Alpha Dog - 來自加州的密封平板大耳 (新耳機 Ether @ pg.9)

Andykong

maleo 發表於 2014-10-17 02:18
首先多謝Andy大咁詳細回覆我, 其實我對Alpha Dog Prime有反感係可能係因為佢個單元唔係Original吧... 對 ...

先提出小小討論的前設，我並不認為 Alpha Dog 是最好的耳機，也擁有一些在某些 area 比 Alpha dog 更好的耳機，所以有師兄提出鐘意某耳機多過 Alpha Dog 或 Alpha Prime 的話，我應為是理所當然的，大家有自已的 preference and choice, 討論區才會精彩，所以 Headphone A is better then Headphone B 並不是我想討論的話題，是而想理解師兄所提到的「反感」是從何而來，又從何而去！

有反感係可能係因為佢個單元唔係Original吧

其實耳機有幾多間廠是自已計和做單元的？無論大耳還是入耳，無論是動圈還是動鐵，唔小耳機廠都是「執藥」咁執，如果因為不是用 "Original" 單元的話，應有很多品牌可列入被反感之列了。

再推上一層，睇埋喇叭廠，有幾多喇叭廠是用 "Original" 單元的呢？個 D 賣幾萬美金都係用「定制」單元甚至 Off-the-shelf 單元的喇叭我地要反感到什麼地埗呢？請留心所謂「定制」單元有唔小是改下塗層或加大磁體便算是磨改「定制」了。

如果師兄對 Original 單元有堅持的話，Sony 應是最適合你的品牌，他們在單元設計和物料科技層面確比其他廠優勝的，我自已買過兩隻 Sony 大耳， Z1000 和 SA5000，講 Original 單元呢兩隻都非常有賣點，但聽落好唔好就真係見人見智，說他們在耳機燒友中備受也不為太過呢！

對我黎講Mod機賣到甘貴始終唔係太合理, 賣around 500usd都仲合理, 但係去到成千, 我就有啲保留, 佢就算唔叫轉款, 佢都係用緊t50rp個單元

我玩耳機時日很短，所以第一時諗到的就是喇叭作例子。  號稱 BBC Monitor 的 LS3/5a，算是香港燒友的至愛，我自已都聽過超過十款，售價由幾千到兩萬幾不等，但大家可知道不同品牌和型號的 LS3/5a 都是用 KEF 生產的 T270 和 B110 單元嗎？當 KEF 在 1997 年停產這兩個單，3/5a 便成為絕響了。

另一方面，就算同廠同款的喇叭，使用完全一樣的單元和分音器，只是換了音箱物料和 Finishing 便賣貴三四成的也見過有不小，我以前用的 Focus Audio 便是一個例子。就算耳機，如你查一下 Sony Q010 和 SA5000 兩隻耳機用的單元，再看一下售價，你可能會嚇了一跳，連我都忍不住講了句「咁都得？」啊！這樣說來，單單因為用緊某一個單元來評定價是否合理，似乎有很大的商榷空間。

暫時未聽過 Alpha Prime，值唔值 $1000美金唔敢講，但如師兄未聽過便認為「賣around 500usd都仲合理」的話，不如我退一步，以 Alpha Dog 做靶，由師兄建議一隻 US$500 (以新耳機計，不是二手價) 而又完勝 Alpha Dog 的耳機吧，如果師兄的建議連 Alpha Dog 都贏唔到，咁我便不太明白師兄句評語的基礎了。

我反感嘅只係佢係咁upgrade呢樣嘢(出得太快, 同每次都只係小mod), 每部AK有真係有佢地嘅特色(color version另計)

其實計話「出得太快, 同每次都只係小mod」，但師兄又特別提出 color version 另計，咁可以有 exemption 的話又比較難交流了，即係 AK120 -> AK120 Titan 這些不能納人討論範圍？咁 AK100 -> AK100mk2 又算唔算係「出得太快, 同每次都只係小mod」呢？

