如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 owenlee 於 2014-3-21 18:41 編輯
[題外廢話部份]
各位師兄你地好! (又係你呀!? )
無錯又係小弟 Owen仔呀! (又想點呀!? )
呀…都係想分享下 
其實這一篇分享 post 本來一早已經準備了一半有多, 但因為早兩天在壇上發生的小事件, 令小弟打算放棄再作任何有關Hugo的分享…..
其實小弟都明白大家會猜測會懷疑, 一個新手無啦啦咁活躍去分享, 而且主題咁集中於Hugo, 的確容易令大家誤會我別有用心…..
無錯小弟的確係好 ”生面口”, 主要因為之前一直都係個CD-ROM , 好少參與分享和討論, 所以同各位大師兄唔熟, 容易令你地有介心和懷疑我是明白的!
小弟一向出文用意純粹只為作分享和交流, 目前主要是以Hugo為主, 日後遇到有其他的新產品或者新發現, 值的分享的小弟都會繼續分享!
如果師兄你睇到呢度始終都係唔認同小弟的做法和沒有興趣再去睇任何有關 Hugo 的文章, 以下的可以通通無視
Thank you for your cooperation! 
=================== [分隔線] ====================
正如之前已經分享過, 小弟入手了近日其中一樣話題之作 – 由英國hi-end品牌CHORD推出的 Portable DAC+AMP 一體機 Hugo, 作為 Portable 級數上我個人認為Hugo 的DAC部份絕對是在同價位中數一數二的強! 當然 Hugo 在其他方面上不少需要改善的地方, 但它的整體質素是令人滿意的!
CHORD號稱Hugo是一部 “Reference-level standalone DAC” , 既然廠方對Hugo有咁高的評價和稱號, 相信各位師兄都同小弟一樣好想知道利用 Hugo 作為純DAC下的表現, 所以今次的 DAC大戰亦由此一觸即發! 
(先利申一下: Round 1的器材為小弟所擁有, 所以級數和能力有限, 日後會再跟其他師兄交流不同的DAC 和器材, 另外聽感部份目前一切只為小弟的個人聽感)
Okay let’s Go! Round…1….Flight!!
首場的 DAC大戰將會由英國對上日本, 先介紹一下雙方派出的選手:
來自英國方面的選手是CHORD Hugo, 有著 “可能係地上最強的隨身DAC+AMP” 的稱號, 是DAC界近日的新貴
機身體積只有100 (w) x20 (h) x132 (d) mm, 重0.4KG (超級輕量級), 身價為港幣18K!
而今次日本出戰的代表是Teac 501mod, 上年在DAC界風靡一時的 ”魔鬼牛仔褲” - 人人買左都唔岩size要拎去改褲, 相信有不少師兄都對它有一些認知!
今次出戰的501mod 為Edison兄的作品, 換上(2x Newclassd立分 opamp, 4x MUSE01, Newclassd 穩壓和4粒 Mcap交連電容) (***小更正: 相中的是 2111KP, 現己更換為 MUSE 01)
機身體積90 (w) x 81.2 (h) x 244 (d) mm, 重 5.5KG (中量級), 身價(mod後) 為港幣12K!
介紹完兩位選手, 現在就讓大家了解一下今次大戰的場地 - 小弟的家用CAS setup (見下圖)
比試方式是播放一系列小弟的reference list, 每聽完一首便會轉換 DAC 部份再聽一次, setup的其他部份沒變動
在比較前兩部機都先作30分鐘的warm up, 而且兩部機一直在整個測試期間都是處於開機狀態
由於CHORD Hugo今次可說是越級挑戰 (超級輕量級 VS 中量級), 加上它只有 RCA output
所以在比試上只用到501mod 的RCA out作公平的比較 (RCA 線 為Black Cat LectraLine 1.5m)
好啦一切都準備就緒!....叮叮叮!! Round 1即將開始!! 
.
.
.
.
.
.
.
.
.
.
[好! 先去一下廣告時段  ] (打飛!!    )
.
.
.
.
.
.
.
.
[聽感部份] 大戰前前後後進行了3小時, 每一首曲目都反覆聽了2-3次作準, 小弟現在不至是身心, 連眼耳口鼻都感到極疲倦, 恕小弟不在此詳細去講每一首歌的分別地方了, 說一說整體感覺吧!
在大戰前小弟其實是睇好Hugo 會戰勝 501mod, 皆因 (1) 之前和一位友人比較過501mod 和QuteHD, 那次感覺兩部DAC是打成平手, 而且(2) 從解碼晶片的技術上小弟覺得CHORD 自家研發的晶片是比其他廠買現成的解碼晶片有優勢的, 但今次測試的結果有小小出乎意料, 因為小弟覺得是501mod 小勝, 分數我會說是 55/45 吧! 但 501mod小勝 Hugo 的地方不是在解碼能力上, 而是在供電方面! 雖然小弟的供電部份只是入門級數, 但出來的效果還是有不錯的提升! 501mod在今次的大戰中勝在一份更通透的空氣感, 特別在聽live和大棚野時的包圍感更好, 定位表現更出色, 其實亦有可能是小弟偏向呢一樣方面的提升 所以判501mod小勝!
Hugo 作純DAC的表現其實亦都相當強悍, 在音樂感比較重和細節較多的曲目下 (如POP and 日系歌曲) Hugo 出來的聲音比 501mod 更平衡更吸引, 聽感和我在之前的文章所說的大致相同: “ Hugo DAC的聲底是中性偏些少冷, 比較明亮 (有貴氣的那種), 樂器線條好好, 人聲表現不錯但唔係強項, 低頻算快, 有質但量唔多, 動態一流! 分析力我個人覺得好強, 所有弱音都來得很自然 , 質感好好, 唔會一味sell 信息量高但所有野衝住你而黎咁, 整體來講, 好中性 無味精, 高貴大器 而且細膩的聲音!”
正當打算將Round 1 完結之時, 我腦海突然有一個想法….What if…?? 既然 501mod 是贏在供電上, What if 我從供電上著手, 令Hugo 都可以用到靚電出, 成件事會唔會有不同的結果呢?....而這個 What if 既答案就係琴晚到手了!! 
To be continued….
|
[複製鏈接]
發表於 2014-3-21 18:29
thanks!
樓主
