世間上，只有天下無雙

甜鬆潤

前言 -

音樂就像一段旅程，有人係依段旅程笑過，有人係依段旅程哭過，亦有人只係依段旅程中既過客。
不論你係邊一種人，只要用心尋找，總有一日會遇到屬於你既天下無雙。





一直都唔認同OVER-EAR同CM就係終結，其實，何謂終結呢？

就我現階段試聽過既感受黎講，OVER-EAR無論係密度，音場，樂器定位上都有先天性既優勢，以本人所擁有既HD700同D7100為例，臨場感同空間感都係IEM無可比擬的，OVER-EAR帶比我既，係一種對音樂既享受，豪無疑問，整體上，OVER-EAR的確比IEM優勝得多。

但係，每每觸碰到我內心的，都係IEM。

我唔識解釋。
OVER-EAR 比到我既聽感係宏偉而廣闊，壯大而華麗，彷如天上的聲音。
IEM 比到我既聽感係細膩而誘惑，感性而沉醉，彷如夢中的聲音。
夢裡面，盡是慾望與迷失。
我相信大部份人都能夠型容自己對布達拉宮既睇法，卻甚少人能講得出夢中既感受。

雖然我一直都有留意CM耳機，但係就從來無遇到一隻適合既，或者咁講，我試過既CM，通常比我既感覺都係高分析力，平均而平衡，清析度高，還原度高，卻缺少了一份感情。
當然，如果你係一個追求質素既人，CM同OVER-EAR都係不二之選，依個只係取向問題，無需要爭論。

但，何謂終結？天下無雙亦非唯一，一生人時間太短，卻遇上太多。
到底要遇上多少個天下無雙，遺下多少遺憾與失落，才能找到你的天下無雙？


係正式開始寫依一篇天下無雙之前，我想問各位師兄們，你有遇過你既天下無雙嗎？

甜鬆潤

目錄



1. 1874 - SONY XBA-H3
2. 想哭 - SE846
3. 人來人往 - SM3V2

甜鬆潤

1874 - SONY XBA H-3

“為何未及時地　出生在1874
邂逅你　看守你　一起老死”

因為ZX1既關係，我認識到你。
其實我都唔知道自己有無愛過你，但係我好肯定，同你依段日子裡面，我感到快樂。
係，雖然你樣貌不討好，配戴感亦唔舒適，但係我認為，尋找天下無雙，唔應該以貌取人。
的確，由你唱出ROCK, R&B, KPOP類型既音樂都十分之討好，動態，低頻，唔比任何旗艦級耳機差。
同你係埋一齊既日子，每日都係嘻嘻哈哈咁過。
但總係無可能每日都係咁。
當我打算靜落黎同你好好傾下心事既時候，我發覺，你其實並不明白我。
分析力不足，高頻欲言又止，人聲較薄，我明白你係為快樂而生，但係當我唔開心既時候，我都會想揾個人陪我傾下計。
天下無雙不一定要完美，卻不能不難忘。
但係對你既印像就只到此為止，你並不能夠於我心裡面留下烙印。
其實錯不在於你，在於我。
錯在我們相識的時間，假如還是那時候年少輕狂的我，我相信我們的結局不會是這樣。





作為SONY XBA 系列最高階既作品，H3其實絕對係滿意之作，係配合ZX1既情況底下，更加顯出一脈相成，低頻結實量多，聽KPOP既時候整體既音樂感真係好強，BASE真係可以稱為打心口式，不過到聽JAZZ既時候，由於低頻太顯眼，令到本身較為平凡既中頻同高頻都變得相形失色，不過，亦都咁講，我認為只適用於某類型音樂既IEM並唔係缺點，某程度上黎講，係優點，因為佢令快歌既音樂感更加流暢，戴住佢真係忍唔住會隻手跟住打拍子，總括黎講，H3係一直性價比十分合理既耳機，我亦相當推介比一班鍾意聽KPOP既朋友。

隨機附送兩條耳機線，一條有remote一條無，測試後我認為無remote過條線聲音較好。
耳棉我如果無記錯應該係配左comply既tx100，有效加強低頻效果。

根據SONY所講，隻野係採用混合式驅動單體，分別為全音域平衡電樞單體一支、超高音平衡中樞單體一支，以及液晶分子振膜低音單體一支共同結合。
我完全唔明白佢講咩但我深信依個係佢整到咁Q大舊既原因。



題外話，佢個耳機CASE幾好用。

甜鬆潤

想哭 - SE846
“我想哭 不敢哭 難道這種相處
不像我們夢寐以求的幸福”


你總是那麼地體貼。
我常笑說你沒有脾氣，甚麼都隨隨便便，你卻告訴我，那是因為不想給我任何負擔。
我常笑說你沒有性格，我愛聽怎樣的歌你便唱起怎樣的歌，你卻告訴我，那是因為想讓我快樂。

你曾經是我的唯一，跟你去哪裡我也感到舒服自然。
從來沒有一刻讓我失望過，任何類形的音樂你也可以應對自如。
你常說你是為了我而生，說真的，心裡從來不曾這麼搭實過。
因為我相信你給我的，就是最好的。
到最後配上了AK240平衡系統的你，就更加給了我不再追尋的原因。

到底發生了甚麼事？
不知從那時候開始，我們不再相見，我們的分開自然得就像呼吸一樣。
是不是我們之間有誰做錯了甚麼？

有一天，我們偶然遇見，相約在一個適合聊天的下午。
當我打算點你最愛的食物，那一刻，我卻知道我們為何結束了。
我從來也不知道你喜歡甚麼，也不知道你的性格如何，你就像一直都遷就著我，為了讓我快樂卻遺失了你自己。
不知不覺的失去了你，是因為我從來也沒有擁有過你。
擁有不是佔有，佔有不用愛，擁有卻不能沒有愛。
失去你，就是那樣的沒有知覺。
是我負了你。

