如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 wmh52 於 2014-4-24 22:23 編輯
之前幾日趁復活節假期, 入左部Dell Ultrasharp 21:9超闊29"電腦Mon, 其實留意左超闊mon好耐, 對上用22" 16:9 mon, 但總覺得睇戲時上下留空好浪費, 所以上網睇啱資料即刻動身出深水埗買.
不過講真一開頭真係唔慣, 始終太闊了, 而家都係將D視窗縮小會好睇D. 不過講到睇戲就正喇, 呢部野如果用21:9睇戲既時候, 就差唔多等於32" 16:9既電視
音響系統方面, 對住咁多大師兄面前, 真係有D出醜, 其實本身我對音響唔係咁發燒, 之前將個爛鬼電腦喇叭俾左亞爸睇馬用, 就索性買過部好少少既系統, 之前完全冇認識, 都係聽我亞哥講denon幾好, 普通用好夠用, 所以就係百記入左部Denon RCD-M39DAB 2聲道用, 其實都好滿意了
後來覺得睇戲, 冇個subwoofer好似差少少, 上左post76睇, 開始中毒, 其實本身睇咁多ching報告sunfire 12"一流, 本身都想豪一次, 但我一向中毒唔會太深, 考慮到對荷包既負擔同埋屋企唔太大, 都係平平地係友誠入左隻cheap野 --- Earthquake FF6.5
不過講真, 一分錢一分貨, 感覺真係唔夠, 冇打心口既感覺, 其實而家都有小小後悔點解唔一步到位, 有時上黎post76真係心思思想換, 唉, 不過都係算, 始終自己收入唔多, 冇咁大個頭唔戴咁大頂帽!
而家香港地做野, 打工仔真係好大壓力, 對自己好D! 支紅酒係之前台灣帶來的, 只係台灣至有得買, 呢隻好啱我口味, 入口甜冇乜平時紅酒既苦涩味, 可能酒精度只有8度有關, 總之好啱我口味, 下前去台灣一定帶多D返來! 其實周末搵晚睇下戲嘆下紅酒, 真係幾寫意
同場加映, 舊電腦mon唔好浪費, 用番D舊既火牛, 機箱, cpu, ram等等, 砌左部電腦俾兩老用, 以後大家唔洗爭野玩, 而家屋企就好似小型網吧咁  |
[複製鏈接]
發表於 2014-4-24 22:15
樓主
ok
