我的組合: 終極品聽 經典試聽大計!

tubeamy

ghhf 發表於 2015-11-16 20:35
LCD-3係重咗d, 小弟3隻耳機中, 係配戴舒適度, 相對上LCD-3係最弱一項, 不過當LCD-3配啱膽管, 係"一體臨場 ...

Ching:
         LCD3用膽機推會吾會太厚聲？我都好想知因為本人也用緊LCD3但又一直喜歡膽味所以宜家好困扰買吾買woo audio？LCD3有冇換線聽？

tubeamy

GOTO 發表於 2015-11-23 06:37
睇到師兄的設備...

害我唔想玩WA22的感覺...

Ching:
           膽海無邊，回頭是岸。

ghhf

tubeamy 發表於 2015-11-26 12:31
Ching:
         LCD3用膽機推會吾會太厚聲？我都好想知因為本人也用緊LCD3但又一直喜歡膽味所以宜家好困 ...

係小弟既WA6 SE上，LCD-3表現係熱暖，叫"厚"唔太合適，因為"厚"有層次感不足之嫌。小弟會覺得係中低音偏重突出，微動彈勁，層次分明，但場感就比較濶平，深度未算理想

通過tube rolling配到合適膽管，達到小弟所謂"一體臨場"狀態時，就係"完全感動"，巳經無所謂暖厚之分，因為全頻均稱(高頻同樣可以有晶瑩甜透)，層次分明，動人場感係"一體臨場"必要條件。係LCD-3配上WA6 SE，小弟暫時只"撞到"2個"一體臨場"組合

話又要説回來，小弟唔想誤導C兄，LCD-3係WOO產品上必能有"理想"效果，以上評論只供C兄參考，要注意既係小弟既描述係配合咗其他因素，包括線材，供電系統及膽管特殊配置及期間既煲煉過程。一枱原廠開箱WA6 SE同LCD-3就咁接上，所出效果同小弟既描述可能完全係兩件事

小弟自己既總結係: "完全感動" = "一體臨場" = 銀両(硬實力) + 時間(軟實力) + 運氣(缘份)

tubeamy

ghhf 發表於 2015-11-26 14:54
係小弟既WA6 SE上，LCD-3表現係熱暖，叫"厚"唔太合適，因為"厚"有層次感不足之嫌。小弟會覺得係中低音偏 ...

多謝Ching意見，要將LCD3玩的好都幾難

ghhf

最新消息, 小弟枱WA22將會係12月1日登陸香港. 小弟準備當日留守在家, 作第一時間開箱, 不過唔會用電池補完, 並以原廠膽管設備就咁聽幾節, 先攞番個原廠效果印象

ghhf

tubeamy 發表於 2015-11-26 18:28
多謝Ching意見，要將LCD3玩的好都幾難

最大因素其實係個人聽感取向不同, 加上系統配備差異, 所以不能一概而論 ..... 小弟呢個個案, 係要d時間磨合

ghhf

小弟未有時間切玩BGT住，入咗d汽水罐用電池補完逐粒煲下先。其實小弟系統以電池供電，就唔使用大CAP平滑電源，反而應該用細CAP，EMI等filter抗下干擾，不過貪得意順便聽下加咗大CAP之後有咩效果，的確係有唔同 。

ghhf

小弟呢個星期玩煲汽水, 特別以最近搵到既"一體臨場"組合LCD-3配俄膽, 睇下加大CAP再并d小CAP有咩作用. 試聽咗幾節, 效果同小弟預期差唔多, 結論係唔加好過加, 整體效果係差咗, 啞暗遲鈍又煩雜咗, 音場效果更相差甚遠. 証明係電池補完上再加CAP係畫蛇添足, 弄巧反拙

小弟試完CAP收咗貨就會收埋佢地一陣, 遲d應該切2個BGT出來, 一個接DAC USB地, 一個接AMP RCA地, 到時再分享效果

ghhf

PROJECT WA22 - 開箱倒數

有C兄問Woo產品效果及小弟評價, 音質效果方面其實係好主觀既, 如果真係要sale, 只可以講小弟選擇Woo產品, 特別係WA6 SE及WA22, 因為佢地係一個開放式玩膽管平枱, 加上簡約高效設計, 高質硬件配質感設計 …..    

小弟枱WA22會係12月1曰到手, 心情係喜悅而緊張. 而家忙於執位迎接新歡, 亦為開箱及試玩進程做番個run down plan. 大致可以分以下階段:


開箱初試
先來開箱巡禮, 原廠配件檢查安裝, 第一感覺.

開箱小結
試聽幾節大約10小時, 以跟機膽管及普通AC供電, 先攞個原廠配置效果印象.

"最貴"組合
有咗原廠配置效果印象, 小弟會就咁換上"最貴"膽管組合, 將原廠整流, 功率及訊號膽遂一取換, 初試換膽效果.

電池補完
下一步小弟就會以電池補完為"最貴"組合供電, 了解電池補完對WA22系統影響程度.

一體臨場
最後就係戲肉所在, 玩tube rolling搜尋"一體臨場"組合, "最貴"組合會唔會就係其中一組"一體臨場"組合呢?!

WA22 vs WA6 SE
總結WA22效果, 特別係HD800, T1及LCD-3配套, 比較與WA6 SE品味異同.



PROJECT WA22 全文
http://post76.hk/forum.php?mod=r ... 9&fromuid=87952

ghhf

煲完汽水收貨, 呢幾粒大CAP做BGT應該有排玩(小第特登選63V比較高壓版), 要耐用就做埋labeling(小弟又特別用紅色容易分別極性)同加上避震底貼粒, 就可以幫助散熱及減少固定時壓力

係入箱備用之前, 小弟緊係要曬下CAP, 放毒再刺激下各位C兄眼球. 如果支持唔住, 就要快d要去打定抗毒針, 因下星期主菜WA22上枱時, 可能毒發不可收拾

DIY BGT (Battery Ground Tweak) 全文
http://post76.com/x2/forum.php?m ... 2&fromuid=87952


由於係大CAP, 不當處理, 例如極性連接錯誤, 未顧及限流出現瞬間大電流跳火, 甚至產品本身品質問題可能出現短路現象, 小弟要特別提醒想試玩C兄, 再引番個免責聲明旁下身

免責聲明:
所有電源改動及連線, 仍小弟跟據個人經驗實踐行為, 有關改動及連線有一定風險, 不當處理可能會損壞相關器材, 及違反原廠保養條款, 甚至危及人身安全. 小弟無意鼓勵其他C兄模仿, 小弟亦不負責模仿後產生既任何後果同損失.