有冇師兄試過喺淘寶買碟

mmm_lam

唔知有冇師兄試過喺淘寶買碟呢？
因為見到淘寶好似賣得好平，但係又唔知安唔安全……
所以想問下有冇人試過呢？

lamwaikit007

新手買唱片的樓主，記得在看之前，先問一問賣家:

1. 會否發貨至香港?
2. 如是的話, 首重多少錢? 次重多少錢?用那一間快運公司?
3. 貴店舖賣的寶貝是刻版或是原版? "

如果間店主問極都唔答，便不要向他買了。因為萬一來貨有問題的話，肯定好難取回賠償。另一方面，如果店舖用"EMS"運送的話，你們就緊要有耐性，我試過等了兩個星期才來貨。

我在兩年前也買過數次。當時由於香港區關係，所以不能使用支付寶。我每次都是拍寶後，通知賣家改運費 (通常賣家都是估計，所以要講價)，大家同意後，便用信用卡找數。銀行一兩日後便會過數。雖然銀行過了數，陶寶仍未會放數給賣家，直至你確認收妥貨品、滿意質素及給了評語後，才會放數給賣家。當然唔滿意的話，真係要同賣家講數。試過賣家冇貨唔出聲，到來的時候才知道，而且歌詞也破了。和他理論後，他退回沒有給貨的錢，而那爛了歌詞的CD，他也無條件不收錢。過了兩天後，銀行也退回了款項給我。

不知道是什麼原因，運送單上註明的運費，總是比賣家所收的運費低。

另外，現在可能是海關問題，大部份貨品貨品要經中間點，才可運至香港。

總結來說，超過RMB40.00的唱片，我自己通常不在陶寶買了，始終沒有親身拆出來看，出了什麼事要追究的話，縱使陶寶會傾向幫助顧客及取回金錢，但是換來一肚氣，都是不開心。另一方面，避免在運費上蝕了，我通常會在同一間公司一次過買12隻至14隻CD(2公斤左右)，以便溝淡每隻CD的運費。

也可參考下面條link的帖:
http://post76.hk/search.php?mod= ... bmit=yes&page=1

ngfeiyeung

no problem!!!!
because...
買汪峰...

bubuharry

買老番K2...有啲歌廢事搵無損, 又無錢買老正, 買完扔左個盒,  入CD袋, 廢事阻定

kmc0907

經常買,一分錢一分貨,太平就好有問題.

laaa

If 全新，you need to ask if it is 末拆，they have a thing called 全新拆封，which is not factory sealed

takeishi

價錢平~但係Condition好差好差.
一分錢一分貨. 係要將貨就價. 收到貨後有時真係食唔落架.
隻碟好花. 封面好殘. D紙好皺. 不過十元八塊. 貴極都係三幾拾.
有得聽就算囉果隻啦.

cdb128

takeishi 發表於 2014-5-8 10:54
價錢平~但係Condition好差好差.
一分錢一分貨. 係要將貨就價. 收到貨後有時真係食唔落架.
隻碟 ...

小弟都有去開淘寶買的, 情況大致上同其他Ching講既係咁上下. 想講既係去taobao買野真係唔好預d condition係好perfect, 由其係d要黎收藏保養有要求既就更加唔好上去買, 因為有時都會試過買左隻碟盒入面俾左第2 隻9唔搭8既CD過我, 又或者係d 雙CD入面得一隻碟, 好彩既係好多時同賣家講如果描述入面冇講明通常都可以退款, 但始終唔多唔小都會有d煩的....

本身我去taobao買一來因為真係平, 你會見到好多d舊CD係賣10元8元甚至更平但你走去信和分分鐘要40幾50以上;
二來都唔少d舊既日本同外國CD而家唔易搵到既, 純粹為聽歌既話對你黎講真係個天堂黎架..... 不過要小心有d賣家放既似係d高質素既仿正版CD(同正版真係一樣樣, 唯一能分既係價錢...同包裝)  但點分就真係好難講始終都冇得親身拎黎睇... 所以學上面既Ching話齋貴既就盡量唔好去taobao買, 就算中招損失都係有限~

jimmy188

人終需要試一次…………
不過經驗係累積番泥…………
平平地…………去吧…………

karench999

支持嘗試