難道我離不開ipod series.....求指教

papabaggio

小弟一直源用ipod video,ipod classic,期間玩過samsung mp3 , S9 , Sony x1050(好短暫時間就放咗,因覺得這些機數碼味好濃(純個人感覺),加上以前唔識試聽就買,直至一個月前買了部DX90(好短暫咁試聽過就買了,因初部試聽感覺幾好,最重要係冇數碼味),買了初初聽時,真係覺得無論分析力,層次感,空間感,bass都好過ipod classic, 完全係另一個層次, 到這刻我才知道我的um3原來未完全發揮,同埋原來um3都可以有bass(我知道um3都不是甚麼高階嘢,請見笑),但聽了多時候,開始感覺人聲不對味,DX90嘅人聲係比我感覺好直白,好似冇乜感情同冇乜味道,最慘係人聲上我覺得ipod video/classic好聽過佢(個人聽感),雖然DX90好多方面都比ipod優勝,但整體比我感覺總係欠點感情同有啲悶(可能小弟嘅耳機唔夾有關,我再有用另一對headphone HD25試過,但聽感一樣),所以最後都係放咗!雖知道有時試機真的不是一時三刻可試得真,起碼要聽一段時間先知你是不是鐘意嗰樣嘢 所以想問問師兄們,X5人聲是否比有感情同有韻味呢?
PS : 小弟真係超級初哥加木耳,亦不是超級發燒友,貴亦不捨得買,希望有限投資買到小小進步,請見諒!(還有,小弟係直推黨, AMP不考考慮了)

Budget-fi

如果單論感情演繹，ipod video(非classic) 是比現在很多機種優勝的，無論你用x5, dx90, ap100等都不會有ipod video的聲音 ;

師兄如果想有少少提升，可以考慮把os 轉做rockbox，用多了電但會更有效發揮ipod 的實力，反正不用錢試試無妨

papabaggio

Budget-fi 發表於 2014-5-21 01:59
如果單論感情演繹，ipod video(非classic) 是比現在很多機種優勝的，無論你用x5, dx90, ap100等都不會有ipo ...

係呀師兄,你指ipod video( 非imod ),我是因容量問題而買iPod classic的,雖然好多師兄話iPod classic好聲（喺ipod系列裏面）, 但我覺得iPod video比較暖聲啲同埋推力及音色都比較啱我口味(我亦明白可能我聽慣了), iPod classic比我感覺聲底冷啲同分析力好啲,但我一買了ipod classic有少少後悔,但奈何有時屋企聽歌真的很方便(用docking駁AMP),所以我正考慮係網上買部U2版IPOD video160g(imod)定X5好 資金有限,唔可以亂駛銭 我放咗部DX90都比我個女同老虎話我哂錢

WallerHomie

papabaggio 發表於 2014-5-21 02:11
係呀師兄,你指ipod video( 非imod ),我是因容量問題而買iPod classic的,雖然好多師兄話iPod classic好聲, ...

從來都唔覺得IPC好聲
買佢只係用黎做硬碟
真正出聲係部DAC AMP
唔知樓主邊度聽番黎話IPC好聲...

但樓主有冇諗過
IPC+DAC+AMP出黎既聲好過幾多部DAP?
論推力 論聲音質素 簡簡單單一部兩層炸彈已經好過AK120好多
(Post76 Android 手機版送出)

charky17

DX90同X5雖然話個方向唔同,但係如果你要感情機,建議你可以去試下MA8果類,DX90同X5都比較清,姐係你所講既無數碼味...IPC當然會有感情過佢啦咁(從來唔覺得IPC數碼味係少)

hiyori

師兄的聽感不奇怪的
其實最近有些便攜播放器的調音，都是向一種「高清」的方式去調音，現在新機林立，這種調音方向較易在相對短的聆聽時間就可以令玩家覺得「勁」，例如覺得每粒音都好像很清而覺得分析力很強，或是用突出的一些頻段、稍作誇張一下分離度，或是把音場擴闊等，但聽久了可能會覺得這些細節和分析力並不自然，因為某些頻段的強調令聲音好像怪怪的而覺得有缺失，分離度太高令樂器之間變成好像一件件獨立錄出來，而音場雖闊卻沒有應有的札實和共鳴。因此雖然舊一點的播放器如IPC等雖然在格式和「分析力」等硬質素似有不及，但仍是深受不少玩家的喜愛，IPC聲音相對自然，也容易令人ENGAGE，配搭DAC+AMP仍然是相當出色的組合

lamhokin

有無試過ak100?
ak100人聲比較好味，但其他方面既較弱，可能會啱你口味

furuya

Zx1?

charky17

ZX1既調音同X5,DX90果D都好唔同, ZX1比起AK100調音明顯唔同,AK100人聲感覺順滑,而ZX1則各方面比較平衡推力亦比較大,調音十分岩我口味!

papabaggio

謝謝各師兄及版主嘅心得和意見(亦很認同),以往好多時試聽啲新產品嘅時候,小弟好多時會集中聽部機嘅人聲,分析力,音場,動態,好多時用聽開嘅ipod做準則,以為很多方面都比ipod優勝,再加上爬文睇見師兄們的正面評價就以為一定冇選錯機(因小弟唔識嘢所以會留意佢哋所講部DAP嘅特點),但我就忽略了歌曲嘅整體聽感,正如有師兄推介我AK100,我亦有試聽過幾次,其實AK100嘅音色(調音)真的很對我口味,但奈何當時售價頗貴,再加上爬文很多師兄都話AK100不值,到了AK100售價下調時又整部MKII出嚟(價錢更貴,所以最後都冇買!但經今次認真玩過DX90之後,開始了解到自己對DAP追求嘅方向(音色,人聲感染力及整體自然感為重點分析力,音場,空間感等等嗰啲可以退而其次,相信日後買機會清楚知道自己要啲乜嘢,不過仍然都喺個句,部機啱自己聽與否,真的不是試機嗰短短十幾廿分鐘(甚至粒幾兩粒鐘),真係要聽一段時間先知!終於明白好多師兄為何時常換機,要追求自己想要嘅音色,真係要比學費