魔警….J J 小評 (含內容)

lkljason · 發表於 2014-4-29 12:54

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

先指聲明，呢套魔警與當年轟動一時既徐步高故仔完全無關，而主角亦都唔係張家輝，今次焦點會落左o係吳魔警身上，所以睇前要有心理準備，我當然做足晒功課，所以無期望自然唔會太失望啦。

故事其實只係講一個當差既傻佬思覺失調發作，因誤救賊王令佢幼時潛在唔好既經歷爆發出黎，加上班賊比入魔後既吳彥祖玩弄，令到佢地籠裡雞作反 (我個人就覺得呢part比較兒戲左d) ，最後點就唔講留翻自己睇啦。睇得出吳彥祖今次比足心機演譯呢個角色，個角色應該都可以好好發揮，但奈何可能真係樣既問題，入魔後除左個眼圈大左d之外，演譯方式其實同未病發前都係目口目面分別唔大，比唔到我驚慄既感覺。家輝好戲就唔使講，雖然成套戲斷斷續續咁出場，有d仲要係吳魔警幻想出黎添，但演譯同表情真係無得挑剔，我咁諗如果將兩個角色調轉，出黎效果會唔會更好呢。綠葉除左智叔同林嘉華比較突出d外，其他都係普普通通，反而近黎比較留意同鐘意既演員有黑仔姜皓文，但戲份比激戰小好很多，真o徒晒料。另外萍果影評話無交代智叔同邊個講電話，講真都好明顯係安志杰勒掛，又一次証實Apple daily D寫影評既人堅流到爆。

總結：今次睇完硬係覺得剪接部份好似有d問題，你問我咩問題我梗係答你唔到啦，只係覺得唔夠連貫性，同明明可以有高潮忽然又無左既感覺，到之後睇下其他人既影評都有提及，即係唔係淨係我有呢種感覺啦。中段吳魔警回憶同幻想部份我略嫌過多稍有悶場，但可接受。動作同爆破場面雖然知道好多都係CG，但效果唔錯，起碼順眼過風暴。唔理佢d犯駁位同合唔合理，整體故事都叫講得通同完整，我覺得可以一看。