《蜘蛛俠2：決戰電魔》…J J小評 (含內容)

lkljason

公平d講，如果無之前套《蜘蛛俠》比較，呢套新《蜘蛛俠》系列個故仔其實都唔算太差，今集接住上集既尾端，一開始已經講返Peter Parker個老豆離開佢之後究竟發生咩事，之後再交代佢同Emma Stone拖拖拉拉既發展，我個人覺得就幾煩厭勒。到戲肉Jamie Foxx電魔出場，講真就算唔搵佢演都無問題，因為完全無得發揮。而今集整多個綠魔同機械犀牛登場你嘆下，前者感覺上純粹係序章，為下集鋪路黎出場，先唔講佢廢唔廢，但由好友急轉直下交惡，個人覺得已經無上套蜘蛛俠描寫得咁好，同埋最後都叫直接整死埋Emma，呢個仇睇黎都唔係咁易化解。機械犀牛就更加唔使講，比客串更客串，可有可無。

總結：作為上集收貨既我， CG比上集更精彩 (個人覺得已經超越舊版好多)，尤其是蜘蛛俠飛躍動作更加自然流暢，Time square打電魔既時候果part亦都好精彩，我其實都幾欣賞Andrew演既Peter Parker，佢除左串咀外，縮背神態都演活左時下年青人，亦令到個角色富時代感左，女主角Emma唔算好靚女，但比起MJ已經優下立見。今集平心而論，套戲稍嫌過長，同埋感覺拍得有d鬆散唔夠緊湊，但作為Fans既我，我呢集係收貨，上集如果有80分，呢集我會比70分。3D效果同音效一般，利伸我係睇星影匯3D全景聲。

出Credit後有一段Xmen既片仔，唔係蜘蛛俠crossover Xmen呀？不過睇黎都係Sony想宣傳套Xmen既機會大d。最後點都要彈下首主題曲天雷地火，一陣以為我鐘意首歌咪死火~~XDDDDD，其實佢究竟係咪唱緊普通話姐？

chhanthony

我反而喜愛新一輯，太唔鍾意舊果三部曲嘅男女主角，但Harry做得好好。

lkljason

其實舊果輯D愛情線都已經係婆婆媽媽，今輯只係承接落黎，電魔瓜得較兒戲我可以接受，但綠魔實在真心覺得描寫得差。

lkljason

而舊車站發現佢老豆D野，應該之後仲會有交代掛。

lamwaikit007

我其實頗喜歡ELVA首歌。所以個晚即刻入隻台版OST。

我是睇IMAX 3D版。開場時的3D技術 及 在蜘蛛俠在空中飛來飛去的時候，的確有很大代入感。不過，3D技術到後期時也是越來越弱。

音響方面是滿意的。

故事方面，覺得有點鬆散。始終未能到一氣呵成。因為又要講下電魔，又要講下綠魔，又要講愛情故事，又要講父母死亡真相，實在太多支線了。

小弟不太懂化學，所以當 GWEN幫蜘蛛俠解決蜘蛛絲避免觸電上，有點兒戲。

我也遭宣傳技巧誤導 (當我自己攪錯)，我以為蜘蛛俠會以一打三，結果是車輪戰 和 加條尾巴，好像有點浪費了犀牛人。

雖然有咁多問題，但是我都是收貨。當第三集上畫的時候，我也必會捧場。

關於XMEN在尾段，我好像看不到，可能我在發夢中。

唔知真定假，有說GWEN由於太於太受歡迎，所以在漫畫中再次出現。由於小弟冇追開漫畫，所以要留待其他師兄查明了。

lkljason

Imax版好似冇xmen 片段，不過trailer 黎冇乜所謂啦

lkljason

同意！想講嘅野太多反而影響成套戲嘅節奏

lkljason

Gwen玩翻生?

jayjay

大家千祈唔好比片尾嗰條《變種特攻： 未來同盟戰》(X-men: Days Of Future Past)預告片唔導

Spider-man根本唔會同X-men一齊cross over 只係因為 FOX同SONY有contract(FOX批准Marc Webb執導《蜘蛛俠2：決戰電魔》，但 係SONY要喺片尾播《X-men: Days Of Future Past》預告片為FOX做 promotion)

(Post76 Android 手機版送出)