1964 V6S+ZX1 開箱文!!另附V8聽感

charky17

等左差不多成2個月,我對V6S終於到喇!!!學食神話斎,無謂講咁多喇,自己睇啦!!

個盒有個鐵牌,寫住自己個名既!!質地應該幾好!個袋係用黎裝住對耳筒既!!

登登登登!!!入面就係咁樣嫁喇,無錯,我整左ARTS WORKS, 如果大家行街見到條友柒下柒下咁帶住呢對野,可以走埋黎拍拍我!!

相就去住咁多先,大家有咩細節想知/想睇可以話我知,我補番圖比大家!!
咩都唔好講先,先多謝狗兄毒我買呢隻野,先唔講佢既聲,佢既ARTS WORK功力真係一流, 我唔放原圖上黎喇,如果想要既可以PM我,問我拎,我比你地睇睇有幾成似,我可以講句,最少9成!!


好,到聽感,我係用ZX1夾V6S既!!

高中音到位,比起我之前試過既都要好, 亦好易就推到,最令我驚喜既係佢既底音,買果陣我有試過V6同V6S黎比較, V6中音會比V6S好少少,真係少少,但V6S個調音我個人比較鍾意,V6個音可能比較岩聽女聲同清底既野,不過我部機大部分都係男聲同偏男高音/底音,係底音呢方面,真係底讚!!試果陣都未有太深入,依家拎左番屋企明顯聽得出黎個底音係爽同實,特別係打鼓果一野反震!!高音係我對呢對耳筒唯一唔太滿意既地方,不過應該可以用換線解決!!中音係呢個價錢黎講,應該只係屬於不過不失,我拎黎聽張國榮既有心人,明顯聽到喉嚨發音同口水聲,分昕力夠亦都無左我之前對M200上到高位好似就黎斷氣既感覺,聽IL DIVO既時候,感覺好闊,一句講晒佢夾ZX1就真係幾夾,調音同佢既聲亦好岩我!!

我果日去拎果陣,咁岩有V8試,V8既調音我估同V6S大同少異,但係我用ZX1去試,V8既樂器分得好清楚,但係我覺得BASS重手左少少,聽IL DIVO既時候,鼓既聲就時會多過龍,蓋左其他, 不過佢有佢得人鍾意既地方,就係如果你唔係聽D BASS太多既歌,佢既調音應該會岩晒D聽開POP/KPOP既人,因為我果日拎佢試左隻POP既純音樂,D樂器你會分到晒出黎之餘,仲會有一份節奏感,我唔太知點樣去形容,總之係會聽到個人跟住個節奏,就好似你去演唱會會拍手掌咁上下!!我果日唔係試得太耐,但就咁聽佢應該闊過V6S!!但我都係無加錢換V8,因為個人覺得V8金屬向得太緊要,唔太重意喇!!

goodabc2010

師兄過黎喱邊開箱喎
的確,v8係重口味既

charky17

依,睇黎你係果邊都有睇WOR!係啊,放埋黎呢邊,近期先知有呢度,所以咪放埋過黎囉!!
V8岩晒D METAL友~

goodabc2010

charky17 發表於 2014-5-13 23:17
依,睇黎你係果邊都有睇WOR!係啊,放埋黎呢邊,近期先知有呢度,所以咪放埋過黎囉!!
V8岩晒D METAL友~ ...

小弟聽rock為主,用v8聽係幾過穩
低音強之餘個空間感都唔差,聽live又係好正
但係我都擔心v8+zx1長期聽會攰.....試o個陣係聽得好爽... 但長期聽又另一回事
不過v6s我冇試過,就搭唔到咀

cy306

恭喜師兄入手1964. 我隻V8都係到左幾曰。 v6,V6s都有試過3隻取向分别好明顯。各有喜好，V8聲底厚啲，底音重啲，我聽pop, R&B合我口味。
師兄換線有咩心水？

charky17

goodabc2010 發表於 2014-5-14 08:32
小弟聽rock為主,用v8聽係幾過穩
低音強之餘個空間感都唔差,聽live又係好正
但係我都擔心v8+zx1 ...

ROCK為主V8都應該唔錯, 但ZX1配V8的話真係好極端,鍾意既會好鍾意,唔鍾意既會...好唔鍾意 師兄,得閒去試埋V6S丫,如果你用ZX1應該覺得會幾夾嫁!!

goodabc2010

charky17 發表於 2014-5-14 10:19
ROCK為主V8都應該唔錯, 但ZX1配V8的話真係好極端,鍾意既會好鍾意,唔鍾意既會...好唔鍾意 師兄, ...

冇錯,zx1+v8真係好重口味,唔係人人都鐘意
cm既demo我冇聽過好多個,但v8我覺得係低音強之餘對其他野影響比較少
好似asg2咁,"背景"會好濛....
至於v6s....遲d去拎v8再睇下點先

charky17

goodabc2010 發表於 2014-5-14 10:26
冇錯,zx1+v8真係好重口味,唔係人人都鐘意  
cm既demo我冇聽過好多個,但v8我覺得係低音 ...

我之前對asg2都有呢個睇法,同覺得佢大食,直推有難道,但係係隔離壇有位師兄教我用膠玩asg2,效果真係完全唔同,直情係兩回事,如果師兄有機會都試下用膠去玩下對asg2包你有驚喜!!

goodabc2010

charky17 發表於 2014-5-14 10:49
我之前對asg2都有呢個睇法,同覺得佢大食,直推有難道,但係係隔離壇有位師兄教我用膠玩asg2,效果真係完全唔 ...

係咪"米雞哥"?
我o個陣用原裝2節膠聽
不過都冇咩機會玩....小弟放左對asg2先整v8

charky17

goodabc2010 發表於 2014-5-14 11:02
係咪"米雞哥"?
我o個陣用原裝2節膠聽
不過都冇咩機會玩....小弟放左對asg2先整v8

無錯喇!!!就係佢喇!!!