作AV用, 應該駁入一個什麼電箱呢?
水總? 定錶前制? 唔係好明
水總係指配電箱或制櫃入面的main earth terminal ，作用係把所有earthing bond 埋一齊，同供電無乜關係

2)  因為唔明 FUSE 箱, MCB 等等之分別?
屋企的電箱正確叫做配電箱(Distribution Board) ，因為目前香港主要用mcb 作protection ，所以叫做MCB 箱，但以前沒有MCB ，只有FUSE ，所以上一代的師傅會把MCB 箱叫做FUSE 箱，而佢地亦都會把MCB 當作FUSE 咁讀，例如你個配電箱明明係MCB BOARD ，但個師傅可以話加條20A FUSE 比你，佢意思指加條20A MCB 起你個配電箱入面

3) FUSE 箱意思是否只能夠當電壓過高時會跳FUSE來保護器材而已, 而未能提供電器出現漏電保護?

FUSE 和MCB 一樣，作用是PROTECT AGAINST FAULT CURRENT 和OVERLOAD ，而PROTECT OVERVOLTAGE 的裝置叫SURGE ARRESTER, 漏電保護的裝置叫RCD, 俗稱水氣制，RCBO, RCCB 和EARTH FAULT RELAY 都係RCD 其中一樣野

danychan32

hiulam 師兄請記住 , 美式電源插座在香港使用是犯法 , 因為美式插座沒有保護掩 , 以免小童把金屬物件插入孔內發生危險 , 所以機電工程署禁止使用 , 當你家居如發生火警 , 通常發生火警消防處及保險公司一定會話漏電而發生火警 , 當火警發生後所有電線燒毀 , 死冇對証, 保險公司一定執住這一點不賠錢 , 因香港使用 220V 電壓 , 而美式插座及插頭是標示 110V 使用 , 所以如果你有心使用美式插座 , 真系要小心使用.......

ronan

>終於清楚fuse, mcb, 漏電保護制之間的關係, 多謝指教!

>我以安全為大前題先, 即係話入箱前 "t" 一條線去av電箱, 先經一個漏電保護制, 跟住就分4個>mcb供電予av 蘇頭使用是嗎?

你住公屋定私人樓?
公屋會用一個RCD PROTECT 幾個插座的電路
例如
RCD : 40A, 30mA
MCB : 32A(廚房)
MCB : 32A (客廳和其他地方)

假設廚房漏電，客廳和其他地方都會無電

而私人樓就用RCBO ，一個RCBO PROTECT 一個的CIRCUIT

例如:
RCBO : 32A(廚房)
RCBO : 32A (客廳和其他地方)

如果你想開一組新的CIRUCIT 比HIFI 用，前者加一個32A, TYPE B 的MCB，後著加32A, 30mA 的RCBO

hiulam

好多謝兩位師兄詳細解答, 小弟只會用返英制, 唔打算美式, 家中有小朋友始終都係安全第一

quntinchan

9# hiulam

林兄, 本人亦有加裝以上提及, 如想看看我家的加裝可留e-mail, 傳D照片給你參考一下, 不是高當野, 除取電安裝跳制外, 其餘都是DIY.

quntinchan

tailulu兄, 客氣客氣!, 其實可以玩專D, 係鴨記兩仟幾kr跳制都有. 可惜我銀彈有限, 不過我覺得線才比較重要, 我預2/3在拉線及蘇底過蘇底上....

hiulam

32# quntinchan


師兄, 漏咗我呀......昨日已pm email 地址! 謝謝!

tailulu 兄: 如果搵到師傅攪, 不如預埋我, 睇下有無得平d? 想問下現在請一個電工師傅一日人工要多少(唔駛包材料, 剩人工), 其實我只係需要師傅幫我, 由入電箱前t多條去新電箱及鑽一個1呎厚嘅孔, 就可以收工, 其他野我自己識攪, 所以2個鐘內應該可以完成, 咁我地share咗師傅人工咪ok