變種特攻: 未來同盟戰……J J小評 (含內容)

lkljason · 發表於 2014-5-26 18:07

本帖最後由 lkljason 於 2014-5-27 12:09 編輯

Xmen 雖然貴為Marvel系列之一，但o係我心目中同Avenger裡面既成員完全風馬牛不相及，所以當我睇完美國巨腸2之後，睇片尾知道有個Quicksilver角色之後，咦~~~~唔通會拉埋Xmen d人入去玩，先唔討論Quiksilver o係Avenger2用咩身份出場，但o係呢次Xmen既出場既注目度係爆晒燈 (下面再講)

講翻套戲，之前一直諗唔通點樣將兩代Xmen既成員crossover，但睇完英文戲名後就知道佢玩回到過去改變歷史呢條大橋，不過今次佢仲玩得盡d，將之前Xmen 1,2,3集既故事全部推翻從新開始，可以算做一個幾聰明既做法，因為之前果三集口碑，尢其事第三集真係Fans向黎講普遍都係惡評如潮。而今次上代Xmen既成員大部份主要角色都有浦頭，但戲份堅唔多，同埋今次我個人覺得為左從新洗牌，所以故事流於表面，硬係覺得有點到喉唔到肺既感覺，可能結尾實在太過平靜啦。(呢點係我老細既感覺)

故事一開始講Xmen舊成員被天啟機械人追殺，於是搵狼人幫手回到過去希望能改變歷史，襯天啟開發階段就Stop左佢，而開發天啟既關鍵就係妖后，而飾演Kitty既Ellen page除左識得穿牆外，原來仲曉回到過去既技能 (Xmen 3都無提過，唔知原著漫畫係咪咁設定呢？)，而點解要搵狼人回到過去？因為只有佢自動修復既身體，至能夠承受到回到過去咁耐既地方 (時間係Xmen-first class之後) 。而妖后當時係脫離左磁力王身邊，獨力挽救被政府迫害既變種人，之後既發展都係圍繞妖后既選擇，因為直接影響未來，同遂服X教授、磁力王幫手，而妖后選擇係點留翻你地自己搵答案，而結尾狼人翻返去現代，之前Xmen1,2,3死左既人全部歸位，聽落好似好兒戲，但我個人黎講reboot得黎都算叫做講得通，所以2016年將會有新一集既Xmen，估計都會用後生版既professor x, 磁力王同妖后延續落去。

總結：今次都係睇3D全景聲，3D效果可有可無，而呢集整體文戲唔小，所以動作場面相對都會小d，想睇每一個變種人show技能既畫面都唔好期望太多，如果預期first class咁可能會有點失望，故事主要戲份係落o係Jennifer既妖后身上，喜歡佢既朋友應該好滿足，其次就係之前所講Quicksilver角色，後者戲份雖然唔算多，但幾場戲既效果好搶戲，尤其事慢鏡玩子彈果part，無論畫面及配樂我覺得都好正，而該角色可塑性亦非常高，但相信同Avengers 2既Quicksilver函接會比較困難，到時睇睇Avengers 2會點樣玩法。而另外比較引起我地注意就有我地中國代表”飯邊邊”，雖然對白唔多 (我無正式數過，不過唔會超過一隻手掌)，但起碼印象都算深刻。

Xmen 系列對我個人黎講，絕對無Avengers既角色吸引力大，但就算無論佢拍成點，我都唔會錯過任何一集，可能呢d就叫死硬派粉絲啦！

最後記住睇埋片尾片段，係呀有架！不過要出曬credits至有，要等耐小小，聽講有D戲院未播片尾已經著曬燈，有D誤導人啊！