AK100 mkII, DX90, ZX1, F880

chauchin

我一向用開SONY A860，可以話係我一直以來最愛的player，由mp3到聽wav，用跟機耳機，到最後選用UE900，我都對A860情有獨鍾，仲收藏咗一黑一白兩部。

但最近由於我開始多咗24bit同DSD嘅歌，於是要買一部player可以食到晒呢啲格式，所以我決定升級。

之前試過SONY F806，Pha 1 & 2 同PCM D100。其中Pha 1同2都好啱口味又多嘢玩，無奈玩咗一陣，覺得出街完全唔方便又食電，特別係佢要兩邊插線放唔到入袋，所以放棄。

於是我最近反覆試晒幾部熱門中低價機：AK100 mkII, DX90, ZX1, F880

我唔聽交響樂，只聽流行HK, J, K Pop，女聲為主 (有老有嫩)。

覺得有以下感覺：

AK100 mkII - 調音最啱口味，人聲加咗味精而且較前，暖聲但不沈悶，聽流行和人聲好適合。另外要提一下佢有個叫"boast"的eq，開咗味精重啲，令節奏強勁嘅歌會更搶耳。外形靚。但推力，分析力只算中上，聲音基本質素不算高，而且價錢較貴。但調音合個人口味，整體聽感係以上幾部中最令我聽得舒服。

DX90 - 第一聽感覺得好有力量，bass都好強，暖聲，稍微偏暗（可以接受水平），闊度唔錯。聽聽節奏強勁嘅歌好過癮，但有些歌可能因為低音強而蓋過其他聲（如人聲）。人聲表現中上，但唔算很好。另外部機推力幾好，有三個擋次（gain），而且外形靚又可換電。但Play, Next, Prev, Pause反應慢，而且調音無AK同SONY咁有味道（呢個既可係缺點又可以係優點）。但要一提係，佢雖然行雙DAC，但我唔覺佢分析力特別高，可能低音真係遮咗啲其他聲。

ZX1 - 第一聽感同以上幾部機好唔同，SONY應該加重咗味精。暖聲，厚聲，低音有包圍感但唔夠實，聲音雄渾有力，分析力算高。調音聽流行會好有感覺，不過呢個聲好主觀，有人會好鍾意，有人會好唔鍾意。我接受唔到佢個clear audio，但佢個clear bass係咁多部機中開咗唔會令聽感變差嘅一部。Android好好用，尤其係我有NAS可除時上去download自己個音樂庫。但此機推力不大，接H3要最到好盡先有聽感，相信大食耳機要加amp。電唔太耐用，但返工放工應該夠用，我估可兩日一叉。外形靚，畫面大，操控方便（但如果專輯分Disc 1, Disc 2, 佢唔識分開每隻Disc嘅track 1）。另外佢係專用頭唔方便。

F880 - 第一聽感好清，分析力算高。但偏冷聲。適合聽清新音樂，動漫或少女聲音，另外結他聲配合我隻UE900係咁多部機中最好的。相對ZX1，聲音力量無咁雄渾，風格較清新。其他操作跟ZX1差不多。

以上只係個人感覺，完全代表個人主立場和口味，配上其他耳機可以完全唔同結論。

我唔係專家，唔啱聽請見諒

hoho22

ching 好文章

008325

ZX1 可以解除封印....買番黎推EM6 要一半先夠聲...而家3格已經夠, 5格都會壟....唔好話一半

詳細可以睇呢度
http://erji.net/read.php?tid=1642906&fpage=7

guardyeesze

師兄，我想問你係唔係用UE900原裝線做測試？Thanks
(Post76 Android 手機版送出)

chauchin

guardyeesze 發表於 2014-4-30 08:43
師兄，我想問你係唔係用UE900原裝線做測試？Thanks
(Post76 Android 手機版送出)

我無換線

只係用佢跟果兩條線試過。個人覺得黑線分析力較高，無咁暖聲，低音有力啲。藍線較暖聲，人聲多點感情，近啲啲。

中間試過H3，一聲好唔同，我無細心比較，但可以講用唔同耳機試聽結果會好唔同。

chauchin

終於有機會試埋x5，同x3調音取向相似。

對比DX90，x5相對無咁暖聲(較亮)，較清人聲較DX90好，但低音同推力就無咁強 (人聲出啲，低音無咁轟耳。)分析力就差唔多。雙卡好有用。我試果時部機未update，試唔到24/96wav，依家應播到。

我好唔鐘意佢個操控，可能用熟咗佢會好好用都唔奇，但我一上手完全唔知點搞。另外，同dx90一樣，按next/prev都有delay。

講真，兩部機論聲音質素，在同一檔次，我覺得只值2000-2500蚊左右。網上有人過度吹捧這兩部國貨。我覺得佢硬質素如推力，分析力係有，但兩部機嘅調音都唔算好出色，好聽啲講就係“直出”，唔好聲講就係"調音功力”未如外國大品牌。

兩部取其一，我選擇DX90，聲音取向較合個人口味。Fiio硬件都好有誠意，我由x3, e12到x5都有用心聽過，但調音唔啱口味。

lamhokin

幾部入面最喜歡ZX1,但覺得最差系f880

sohnrama

如果ZX1用番正常USB頭就正晒

dickchan

簡單報告, 清楚易明

chauchin

lamhokin 發表於 2014-5-8 12:21
幾部入面最喜歡ZX1,但覺得最差系f880

F880配動圈會好聽啲