那夜凌晨，我坐上了旺角開往大埔的紅VAN (簡評有內容)

lamwaikit007

故事內容講述主角游梓池（阿池）某夜凌晨乘坐旺角前往大埔的紅色小巴，穿過獅子山隧道後發現世上所有人及汽車竟一下子無故消失，只剩下小巴及車內十七人留在無人無車的大埔，但後來又出現來歷不明的神秘面具人，以及小巴上的十七人部份無故死亡。

看電影前並未看小說 或 網絡小說，故唔知 小說 和 電影 相差幾遠。

感覺上，故事算是流暢，只有很少悶場。其中覺得幾有趣的一場是 "陽痿" 唱 DAVID BOWIE歌的場面。只是當中有好多疑團尚未解開，看來要靠觀眾捧場，才有希望出續集。但令我最嘔心的一場是 嗰兩個年青人所作的行為，令我不禁想到人類 或 香港人 在一個冇皇管的情況下，會否真的去做犯法的事?

每一個演員都演得稱職。

總結: 可以一看。在我貪得意想聽多些廣東粗口下的心情去看，對我來說是滿意的。如前述，有好多疑團尚未解開，看來要靠觀眾 - 你捧場，才有希望出續集。

vinsckan

睇左,但對部戲感到非常失望,拍唔到小說精神,這個都算吧 !! 成部戲劇本改編都出問題,現在電影中很多情節都沒有好好交代,成部片給人很混亂的感覺,最離奇是部電影結局,完全埋唔到尾,唔知想點,是導演作品中最差的一部

percyyip

vinsckan 發表於 2014-4-12 11:01
睇左,但對部戲感到非常失望,拍唔到小說精神,這個都算吧 !! 成部戲劇本改編都出問題,現在電影中很多情節都沒 ...

我無睇小說。只憑普通電影的角度去睇，是失敗之作，情節鬆散，心理描劃又不足。
部份情節又過長，說服力不足，變左笑片，睇完唔知為乜…
劇本似中學生作品，東抄西抄，又玩粗口同核突，但又無深層意思。
唯獨當笑片消耗兩個鐘就可以。
感覺似是借「高登仔」、「MK仔」、「大埔友」同埋「政治隱喻」等涵頭呃人入場搵錢……
同意係陳果最差電影！

andrew225

我有看小說，覺得內容幾好只是結局差小小；星期四晚入場前都知道電影的結局是未完的，電影公司想賺盡而拍這個上集，收尾收得唔好是最大的敗筆！不過看林雪已經值回票價，建議先看一看小說才入場會更好。

ryan2012

其實一早講明只係上半PART我諗會好D

(我無睇原著小說)
然而其實大致原因都講得七七八八, 起碼估到個大概
但唔知大家覺唔覺得, 演員口型同對白好似差在少少時間咁, 唔知係咪後期出錯
另外尾段小巴出發往大帽山果段真係差左D, 唔知係咪原著都係咁, 總覺得太渣流灘........架車撞到咁都仲無人受傷, 運作如常, 呢架小巴D鋼水真係一流

Hon

啱啱睇完， 故事無問題， 衰在唔啱拍成電影， 仲要加埋d政治野落去， 九唔搭八

成套戲好多場景都穿晒崩， 最深刻就係嗰把刀仔， 仲話係香港咩電影基金有份俾錢贊助， 真係搵錢黎嘥

其實佢拍得好， 我寧願佢分三集黎做好過， 淨係超市同面具人都讙你兩集啦。

又再一次証明香港唔係拍唔到呢類戲， 清場幾咁簡單， 但袙港真係有寶咩， 做多小小為拍電影都咁難? 抵俾人話港產片已死
(Post76 Android 手機版送出)

andrew225

ryan2012 發表於 2014-4-13 01:14
其實一早講明只係上半PART我諗會好D

(我無睇原著小說)

記得小說的內容是去大帽山前無撞車，而且是經林錦公路而不是出九龍；電影最後的半小時真的改得唔好，不需要拖長來個開放式結局，小巴被人撞到爛晒點出九龍呀？趕白膠漿落車又叫佢上番車，毒男成把豬肉刀插係膊頭都無血又無事，奇怪！