如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ikkjr 於 2009-8-24 09:34 編輯
上咗船, 啟行後發現有3個問題,
1) 雖然船票有坐位編号, 但結果都有d亂, 有不同乘客擁有相同坐位編号船票,
但係見到d人好識得彈性處理, 自動波找空座位坐. 所以早上船有 jet-so!
2) 因買票買得遲, 座位係船嘅尾部, engine 声相當嘈
3) 天氣非常熱, 隻船 d 冷氧又唔够, 應該話係嚴重不足! 一路坐一路流汗.
直情熱到想跳落海呀! 
前文提過早買船票較好嘅原因係可以坐船頭或船中間, 起碼唔會咁嘈同冷氣會較好. 又唔會因買唔到票而失預算.
終於捱完個半鐘船程  , 可以埋岸啦!
一落船, 真係有d似香港離島
上岸後巳經 兩點幾, 即刻揾嘢食先, 一行四人就行咗入下圖紅圈間 mall 揾嘢食, 裡面原來有 food court 咖.
因為各人係船裡面熱得太耐, 所以今次選擇餐廳首要條件係够冷氣!  小弟行完成個 mall, 發現有其中一間餐廳嘅其中一張檯先附合條件 (唔好當小弟開玩笑, 真係得中一張檯够冷氣, 因為對正個冷氣出風口),眾人第一時間立刻坐底涼下泠氣先. 休息數分鐘後出動買嘢食.. 呢間係快餐店, 同香港個 d 差不多, 有一好處係 ‘簡’完食物俾完錢有人送 d 食物埋你張檯, 唔洗自己攞. 
四碟食物 + 飲品, 圻合約 ‘hkd 百 0 文’, 最好食係個 beef burger, 裡面塊牛肉好 juicy, 正! 其它就 ok la.
係我地 ’行黎行去’ 期間, 不斷有租車司機大佬行埋黎話車我地環島遊, 見我地冇反應, 最尾一個司機大佬仲開價 usd10 包車一個鐘, 車我地週圍去參觀. 講真如果十美元一個鐘又真係幾抵咖.  可惜我地嘅目的地係 ‘耶穌山’, 個度係要行上去, 加上時間又唔容許我地遊完 ‘耶穌山’ 再環島遊, 只好留返下次有機會先!
好! 食完mum mum 出發揾 ‘耶穌山’, 行咗出mall 外面, 望極都望唔到個山, 咁當然係轉移目標揾 ‘的士’ 啦. 俾我地揾到Mailinh Group 嘅 taxi, 立刻跳上車, 朝目的地出發. (有䏲過day 1 blog 嘅朋友就會知道 Mailinh 係其中一間可靠嘅的士公司  )
由個 mall 到‘耶穌山’ 約五分鐘車程, 車費 28000 vnd, usd 1.5, 仲平過係香港坐!
一落車, 見到‘耶穌山’啦
由最底行到頂有數佰級石級, 如果慢行約需半小時, 石級好寬闊, 其實唔難行, 反而最要命係個太陽. 沿途得極小地方可以避開個 d 殺死人嘅猛烈陽光. 行行下不時會叫 ‘有冇攪錯? 使唔使咁熱呀!’ 
(可能係香港人平時太依賴冷氣, 一熱 d 就叫晒救命!)
行咗咁耐, 望見終點啦
最頂個耶穌像係可以行入裡面, 內有多層樓梯再直上, 但今次時間唔够, 冇機會行到上頂.
睇一睇表, 巳經 15:45 pm, 離開船時間只有45分鐘, 要行番幾佰級樓梯落去, 又要預時間等的士. 一於速速走! 
返到碼頭約16:20 pm, 時間剛好, 仲有 10 分鐘就開船. 今次比較好彩, 雖然坐位都係船尾, engine 声一樣咁嘈, 但最重要係呢隻船 d 冷氣好過上一隻, 唔使一路坐一路流汗.
返到洒店約18:15 pm, 又末肚餓. 行咗咁多路, 最好更係被人’馬殺雞’ 啦. 返房沖一沖身, 跟著直上21樓 spa & Massage Centre. 今次我 boss 選咗個 “90 分鐘 after sport”嘅 package, 小弟都係 ‘簡番’ 越南式鬆弛馬殺雞’; 不過就再加多半個鐘黎就番我個boss嘅完成時間. 今次加多咗時間, 同上次一樣咁舒服, 都係一d 都唔痛, 正呀!
更正: 今次好以仲舒服 d, 可能係啱啱行完山.  返房沖完凉巳經20:15 pm. 肚子開始餓, 去食晚飯啦. 
************************************************************
昨晚試過法國餐, 今晚試越南官府菜, 前美國國務卿 ‘賴斯’ 黎越南都係呢道開餐. 咁我地呢班 ‘蛋散’ 雖然做唔到 ‘美國高官’, 但而家有機會有同一享受, 点都要試下啦. 不過早一日埋單要usd350, 唔知今餐洗唔洗 double 呢…………………………………. |
發表於 2009-8-23 11:47
樓主