或者咁講啦，Mad Dog Pro vs Alpha Dog vs Alpha Prime 的分別，和 AK100 vs AK120 vs AK240 的分別才是你想講表達的 product differentiation? 我唔知師兄聽過幾多對 Dog 和幾多部 AK，但我有幸聽過 Mad Dog Pro vs Alpha Dog, 又聽過上一代的 AK100, AK120, 和 AK240，我個人聽感是用同一部機 (Antelope Zodiac +) 推 Mag Dog Pro vs Alpha Dog 的分別很大，比由 AK100 mkII vs AK120 推同一隻耳機 (EXK) 的分別更大，不過這是個人聽感，不是討論重點，講過便算了！

Andykong

maleo 發表於 2014-10-17 02:18
佢個upgrade service其實又唔係真係咁好, 因為Mad Dog都好似upgrade唔到上Alpha Dog ...

Alpha Prime 的 upgrade 是否可行要 11 月才知，但以 Alpha Dog 計，是有齊 upgrade path 給大家選擇的。



Mad Dog Pro 可以看為 Mad Dog mk II, 自 Mad Dog Pro 面世， Mad Dog 便不再出售了，這情況其實有點似當日的 AK100 -> AK100 mkII 的情況。  

Dan Clark 可以讓 Mad Dog 的用家隨時選擇 upgrade 上 Mad Dog Pro, 請問 AK 當日出 AK100 mkII 時，有類似的服務提供給用家嗎？連 one off arrangement 都唔覺有喎！

當日 AK100 被批評 output impedance 過高時，眾有識之士大大聲話高這是特有的調音技術，於是大家繼續買，跟住 AK 突然出 AK100mkII 改返 <1ohm，所有 AK100 用家企晒係條 dead end road 度，無 upgrade，要改就自已出錢搵第三者 mod 機，但一 mod  就無保用，若要講因為「出得太快, 同每次都只係小mod」而對客戶做成影響的話，未有耐要點名講 Mrspeaker (Dan Clark) 了。

iamsocheap

maleo 發表於 2014-10-17 02:18
首先多謝Andy大咁詳細回覆我, 其實我對Alpha Dog Prime有反感係可能係因為佢個單元唔係Original吧... 對 ...

我比較有興趣想知師兄用緊乜setup 推he500?

maleo

Andykong 發表於 2014-10-17 17:34
先提出小小討論的前設，我並不認為 Alpha Dog 是最好的耳機，也擁有一些在某些 area 比 Alpha dog 更好的 ...

其實我講嘅反感一路都係針對住Mr.Speakers經常短時間做新Mod呢樣嘢, 以我記憶Alpha Dog都唔係出咗好耐, 聲音有改變係好時, 但係就我黎講, 與其短時間內出幾個Mod, 點解唔花多啲時間去研發一隻好啲嘅耳機呢? 你可以見到條好嘅耳機Line什小會經常更改自己旗艦, 經常改動旗艦比到我一個不成熟嘅感覺. 其實我一即對T50rp mod有期待, 而Dogs series絕對係咁多Mod中最好, 但係見佢經常轉款, 令我呢個follower真係有啲難跟! 講真, 我真係估唔到Mr.Speakers仲有幾多款mod會出, 因為佢真係出得太快.

對於Original呢樣嘢, 首先真係要多謝師兄咁詳細講單元, 始終小弟對廠商唔熟. 但係對於一間公司黎講, 以另一間公司嘅product黎起家始終唔係咁original吧. 其實我明你想講咩, 我都明白, 例如DAC chips咁, 嚟嚟去去都係果幾塊, 只係廠家點用佢先係重點. 講翻Dog Series, 我係絕對欣賞Dan使用3D printing同佢Alpha Dog嘅調音, 奈何佢成日咁快upgrade, 我真係不咁恭維.

對於"賣around 500usd都仲合理"呢句, 其實我嘅意思係以作為一隻Mod機黎講, 賣around 500usd都仲合理. 我亦都講咗我未聽過Prime, 所以未能評價佢值唔值1000, 以1000黎講, 不論佢好唔好聲, 我只可以講我個人接受唔到一隻mod機賣1000. Alpha Dog而家賣599 USD, 而HE500 亦係, (可以參考Amazon價格), 就硬質數而言, HE500係完勝Alpha Dog. 但係問題係HE500係一隻好難推得好嘅耳機, 而Alpha Dog係比較易出好聲, (當時Head-fi meet試過Schiit Miljnor, Liquid Glass, 同iPod出).

