狂舞派…. J J小評 (含內容)

lkljason

呢套影評一致讚好，加上屬於一套地道 Made in Hong Kong既電影，唔支持下點都講唔過去。

自問對跳舞真係一竅不通，Hip Hop比我印象都係o係地轉下圈 (頭或者身黎tum tum轉)，做下d翻騰高難度動作，再配合下d節奏黎chok下chok下，That’s all。而呢套既跳舞場面佔左大部份時間，成套戲主要講兩Team人PK爭奪 ”舞林大會”，女主角當然入左隊較弱既隊伍啦，因為佢既出現令到整隊team人即刻生猛晒，當中既支節就由大家自己觀賞，不過如果淨係得以上所講既內容咁就死得啦，導演好聰明加左個大極班既男主角”柒良”既角色，因為佢既騎呢演譯令到整套戲生色不小，學星仔話齋功夫加足球有得諗喎，太極加Hip Hop既化學作用都有不俗既表現。

總結：勵志片拍得唔老土我個人已經覺得唔錯，加上起用新面孔黎主演，如果配合個角色，我覺得比用大卡士效果會更令人信服同增加代入，一套非常有誠意既作品，作為影迷或者當睇戲係消磨時間既朋友，相信呢套戲應該都唔會令你失望。最後都要講句 "為了夢想，你可以去到幾盡"，不過估計而家d後生仔最多都係講 "為了上車，你可以去到幾盡"。XDDDD

朗

上車呢啲嘢大概唔使去到幾盡, 老豆老媽負責搞掂! 套戲確係值得捧場!

ctmk

Rooftoppers個首領令人意想不到的不止是一句"為了夢想，你可以去到幾盡"，仲有佢嘅身體....

lkljason

朗 發表於 2014-4-1 18:55
上車呢啲嘢大概唔使去到幾盡, 老豆老媽負責搞掂! 套戲確係值得捧場!

哈哈～～咁睇黎叫要求老豆老母可以幫到幾盡啱D！

lkljason

ctmk 發表於 2014-4-1 19:57
Rooftoppers個首領令人意想不到的不止是一句"為了夢想，你可以去到幾盡"，仲有佢嘅身體.... ...

呢度真係估佢唔到！