天下無雙的火花一消即逝，那一個空間，那一個時間，你曾經，或許，就是我的天下無雙。


SE846其實係一隻質數非常高既IEM，除左配戴舒適，對推力要求亦不高，IPHONE基本上已經可以有唔錯既聲音，我認為佢不比任可CM差。
SE846我個人認為三頻十分之平均，尤其低音表現值得一讚，空間感，分析力亦相當之好，層次感亦豐富，好少有一隻耳機比到我既聽感係一個都不能少既感覺，層次分明，每樣樂器都有佢表現既空間，依個雖然係優點但亦都可能係缺點，就係分離度高左少少。
除左原廠線之外我亦有一條cardas線同埋平衡線，平衡線我唔太清楚咩物料。

本來高音帶一點點甜但並不耀眼，cardas針對依個問題改善不少，分析力亦有再提高，可惜人聲後左，低音變化不大。
平衡線效果其實與原廠線分別不大，但係豐富既立體感令人沉醉，可惜並不耐聽。
我認為SE846性價比不錯，但係奈何個性不大，內涵不足，輕輕鬆鬆係街上聆聽我認為係首選，但係唔可以視為我既最愛，當我希望沉醉係一首音樂當中，往往未能帶動我。
原廠有兩條線，一條長d，一條短d，亦有好多唔同既耳綿或者耳膠比你換，非常體貼。

濾管方面我認為平衡最好，因為其實低頻管高音唔掂，高頻管低音唔掂，不過都係個人喜好。

甜鬆潤

寫天下無雙既原因，係因為我希望喚醒自己喜愛音樂的原因。
你還記得你第一次聽歌時所流的眼淚嗎？
那時候，那首歌，觸碰了你，不是嗎？

愛情就像離不開音樂，每一段感情都有一首歌，你的那首歌是甚麼？

今天換上過萬的器材，用上最好的耳機，但是，那種感覺還會回來嗎？

為甚麼要讓自己再次記起傷心的感覺？是因為每一段感情，我也希望珍惜。

如果沒有曾經伴你走過某一段路程的她，也沒有今天的你。

到底人是甚麼？我們的價值又是甚麼？
我們的價值就是存在於其他人的內心，當我們埋下六尺之下，我們的價值就是父母的兒女，朋友們的朋友，兒女們的父毋親，或許，或許也是，曾經某人的最愛。
為了讓自己存在，我不希望忘記誰，也不希望誰人忘記我。

我寫的愛情，或許你也有經歷過。你還記得嗎？

閉起雙眼你最掛念誰？

甜鬆潤

人來人往 - SM3V2
誰也會走 剛相戀的你先知我們原來未夠
借故鬆開我的手


你是多麼的甜美可愛。
每天張開雙眼，都想聽到你唱的歌。
你跟H3一樣，每天跟你一起也感到快樂。
但不同的是，H3給我的快樂比較具體，那是一種類似玩樂所得來的快樂，是相處上隨意的快樂。
而你，就像每天都掛著傻氣的笑容，把世上所有不安都溶化，只要走近你，我的心裡面就會泛起了一種心動。
跟你一起就像置身於無邊際的草原，我們就坐在樹蔭底下，微暖的陽光從葉縫之間透進來，帶著青草味的風把我們包圍著，整個人就沉嘴在甜蜜幸福的香味之內。
你細膩而又樂觀，我只要擁有著你，每分鐘也變得有價值。
有你的日子，只有晴天。

從來不打算讓你離開我的掌心裡。

你卻告訴我，請去找更好的。
你告訴我，你給我的，不是最好。
是你察覺到我心裡的不安定，是你察覺到我受的傷未能痊癒。
請你不要走。
你卻跟我說，我不懂愛。
愛不就是尋找天下無雙嗎？

你說，當我明白何為天下無雙的時候，我就會明白。

每一個人也是另一個人生命中的過客。我們的關係也是這樣。




SM3V2 係法國品牌EarSonic既出品，店家話係法國人手制，但係其實手工一般，某程度上國產質數比佢更好，不過配戴舒適。
空間感非常廣闊，係我擁有當中最為廣闊既一隻，三頻平均，解像度高，分析力亦十分之好，尤其聽electronic既時侯，收放自如，快得黎唔亂，高音位清脆得黎唔標，人聲感情豐富，尤其聽女聲十分討好，低音無打心口既感覺，下潛亦都唔深，但係立體感豐富。
我認為SM3V2性價比十分之高，我對佢評價極高，佢比我既聽感亦係無法取代，我亦視為收藏品之一，無論配合ZX1，AK240，都有非常好既表現，佢對推力亦有一定要求，iphone未能將佢特質發揮，HUGO + SM3V2, 既表現都唔差，HUGO金屬感重而且分析力高，聽eletronic有唔錯既加乘，但係關於HUGO又再有令我發火既事發生，依個下次有機會再講。

SM3V2同SM3V1既分別係V2為可換線型號，但係我個人認為原廠線已經足以表達SM3V2既特質。

包裝設計非常求其，我未見過有人咁既pose聽歌，拍得住HUGO哥，無一位師兄既推介我諗我真係唔會試，但係亦一試愛上。



唔知有無其他師兄可以分享下SM3V2既聽感呀？

甜鬆潤

待續。。。。。。

甜鬆潤

待續。。。。。。

甜鬆潤

待續。。。。。。

甜鬆潤

待續。。。。。。