其實要講AK, 真係有排講, 可以話又愛又恨, 我自己未曾擁有過一部, 但係見友人AK每出一部就買, 真係好難解釋, 當然對佢排山倒海咁出機, 唔多唔小都會唔like, 但係每部機佢都係有佢存在意義, 例如佢地無將ak100mk2再改做mk3, 反而係出一部同ak100mk2原全唔同嘅AK100ii. 相反, Dog Series比我嘅感覺只係不斷將同一款嘢不斷mod. 當然只係我個人見解.

maleo

Andykong 發表於 2014-10-17 20:56
Alpha Prime 的 upgrade 是否可行要 11 月才知，但以 Alpha Dog 計，是有齊 upgrade path 給大家選擇的 ...

Mad Dogs 去Alpha Dog呢個option係咪最近先有? 因為我之前好似無見過有呢個option.

未知師兄點諗, 我其實由Mad Dog已經開始留意, 作為一個咁留意佢嘅玩家, 我難免都會詫異佢會唔會出得太快. 其實未知師兄作為用家有咩感想? 因為每個upgrade嘅價錢真係唔少.

AK方面真係無謂講咁多, 因為我只係DX100用家, 對AK嘅睇法就留比AK用家講啦, 我地都講咗好多

maleo

iamsocheap 發表於 2014-10-17 20:59
我比較有興趣想知師兄用緊乜setup 推he500?

我暫時聽過最好聽嘅係Lynx Hilo出, AB過HE-500同HE-6, 推得好真係會幾似. 聽whitefang講, GS-X推會仲毒, 可惜未有機會試. 而家我自己就準備用tube speaker amp推, 但係未攪掂, 攪掂絕對會分享.

其實我同HE-500都有段故, 話說Alpha Dog同HE-500都係我上次去Head-fi meet好想聽嘅耳機, 一路以為自己會中意HE-500多啲, 點知果次試嘅HE-500全部不勘入耳 (後來發現應該係啲人嘅器材唔夾HE-500所以出爛聲), 只計當日, 我會稱先Alpha Dog. 但係後來翻香港試過HE-500, 竟然同我喺meet果到聽嘅完全唔同, 即時中毒. 後來買入HE-500, 再用友人嘅器材聽, 徹底愛上咗HE-500. 遲啲應該會打聽感.

iamsocheap

maleo 發表於 2014-10-18 05:24
我暫時聽過最好聽嘅係Lynx Hilo出, AB過HE-500同HE-6, 推得好真係會幾似. 聽whitefang講, GS-X推會仲毒,  ...

估唔到竟然係HILO直出呢，不過HILO呢部機我到而家都未有機會試過。
HE500我只聽過未能發揮好的，但印象很不錯呢。

maleo

iamsocheap 發表於 2014-10-18 05:40
估唔到竟然係HILO直出呢，不過HILO呢部機我到而家都未有機會試過。
HE500我只聽過未能發揮好的，但印象很 ...

HILO確實係好嘢, 由介面, 設計, 到聲, 我一聽就好欣賞, 可惜Out Budget得太勁... 暫時同佢無緣.

如果師兄對HE-500印象好嘅話, 不彷留意下二手吧! 尤其係Head-fi, 呢排好多人放 (大慨係因為HE-560). 發揮得好嘅HE-500真係幾好. 當然點都不及HE-6...

Andykong

maleo 發表於 2014-10-18 04:11
其實我講嘅反感一路都係針對住Mr.Speakers經常短時間做新Mod呢樣嘢, 以我記憶Alpha Dog都唔係出咗好耐,  ...

Mad Dogs 去Alpha Dog呢個option係咪最近先有? 因為我之前好似無見過有呢個option.

