NON-STOP 直航殺機 ~ 影評 (極少劇透)

Collection

簡介 :
標馬克斯(里安尼遜飾) 是資深的聯邦空中乘警，他對工作感到厭倦，視每次生死攸關的任務，尤如例行公事。可是，今天的航班卻讓他搭上不一樣的旅程…
在客機從紐約起飛，出發到倫敦不久，標開始收到連串神秘短訊，命令他要迫使政府將1億5千萬美金轉到一個不明戶口，否則每20分鐘便會有一人喪命。一場緊張刺激的貓捉老鼠遊戲，於高空4萬呎展開，全機146位乘客生死懸於一線。



觀後感 :
影片從機上收到訊息 "Hello 警長" 開始, 接著已send訊息一問一答進行, 呢個
方式我非常喜歡, 因為夠哂生活化, 就好似而家大部份人咁, 不斷send whatsapp
聯絡, 電話已唔再係用嚟通話(一笑)


飛機狹窄密閉嘅空間, 編導故佈疑陣, 主角身邊每個人都有嫌疑, 不安嘅氣氛,
正邪情緒上嘅角力,  激發出扣人心弦的氣氛, 節奏氣氛皆控制得宜, 劇情發展
算是多姿多采引人入勝, 雖然超型男主角今次無《救參96小時》(Taken) 打得咁多, 但仍然再度
展現魅力, 奮勇殺敵...勁呀! 當然戲中一定有犯駁位, 但撇開呢d, 呢部戲絕對
係近期表現十分出色嘅娛樂電影!



至於女主角, 被型仔大叔搶哂鏡, 可說毫無發揮







題外話, 男仕們記得著型d去睇, 我發覺好多靚女三五成群入場架,
你哋話la, 唔著型d去點得, 估唔到咁多靚女like里安尼遜!



全文完
Collection誠意推介

朗

本來想去睇, 而家唔敢添! 就算著得型仔啲, 都係大叔一個吖! {:9_434:}

teddyng637

反而我有興趣睇睇

lkljason

冇冷場！不錯

SonSon

全套戲得四個景, 駕駛室 / 頭等倉/ 經濟倉及廁所 , 係有限空間"才掌"起成套戲好考導演功力. 呢類搵真兇最忌係估到邊個係兇手, 每個疑似角色都好似係, 好彩真係到最後先知 , 不過解迷成份交待太短及有D反駁, 要消化吓 . 動作場面真係唔多但迫力十足 , 音效只得尾段可試. 下次睇碟就要從知道真兇方面睇吓佢哋點一步一步犯案

Nolan