與龍同行….J J 小評 (含內容)

lkljason

一套睇Trailer已經知道係非常兒向既恐龍片，當然唔好期望有豬儸公園既緊張、剌激、神奇，一啖咬落去又血肉橫飛既場面出現 (Sorry!!!! 真係一滴血都無架)，如果你要睇呢d，相信睇Discovery Channel會較易滿足到你。

套戲主要係講主角恐龍既成長故事，由最初爸爸因為救主角兩兄弟，單拖大戰魔鬼龍 (其實即係暴龍) ，結果一如所料，痛失雙親後 (我覺得其實可以煽情d，而家好似無事發生咁，會唔會反映現實，親情都不及溝女緊要~~XDDDD)，兩兄弟跟左族群大遷徙，年復年不斷成長，當中加左小小愛情線 (我稱佢為Puppy Love) ，成長後哥哥爭左個首領黎做，兄弟關系就決裂 (其實套戲唔覺有描述過兩兄弟關系好好)，最後因為遷徒期間再遇到魔鬼龍，主角細佬不計前嫌，帶領族群一齊奮力對抗，完成不可能的任務。

套戲頭三分二對我黎講唔訓著既原因，係恐龍既CG出色， 而套戲係用恐龍擬人法黎演譯，但又未至於好似N年前由學友聲音演譯既”恐龍世紀”咁配晒口型黎講野，其實我覺得反而有d似TBB播既野生動物紀錄片，將d動物改晒名，再配合埋當時既畫面動作黎講野，當然因為CG關系，出黎效果既動作同配音會更加Match。

總結：套戲有親情、有勵志，加上Happy Ending，呢條集晒細路仔鐘意既公式，老土就梗架啦，但尚好有像真既恐龍造型加上突出既3D效果 (因為我睇碟既緣固，設備所限只能睇2D版，聽講套戲3D效果不俗)，相信都吸引到小朋友螺住阿爸阿媽帶佢去睇，不過如果我仲係小朋友，我寧願睇鋼鐵人或者豬豬盒好過勒！