未知師兄點諗, 我其實由Mad Dog已經開始留意, 作為一個咁留意佢嘅玩家, 我難免都會詫異佢會唔會出得太快. 其實未知師兄作為用家有咩感想? 因為每個upgrade嘅價錢真係唔少.

AK方面真係無謂講咁多, 因為我只係DX100用家, 對AK嘅睇法就留比AK用家講啦, 我地都講咗好多

Mad Dog 去 Alpha Dog 是一路都承諾話有的，只是初出 Alpha Dog 時，因產量不足，所以需分批 upgrade, 最初只接受 Mad Dog Pro 用家 upgrade 去 Alpha Dog，到所有 Mad Dog Pro 用家都有過一次排隊 upgrade 之後，才出 Mad Dog upgrade Alpha Dog 的 plan。 Dan Clark 有在 HeadFi 的 Alpha Dog 長文中解釋過的。

我想再澄清你的用詞，Mrspeaker 無經常轉款，如果以轉款計，佢只轉過一次，由 Mad Dog 轉 Mad Dog Pro, Alpha dog 和 Alpha Prime 是新增型號，對我來說轉款和新增型別是兩碼子的事情，我介意頻頻轉款，但我唔介意新增型號。但你的睇法似是將轉款和新增型號混作一起。

我的立場比較簡單，佢無 upgrade plan，我一 定小心睇定試啱先買，因為買左無回頭，所以要揀最適合自已的。如果有 upgrade plan 而 cost of upgrade 是接近零 (即是買新貨和買低一級再 upgrade上去是接近零差價) , 咁我一定 play safe, 買自已 budget 內的產品，不會 take risk 去 extend budget, 試過覺得真係自已杯茶，先再 upgrade 都未遲，咁樣是最低風險的消費，可惜除了Dan Clark, 可版咁樣upgrade 的並不多！

至於「經常轉款」，「成日咁快upgrade」，「會唔會出得太快」，不如睇下實際日期。

Alpha Dog 是在 Summer 2013 Los Angeles Head-Fi Meet 第一次有資料，2013年8月8日 HeadFi Jude Mansilla 出第一條片，2013年10月8日 ship 第一隻 Alpha Dog。
http://www.head-fi.org/t/676095/ ... s/2505#post_9868733

Alpha Prime 是 2013年10月4日 左 HeadFi 正式公佈，預計 2012年 12 月 8 日出第一批貨。

一間在兩三年前仍是 one-man band 的新公司，只有兩個產品在發售 (Mad Dog Pro 和 Alpha Dog)，然後在 14個月後加一個新型號。這算是「經常轉款」，「成日咁快upgrade」的話，只能說 I have seen worse。

既然師兄都已講到「不論佢好唔好聲, 我只可以講我個人接受唔到」，咁就無謂傷和氣再討論這個話題了，知道便可以啦。

至於 Alpha Dog vs HE500，我歡迎有不同意見，這是在論壇開帖的主要原因嘛！其實師兄已講左其中重點：HE500係一隻好難推得好嘅耳機, 而Alpha Dog係比較易出好聲。我基來上同意的，但我認為重點不是「推」的問題，而是「配」的問題。我的看法是 HE500  未算好難推，他的調音上有重點所以平衡度不算高，所以需要「揀」 Amp來配合。配啱 Amp 而他的重點又是你杯茶，HE500 便非常正了。而 Alpha Dog 的平衡度和線性比 HE500 優勝，所以配 Amp 的寬容度較高。

至於硬質數方面 HE500 是否完勝Alpha Dog ，想先問清楚師兄所說的硬質數是指解拆力，動態，頻寬和三頻平衡這些指標嗎？如有其他重要硬質數指標，歡迎指出大家一齊探討。

Andykong

maleo 發表於 2014-10-18 05:48
HILO確實係好嘢, 由介面, 設計, 到聲, 我一聽就好欣賞, 可惜Out Budget得太勁... 暫時同佢無緣.

如果師 ...

買二手 HE500 梗係內地錄壇啦，最低見過 2000 RMB，最近二手供應小左 (HE560 初出時大量拋售)，輕微回升 2200-2300！