死亡[動]新聞……..J J 小評 (含內容)

lkljason

又一套人設唔多，大部份時間男主角係o係一個直播室黎做，而睇trailer應該都知道係一個恐嚇勒索既題材電影，如果主角唔科水就會係指定時間內做野，所以好唔好睇就要睇下編劇功力同拍攝得緊唔緊湊，男主角交唔交到戲…..等等！呢套我覺得以上所講都係合格，而炸橋炸樓果幾幕，雖然D CG唔係特別出色，但你話我韓撚都係咁話，真係拍得比”風暴” 最後中環大淪陷真實感重，而結尾亦都算係估佢唔到，起碼可以自圓其說唔爛尾果隻。

總結：其實唔止近期hit爆既韓劇”來自星星的你” 好睇，韓國電影點解越做越吸引真係有原因，無論d講溫情、愛情喜劇，又或者呢d低成本制作但題材新穎既電影真係越做越出色，個人覺得呢套值得支持。