inFAMOUS Second Son 完成(冇好話講)

marcolau

冇好話講，
inFAMOUS 算是 SONY 獨佔系列之中首屈一指的差勁作品。
inFAMOUS 第一集已經悶到揪根，所以第二集就唔買了，本以為 Second Son 會改一下，再者新機冇GAME玩，獨佔冇睇頭，點知問題仍舊，可幸的是三日(爆兩次)就攞白金，唔駛長時間悶下去。

一及二集時，因為RAM不足導致到處景物一樣的情況，在第一集(第二集我冇玩)橋與橋的對岸不論景物及店舖佈置是完全一樣。
本以為在PS4上有足夠RAM的情況下可以正常一點，點知同樣有此情況。你會發覺即使遊戲中有兩個小島，但景物卻沒大分別，網友結論是「這是 inFAMOUS 的特色....XDD」
玩法方面更是要害，任務太少及單一，十幾個區域做的事近乎一樣，好悶，如果排除重複的搵人、搵檔案及搵攝影機，整個遊戲其實只得十幾廿個任務而已，五十個都不到卻做一個開放式世界遊戲.......因此在第二次爆機時我只集中捜集碎片升級。
系統亦是現今遊戲中難得的屈機，在困難模式時，重傷情況下還未起身就已被屈死，BOSS戰更吃力....
本以為主角有多種能力選擇會好玩一點，但原來能力只是換湯不換藥。都是擊昏、飛彈及超必，只是形式不同而已。
而操作上那個要用到觸控板的部份實在多餘，反而影響操作。反之我鍾意噴油果PART。
畫面亦不到次世代水平，多邊形數明顯是上代水平，像是如AC4全機種遊戲般的過導期產品而已，AC4多邊形數還要比佢多。

整體而言 inFAMOUS Second Son 係一隻趕時間交貨的未完成作品(官方都係咁講)。
相信要去到基本次世代級數的遊戲，至少要等到10月BATMAN.......

teddyng637

勁啾！！

kevchan1103

中肯!!!

DVD迷

師兄勁

XPR

所以我一直未買呢隻game,    看門狗 都係睇定d先...

michael.t

認真地

inFAMOUS 差勁我真係笑而不語

NO offense

我同意隻Game短呢知問題

但係首先我認為畫質係有改進的 尤其我都好欣賞果個光暗Contrast 總算叫有next-gen風範

不過inFAMOUS Second Son 就肯定不及頭兩集

第一集好悶咩？

同埋樓主冇玩inFAMOUS 2 真係你既損失

第二集真係堅正

nicebeebee

我3集都爆左,覺得第二集真係好玩好多

@肥狗仔@

其實我覺得次世代畫面標準已經好模糊。當年戰爭機器1時果種眼前一亮嘅感覺基本上都冇再發生喺我身上。哩家大廠多數都落功夫係shading上面。多邊形感覺上已經唔係首要任務，其實遊戲角色﹑場景model睇起上黎迫真又令仔約模係4成靠model~6成靠texture。而且哩家工作室都會用normal map去做複雜嘅立體，map落去之後即使係low poly睇落去都會好正又唔太影響運行表演。

marcolau

@肥狗仔@ 發表於 2014-4-9 23:26
其實我覺得次世代畫面標準已經好模糊。當年戰爭機器1時果種眼前一亮嘅感覺基本上都冇再發生喺我身上。哩家 ...

次世代主要比運算能力，P3同XB360畫面已經唔錯，只係次世代畫面要求會比較在於細緻，如髮絲、毛孔及質感。
Second Son夠膽死冇反影，水冇，車身冇，連玻璃反映都係貼圖而非即時，這在上世代已經係次等質素，更何況PS4。