我的CHORD HUGO感想最終回 - 小小感想篇

甜鬆潤 · 發表於 2014-4-1 17:05

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

未試過遇過一件產品令我又愛又恨。

一路都落唔到筆去寫HUGO既PART 3，原因係我好難將佢定位。

我認為，HUGO依一步，走得急左。
作為一部隨身耳擴，並唔合格，設計上既缺憾令到佢並唔隨身，除左體積既問題，離奇既打死不離三兄弟耳機OUTPUT，同埋唔合情理既USB插頭，都令我有幾次想掉佢落街既衝動。
作為一部台機，係使用上就會變得合理得多，但係既然係台機就會對聲音同推力既要求提高，咁樣
去思量底下，亦覺得HUGO唔合格。

HUGO聲底並唔雄厚，亦唔溫柔，感覺偏向高傲，聲音清析通透，堅硬實淨，分析力高，我認為以上都係HUGO要向業界展示佢實力既地方，不過，過份賣弄底下，聲音感染力不足，但係好在有仲有一份誘惑感。整體聲音亦較乾，但係亦有不錯既音樂感。
基本上手頭上既入耳式耳機HUGO都發揮得十分之好，奈何3.5MM設計上既缺憾令我覺得不滿。
耳牛方面真係只能講一句勉強，唔算推得出靚既聲音，但係佢亦唔會推到難聽。
HUGO的確係翻開左HEAD-FI既新一頁，但係依一頁係好定唔好，仲係未知之數。

坦白講句，HUGO係一部非常有實力既耳擴，無論係推力，聲底方面都可以視為隨身界既頂級演譯，但係問題就黎哪，到底HUGO值唔值得擁有呢？

好抱歉，現階段要say no。

HUGO既實驗性質太重，設計上令定位並唔清晰，使用上問題多多，我會認為，如果佢可以更專心地係隨身依個方向發展，改善介面，聽感，推力，我期待HUGO嘅下一代會成為一部隨身界既經典。

我真係覺得好可惜，恨，係真係恨鐵不成鋼。

後話：

感謝大家既支持，HUGO篇既評測去到最後一PART哪，小弟一直都係希望用比較另類既方法去寫評測，一來自己並唔係d咩專家無謂拋書包，二來我除左希望分享睇法之外，亦希望將我既感受同大家分享。
感謝大家既支持。