平價動圈耳機推薦（請教）

jasonLai

pkpkchan 發表於 2015-1-23 11:31
IM50及70我都有, 現在只有IM50, fxt90
50人聲及bass比較出, 70就平衡D, 高音, 音場同分析力好D.  兩隻人聲 ...

帥兄，你認為im50值不值升jvc fxt90?

窮小子

木耳機...   JVC  FX 650...  998.00   旺角

Andykong

來遲了，但都想參與下， Post76 講平價/人門 的帖不多，值得繼續討論！

首先會推介我自已用緊的 Philips S2，我買呢對係公司抽獎禮物， $650 open box 但 claim 係未用過，比錢前試第一耳真係不知所謂，一舊舊，平衡度慘不忍賭，低音似漏氣的皮球，心諗果然是「未用過」！返去煲了 3 日開始聽得入耳，現在玩了大半年，雖然不是主力用但都間中跟身幾日，以幾百 $ 計真係超值，唯一問題是對推力有要求，手機直情推盡都蚊滋聲。我用 DX50 時都只算麻麻，轉用 X5 叫做推得爽D！ S2 是線控耳機設計，但我真心覺得用耳機的話無可能用到 S2 的，大廠的市場定位真係莫名其妙！

S2 正價好似係 $1300，但因為 Philips 交遊廣闊，成日比人 R 做公司禮物 sponsor，所以有心留意的話，不難遇到呢類荀價的禮物套現例子，農曆年將至，跟住便是春茗高峰期，有心人仕要留意了！

另一隻我未聽過但我自已都好有興趣的入門動圈是音茶樂Donguri 系列的 Raku (樂) 和 Syou (鐘)，因為自已都未聽過，所以無乜野可以講，只是出於對品牌的信心，覺得以呢個價買 Donguri 真係錯不了，希望有用過 Raku 和 syou 的師兄可以留下腳毛分享下！

jasonLai

Andykong 發表於 2015-2-7 11:47
來遲了，但都想參與下， Post76 講平價/人門 的帖不多，值得繼續討論！

首先會推介我自已用緊的 Philips S ...

多謝師兄留言
其實本人只希望簡簡單單聽音樂，不會用耳擴（Main point係無＄＄＄）
師兄認為S2用iphone 5s可以嗎？
我現在用緊Sony mh1, 外國幾多玩家都話ok

Andykong

jasonLai 發表於 2015-2-8 21:31
多謝師兄留言
其實本人只希望簡簡單單聽音樂，不會用耳擴（Main point係無＄＄＄）
...

iphone 推 S2 應該麻麻，你覺得夠聲都不開，會縮埋一舊咁！就算用入門級 $1xxx 的 Player 都會比 iphone 好好多

斯路

Andykong 發表於 2015-2-7 11:47
來遲了，但都想參與下， Post76 講平價/人門 的帖不多，值得繼續討論！

首先會推介我自已用緊的 Philips S ...

音茶樂Raku系列如果係七彩膠殼系列，我估都未必叫做非常抵玩既入門之選。雖然同Donguri分別好似主要只係在於外殼，但用上膠殼既Raku高頻標得相當明顯，低頻亦相信因為外殼而收得比較快，即使佩戴感一流，聲音上我唔可以話我非常推薦。

但由於膠殼木殼既分別咁大，令到我相當想試試鐘會係咩野聲音。希望快少少可以試到啦

JimmyNgai

jasonLai 發表於 2015-2-8 21:31
多謝師兄留言
其實本人只希望簡簡單單聽音樂，不會用耳擴（Main point係無＄＄＄）
...

我都推薦S2。我試過幾個牌子（Audio-tech、AKG、JVC、Sennheiser、Philips）一千左右的耳機，覺得Philips S2整體聽感最好。
簡簡單單聽音樂的話，我試過iPhone5聽KKBOX冇用耳擴直出S2都唔錯架。
第時聽聽下加個耳擴S2可以發揮得好好，係一隻幾有潛力的耳機。

Andykong

斯路 發表於 2015-2-8 23:20
音茶樂Raku系列如果係七彩膠殼系列，我估都未必叫做非常抵玩既入門之選。雖然同Donguri分別好似主要只係 ...

Raku 是「音茶樂人」還是音茶樂 的耳機 ? 高頻標低頻收得快咁大鑊?  其實 Sui 都係膠殼，照計山岸唔會因為用了膠殼便失足，唔通有新 partner 是濫的開始？希望唔好啦，對 flat4 仲好心儀架！

WallerHomie

Andykong 發表於 2015-2-7 11:47
來遲了，但都想參與下， Post76 講平價/人門 的帖不多，值得繼續討論！

首先會推介我自已用緊的 Philips S ...

之前帶個fd出旺角買港行S2都係930左右。
依隻野既潛力都幾大，比幾多推力出幾多，1000蚊樓下入門耳機我都係首推S2。

WallerHomie

窮小子 發表於 2015-2-5 11:42
木耳機...   JVC  FX 650...  998.00   旺角

靚價！
同FXT200比我都係鍾意FX650多點，我甚至覺得FX650好聽過FX850，不過FX1200比我既感覺係第二種聲。