講左咁耐團購都就黎結束我仲未決定到買邊隻subwoofer

googleli

由於間睡房地方實在有限, 所以擺位上的問題導致我唔知揀邊隻好，各位師兄能否做下好心幫幫忙. 我知道放在前方角位最好，但因地方問題不能放。

MK MX-250 - 可放在皇帝位前方，但會擋了中置，要將中置裝在天花，或放在皇帝位左邊兩尺範圍內，我驚會震到影響聽覺

PC-13 Ultra - 只可放在皇帝位左邊兩尺範圍內，我驚會震到影響聽覺

Velodyne 1200i - 可以放在正前方，最少煩惱的一隻，但質素會唔會同MK / SVS差好遠?

各位師兄，我知你地全部都好好心，但如果可以的話，可唔可以俾到D實質意見我，而唔係有貴買貴之類... 或者有無師兄在聆聽範圍兩尺內放MK250或PC-13 Ultra，可否分享一下感覺，謝謝

googleli

頭先終於諗通左!! 前置可以放近電視兩邊一點, 咁前角位就足夠擺MK-250或PC-13 Ultra, 但係咁樣兩個前置之間就只有42寸的距離,會否太近?? 我的終極目標是把前置換成S-150.

IDM

如果有目標係S-150, 咁就不如直上MX350/MX250啦, 始終聲底一定夾~
不過如果你超中意一大浸超超超底音包圍住你既, 可以睇下有無SVS既CHING比你試試, 中意咪上PC-13 Ultra, 都無問題. 始終玩果個係你, 最緊要自己中意~ 反正兩隻都係好野黎~

googleli

"如果有目標係S-150, 咁就不如直上MX350/MX250啦, 始終聲底一定夾~
不過如果你超中意一大浸超超超底音包圍住你既, 可以睇下有無SVS既CHING比
你試試, 中意咪上PC-13 Ultra, 都無問題. 始終玩果個係你, 最緊要自己中意~
反正兩隻都係好野黎~"

前者我可以想像得到, 但後者那種感覺真是想像不到
看了一晚review, 也是說MK實淨D, 但SVS反而會潛得更深
詳細黎講, 應該係話 MK 在 30Hz以上會很detail, 收放自如
到了之下便是PC-13 Ultra的世界, 但一部電影入面,
又會有幾多聲音係30 Hz以下呢? 而如果我的目標是全套MK
(就算不是S系), 是否也是選番MK較好?

Velodyne係咪始終唔係MK / SVS果皮? 如果拿DD12 / SPL 1200和他們比
是否還有不足之處? 再重申一次我套野係完全不會用來聽歌 (除左睇極少量
Bluray演唱會), 只會睇戲, 100尺房左右, 你們的終極答案是什麼?

抱歉這是一個新手的問題, 問得又多又急, 但因為昨晚研究了一個通宵研究
擺位和不斷睇review, 各位師兄, 俾你地考慮以上因素之後, 你們的終極選擇
會是什麼?

skhgc

師兄請見諒!有講錯唔好插!我個人覺你唔係為玩音響,係音響玩緊你喎!

maner394

"如果有目標係S-150, 咁就不如直上MX350/MX250啦, 始終聲底一定夾~
不過如果你超中意一大浸超超超底音包圍住你既, 可以睇下有無SVS既CHING比
你試試, 中意咪上PC-13 Ultra, 都無問題. 始終玩果個係你, 最緊要自己中 ...
googleli 發表於 2009-8-30 10:26

如果比着我，跟本唔洗煩，一定全套MK，起碼Ｄ聲一定夾同連貫，唔洗左set右set咁煩！

hintel

如果比着我，跟本唔洗煩，一定全套MK，起碼Ｄ聲一定夾同連貫，唔洗左set右set咁煩！
maner394 發表於 2009-8-30 10:49

同意一套MK 只是沒有錢

Einstein

1# googleli

subwoofer 放在前方角位唔一定最好,
威力登絕對唔差, 但夾一套MK更好

googleli

咁如果齋睇戲黎講, 兩隻選一隻, 師兄們會選PC-13 Ultra定係MK 250?

googleli

師兄請見諒!有講錯唔好插!我個人覺你唔係為玩音響,係音響玩緊你喎!
skhgc 發表於 2009-8-30 10:49

你咁講都好合理, 但對於乜都唔識的新手真係無從入手.但昨晚一夜通頂左度右度, 在網上狂睇review, 現在總算對sub仔有多點的認識, 就算最終乜都無買, 都已經賺左一種樂趣. 我覺得對於新手黎講, 一開始實會有被玩的感覺, 因為太多選擇, 自己又乜都唔識, 但如果唔係經過呢個"被音響玩" 的階段, 就只會一直係新手, 所以我唔介意先被它們玩一輪, 先至再買一套自己真正鐘意的慢慢玩

雖然咁樣好似好阿Q, 但現在總算知道自己的選擇和想要D乜野. 而且就算我呢一刻真係換左MK250或PC13U, 現在那套cheap 雞衛星根本配不起, 所以我決定食多兩個月穀種, 到時成套S150/ SS150 7.1連MK250或PC13 Ultra一次過買, 咁樣應該會感覺良好多D.

我已決定搵日上MK代理度睇睇, 因為在公司附近, 不會很遠, 但是PC13Ultra就有難度, 香港根本無得賣, 真係唔知點試...

Anyway, 多謝晒各位師兄的建議, 到有朝一日我呢個cheap cheap新手調教好套野, 一定上來同各位師兄分享下