劉德華 “謝謝您的愛” 復刻CD系列5 款

忘情水

記得劉華入華納果時,巳投資開設有自己的錄音室.記得有電台主持,重訪問佢花咗幾多錢,好似成千萬位數,而所有錄音的歌曲,係佢自己擁有的版權
所以都發覺,華仔後來過檔其他唱片公司後,華納好少出佢的精選碟賺錢,就係咁解

Gentleho

I have 4 of them except 真情難收. But my favorite is " 愛意 and "真我的風采". Seems this time no need to buy la^^

Ken704

1037 發表於 2014-5-20 21:02
東亞07年天價簽劉華嘅時候 同時亦包括劉華自華納年代就一直掌握係自己手上嘅數百首歌曲版權 當年呢單新聞仲 ...

嘩!!!講得好好，睇完你介紹好有意思！！！　加分

lamwaikit007

是否分開發售?

希望質素好過華星系列。

travelbooy

lamwaikit007 發表於 2014-5-21 01:35
是否分開發售?

希望質素好過華星系列。

其實華星系列真係撞彩！好聲及衰聲係好大差別，但又好少見有網友提及那些屬好聲的！但佢嘅包裝係值得一讚！

lamwaikit007

travelbooy 發表於 2014-5-21 01:43
其實華星系列真係撞彩！好聲及衰聲係好大差別，但又好少見有網友提及那些屬好聲的！但佢嘅包裝係值得一讚 ...

認同，起碼易放。

chr005

lamwaikit007 發表於 2014-5-21 01:44
認同，起碼易放。

Agree. Prefer normal CD jewel case. Save space.

porkballs

忘情水 發表於 2014-5-20 23:10
記得劉華入華納果時,巳投資開設有自己的錄音室.記得有電台主持,重訪問佢花咗幾多錢,好似成千萬位數,而所有 ...

記得Ｎew Melody 好似係同邊個有官司而結束，所以版權流入左人地手。

1037

忘情水 發表於 2014-5-20 23:10
記得劉華入華納果時,巳投資開設有自己的錄音室.記得有電台主持,重訪問佢花咗幾多錢,好似成千萬位數,而所有 ...

大概九三年劉華同杜自持合資開設Q-Sound Studio，從九十年代直到千禧年代初都算係本港其中一間數一數二嘅錄音室，除咗本地歌手之外，好多台灣甚至海外嘅音樂人都有特地前來錄音。但數年前已經轉手，據說仲賺咗唔少。葉振棠先生亦都係其中一篇訪問提過當年佢嘅錄音室倒閉時，係劉華接手咗佢好多設備，相信就係放咗去Q-Sound Studio。

1037

porkballs 發表於 2014-5-21 10:51
記得Ｎew Melody 好似係同邊個有官司而結束，所以版權流入左人地手。

ching指嘅應該係03年劉華同當時所屬嘅加際唱片嘅官司，當時因為唱片公司未經劉華同意出咗一張3CD+VCD精選『經典重現』，劉華全程都不知情，除咗選曲冇參與到之外，封面以及內頁照片仲用咗原本為『如果有一天』唱片影嘅相，但係最後因為劉華唔滿意而冇用到，以上唱片公司嘅行為涉及違約。最後劉華向法庭申請禁制令禁止呢張唱片繼續銷售，並且追討賠償以及控告唱片公司。原本已經錄好並且拍佐封面以及MV仲印埋嘅國語碟『大人的情歌』最後都因為同唱片公司嘅決裂而全部銷毀。當時確實有過版權糾紛，但後來全部版權已經收回，呢一批歌其中一部份係05年嘅『再說一次我愛你』國語碟有出版，主打歌『太想愛』就收錄係『繼續談情』新曲+精選裡面，仲有四五首就一直冇出版過。

因為呢件事，後來有四年劉華都冇簽任何唱片公司，自資製作唱片然後搵大公司發行（當時香港EMI有發行過，台灣華納亦有發行過），一直到07年底簽約東亞。

補充少少就係加際唱片老闆伍曼英係劉華多年好友，應該係八十年代劉華仲係華星嘅時候伍曼英就係唱片公司管理層，03年伍曼英開設加際唱片，就邀請劉華加入，劉華約滿BMG即簽咗加際（公司藝人仲有張衛健）。當時簽約新公司頭炮係國語大碟『美麗的一天』，十首歌都係從真實發生嘅故事改編而來，其中主打歌『練習』係講一對夫婦，老婆被診斷出有嚴重腎病，只能再活三個月，於是兩夫婦放棄了當時的工作抓緊機會去周遊列國完成未了的心願，旅途中丈夫無微不至的照顧直到三個月後做手術，妻子卻奇蹟地活下來了，直到現今。故事中的女主角便是加際唱片總裁伍曼英。