今日終於完成左一個"不可能的任務", 點解我會用"不可能的任務"來形容呢?? 事關今次 812活動中, 其實主角只有一隻係手, 因為代理方面自己都只係囉到好小量貨, 所以今次最終都真係只可以留一隻比大家作測試, 而過程之中, 夾機, 夾歌, SOURCE同 AMP既選擇, 其實我地都前前後後討論過N咁多次, 又改過好多次不同RUNDOWN, 玩法,, 器材, 又要問其他公司借機, 中間仲有一次機會係本身個 EVENT 有可能腰斬的, 不過呢D一切一切, 都已經過去了, 而今次既活動在於我小瑟來講, 亦都係非常之成功及順利, 雖然今次都出現過小小問題, 好似部D100無啦啦 DE DE 聲, 仲有一D我自己都係第一次見既情況, 但好幸運, 今次大家都總算玩得好開心, 而我地亦都可以做到比到每位參與既朋友, 可以最小有5分鐘式更多既時間去試真呢隻 812, 當然除左812之外, 其實更加可以試埋AKG方面其他既旗艦耳機, 內容希望各位都會覺得滿意呢!!!
係度小瑟好想真正向我地三位勞苦功高, 無分你我, 只為一心做好今次活動既 Hiroyi版主 及 Jason版主, 佢地既一心只為做好今次活動既呢顆"真心", 真係另小瑟非常敬佩, 唔講大家都唔知, 今次小瑟到會場時 12:00, Jason已經埋首不停折盒駁機測試, 而15分鐘後, Hiyori同WIL總亦都到場, 而今日其實係開SHOW前, RUNDOWN同器材組合都仲有更改, 大家又要再三廢神去研究配搭, 不停試聽, 而最後, Jason, Hiyori, Wil三個都冇食到LUNCH, 三個都只係像左杯齋啡炸大佬, 係小瑟一個最炸, 要整件退治頂頂個胃先得...........係度, 小瑟真係好想借個機會再三向三位兄弟致萬二分敬意.
另外當然要多謝既仲有祺哥特登出黎幫手及各個界別既協助啦, 好似AKG啦, TOM LEE啦, 大昌啦, 當然當然唔小得既, 一定係今日有份出席既各位版友們啦, 你地除左參加我地既活動支持我地之外, 小瑟最開心既, 絕對係各人都對我地76好包容, 好體諒, 而大家更加係香港中最有禮貌及最識尊重身邊朋友既一群, 試問依家香港仲會有幾多人可以乖乖排隊去試全場只有一隻既耳機而個個仲要開開心心笑面迎人咁呢???
各位76既師兄, 你地好野, 我小瑟 PRIDE OF 有你地呢班好版友呢~~~~
再三多謝大家既支持, 你地既參與就係我地最大既原動力, 小瑟今日既感受就講完勒, 題外話太多另大家悶親唔好意思, 大家如果想知道今日既活動詳情, 請耐心等等我地記者 HUGO既實況報導啦!!!!
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2014-5-17 18:47
發表於 2014-5-17 19:55
發表於 2014-5-17 23:41
