新手又有問題想請教各大師兄

chllovehsy

小弟近排為選擇 電源線而煩惱經過上次一問之後小弟最後都係無入手電源,而去換左DAC
http://post76.hk/forum.php?mod=viewthread&tid=186639

當然啦小弟係房玩 空間無咁多所以同各大師兄既法寶無得比 小弟只係換左部無咩人特別講又無特別推薦既...
Emotiva Pro Stealth DC-1

以下有4款電源線(美頭)近排比較留意想師兄們比一比意見小弟:

1. Neotech 3001 MK2
2. Nordost Red Dawn
3. Nanotec #302
4. Kharma Matrix 1A

而小弟用既Adam A3X 打算選用Neotech 3003 (當然師兄們另有推薦的話會考慮轉)

而我想提升既地方係 低頻想結實D 同 音場再定D 而保底現有既高頻清脆

定係我應該幫部DAC 換左屎先再諗呢?......屎方面我諗緊換鉑金 定 SR20 會好D

plnl88

師兄如果想保留低現有既高頻清脆，就唔好用 1. 了。它比較暗。
3. #302 根本唔適合 2ch，雖然銀的成份對 DAC 有利。

2 同 4 未用過幫師兄唔到。

Q: 定係我應該幫部DAC 換左屎先再諗呢?......屎方面我諗緊換鉑金 定 SR20 會好D
A: 中意聽樂器同想有華麗的氣氛就 ip2 鉑金，
    中意聽人聲，由其係女聲的就 SR20。

ykluk

首先小弟都係喺房用A3X, 相信都會明白師兄你想"低頻想結實D 同 音場再定D 而保底現有既高頻清脆"既原因~~!!

先想問CHING你套架生其實買咗/用咗幾耐? A3X或者DAC其實都需要多少少時間(一日聽2-3粒鐘大約都要2-3個月起碼)先煲好, 個人覺得煲好咗先去換屎換電等等, 咁你會真係聽得出換嚟做乜同有無用....

另外, 小弟見CHING既底墊係MoPad, 唔知係咪比A3X用, 因為Adam系列既鑑聽級喇叭既特性就係"無特性", 高分析無音染就係佢既個性, 當然A3X同A5X同A7X既分別最大地方就係個低音單元(當然裡面副AMP都有少少唔同, 但對高音影響無低音咁大), A3X既低音的確係比較薄(以小弟用咗3年既感覺), 所以小弟嗰陣用咗純銅釘墊, 再喺下面加咗塊黑麻石, 黑麻石底再有EVA墊, 咁樣做個低音係實淨咗少少, 至於音場改善都有少少, 但應該同煲熟未有關多啲.

唔知小弟有無睇錯, CHING你用Nordost odin XLR.....我估條線應該貴過你成套架生(我諗都貴過小弟全套架生!!), 呢條線應該都接近無敵, 你對A3X既分析都應該比佢推盡, 如果你仲覺得係唔夠"高頻清脆"既話, 咁可能要換喇叭, 你再加任何電線(除非都係奧丁系列)都有可能令你全套架生變衰咗, ODIN實在太誇張, 你既情況可能改乜都好sensative.....

至於fuse, 呢D係晶爺專項佢都已經講咗, 不過小弟都好建議CHING你係了解同煲好晒先好換, 咁換咗你都好感受到換前換後既分別~~!! {:9_423:}

ANWKLO

估唔到都有人用這部冷門Emotiva Pro Stealth DC-1, 根據近幾個月既聽感, DC-1的"前級"影響都幾大, 中高音唔太出, 偏向低頻, 比較厚暖聲, 在小弟的系統是覺得唔夠通透.

http://post76.hk/forum.php?mod=redirect&goto=findpost&ptid=179788&pid=3064405&fromuid=13014


是否配Adam AX3 ribbon高音單元都唔夠"高頻清脆"呢 要"低頻想結實D 同 音場再定D", 鍾意Adam好可能要上一級Adam A5X.

chllovehsy

ANWKLO 發表於 2014-5-13 18:50
估唔到都有人用這部冷門Emotiva Pro Stealth DC-1, 根據近幾個月既聽感, DC-1的"前級"影響都幾大, 中高音唔 ...

師兄 我仲係木耳 ....耳仔暫時未養壞發脾氣....A5x最初都有諗過 但係太大 所以放棄

chllovehsy

ykluk 發表於 2014-5-13 11:40
首先小弟都係喺房用A3X, 相信都會明白師兄你想"低頻想結實D 同 音場再定D 而保底現有既高頻清脆"既原因~~!! ...

師兄 我對A3x用左個半月 而DAC大約 3個星期 平衡每日12個鐘.以小弟理解師兄既意思係換喇叭 或者如果環境唔容許下 換底材會實際d?

ykluk

chllovehsy 發表於 2014-5-13 19:38
師兄 我對A3x用左個半月 而DAC大約 3個星期 平衡每日12個鐘.以小弟理解師兄既意思係換喇叭 或者如果環境 ...

如果以ANWKLO兄所講:"中高音唔太出, 偏向低頻, 比較厚暖聲", 以你就想:"低頻想結實D 同 音場再定D", 因為小弟無親耳聽過, 只能夠用你哋所講既感覺去估.....

1. 你套系統已經用ODIN, 加上A3X, 中高音應該唔係問題, 解決咗Emotiva Pro Stealth DC-1既缺點.
2. 你講既情況我估係系統比較濛同散, 可能係Emotiva Pro Stealth DC-1低音太強太厚, 而A3X既低音單元又唔係好大, 根本就"食唔起"~~!!

所以我先會提議你先煲熟套器材先, 大約等2個月再聽清楚, 情況仍然出現, 試吓A3X加腳釘腳墊黑麻石EVA:
http://post76.hk/forum.php?mod=viewthread&tid=77788

另外部DAC可以加Viablue TRI Absorber:
http://post76.hk/forum.php?mod=viewthread&tid=92390
呢個目的係想cut頻~~!! 無錯, Viablue TRI Absorber係會cut頻, 當日我哋喺毒峰屋企(佢嗰陣係用ONKYO+B&W)個低頻係有啲濛, 用咗Viablue TRI Absorber CUT咗某D頻令聲音實咗肯定咗~~!!

當然, 唔係個個人都接受到CUT頻情況發生, 不過小弟一向諗法都係因應問題去醫, so far CUT唔CUT我木耳聽唔到, 但求自己啱用啫~~!! {:9_407:}

最後, CHING你用大廳器材用喺書房小型書架, 食唔晒呢種問題一定會發生, 換對3路座地就真係乜都舒服晒, 但正如你所講, 地方有限唔得.....再諗, 可能你換DAC又係另一選擇.....

ykluk

ANWKLO 發表於 2014-5-13 18:50
估唔到都有人用這部冷門Emotiva Pro Stealth DC-1, 根據近幾個月既聽感, DC-1的"前級"影響都幾大, 中高音唔 ...

ANWKLO兄你換對ODIN, 乜都返晒嚟~~!!

ANWKLO

ykluk 發表於 2014-5-14 10:26
ANWKLO兄你換對ODIN, 乜都返晒嚟~~!!

DC-1不足只是用作前級同時是DAC時， 如果只是作為CAS去Caspian M1（前級）係無問題，所以話DC-1的“前級“部分影響好大，可以看返小弟上文連結參考。